17/09/19

VISITA A PÁXINA DO COLEXIO


AGORA, PAULO MÚDASE Á CLASE DO ALUMNADO DE 3 ANOS E VAI PUBLICAR CASE TODOS OS SEUS CONTIDOS NA WEB DO COLEXIO. POR ISO, ANÍMAVOS A QUE A VISITEDES E DESCUBRADES TODO O QUE FACEMOS NA NOSA AULA. XA SABEDES, NO APARTADO DE EDUCACIÓN INFANTIL.

05/06/19

QUE TAL SE PRACTICAMOS UN DEPORTE? O BALONMÁN


NAS CLASES DE PSICOMOTRICIDADE DESTA SEMANA IMOS PRACTICAR UN BALONMÁN UN CHISCO DIFERENTE:
  • QUECEMENTO: IMOS MOVERNOS LIBREMENTE QUENTANDO SOBRE TODO OS BRAZOS (OMBREIROS, CÓBADOS, PULSOS E DEDOS).
  • XOGOS ESPACIAIS: DUN LADO A OUTRO DA LIÑA PASÁMONOS UN BALÓN PEQUENIÑO CUNHA SOA MAN E RECIBÍMOLO SEN QUE NOS CAIA.
  • XOGOS CORPORAIS: FALAREMOS DAS PARTES DO CORPO UTILIZAMOS NESE XOGO.
  • XOGOS TEMPORAIS: PENSAREMOS QUE HAI QUE FACER PRIMEIRO PARA PASAR UN BALÓN COA MAN; QUE TEMOS QUE FACER LOGO; E QUE TEMOS QUE FACER AO FINAL CANDO, POR FIN, SOLTAMOS A PELOTA.
  • RELAX: FORMAREMOS A NUBE DE CALMA BALONMANÍSTICA. CADA CATIVO SERÁ, COMA SEMPRE, UN RABO DE NUBE.

23/04/19

QUE É UN FRESBEE?



NAS CLASES DE PSICOMOTRICIDADE DESTA SEMANA:
  • QUECEMENTO: IMOS MOVERNOS POLA CLASE MOVENDO E QUENTADO AS PARTES DO CORPO QUE UTILIZAMOS PARA ARREBOLAR O FRISBEE.
  • XOGOS ESPACIAIS: UNS A UN LADO DA CLASE E OUTROS A OUTRO LANZARANSE O FRISBEE. OLLO, HAI QUE COLLELO NO AR! SE O DISCO CAE NO CAMPO DO MEDIO, SO O PODERÁN COLLER OS NENOS OU NENAS RECOLLEDISCOS.
  • XOGOS CORPORAIS: PENSAREMOS QUE PARTES DO CORPO UTILIZAMOS NOS LANZAMENTOS.
  • XOGOS TEMPORAIS: LANZARÉMOLO AMODO E DESPOIS MÁIS FORTE.
  • RELAX: FORMAREMOS A NUBE DE CALMA. CADA CATIVO SERÁ, COMA SEMPRE, UN RABO DE NUBE.

28/03/19

UN XOGO PARA NENAS E NENOS: O BRILÉ


ACHÉGASE O 8 DE MARZO E NA AULA DE PSICOMOTRICIDADE IMOS PRACTICAR UN XOGO SEN DISTINCIÓNS DE XÉNERO:
  • QUECEMENTO: IMOS DESPRAZARNOS DE DIFERENTES MANEIRAS E PORTANDO PELOTAS MEDIANAS ARREDOR DA PISTA DE BRILÉ.
  • XOGOS ESPACIAIS: XA NA PISTA DE BRILE E SITUADOS NA LIÑA DE FONDO, CADA UN DOS DOUS EQUIPOS DEBERÁ ATINAR E DARLLE CUNHA PELOTA AOS CONOS DA LIÑA CENTRAL.
  • XOGOS CORPORAIS: CAMBIAREMOS A PARTE DO CORPO COA QUE LANZAMOS OU GOLPEAMOS O BALÓN.
  • XOGOS TEMPORAIS: XOGAREMOS AO BRILÉ. PRIMEIRO, OS DOUS EQUIPOS SITUARANSE NO SEU CAMPO. LOGO, CANDO UN NENO SEXA GOLPEADO CO BALÓN TERÁ QUE OCUPAR O SEU LUGAR DETRÁS DA LIÑA DE FONDO DO EQUIPO CONTRARIO. AO FINAL, GAÑARÁ O EQUIPO QUE QUEDE CON ALGÚN DOS SEUS INTEGRANTES VIVO.
  • RELAX: COS CONOS COLOCADOS NO CAMPO DE XOGO. TODOS OS NENOS E NENAS SENTARÁN NA PAREDE. AQUELES QUE ESTEAN MOI TRANQUILOS PODERÁN DESCANSAR AO CARÓN DUN DOS CONOS.

20/03/19

COLCHONETAS COOPERATIVAS


MIRADE QUE BEN OIMOS PASAR:

  • QUECEMENTO: IMOS DESPRAZARNOS DE DIFERENTES MANEIRAS POLAS COLCHONETAS (ROLANDO, ARRASTRÁNDONOS, GATEANDO...).
  • XOGOS ESPACIAIS: DESPRAZARÉMONOS POR DIFERENTES LUGARES ARRASTRANDO OU ERGUENDO AS COLCHONETAS EN GRUPOS CON DIFERENTE NÚMERO DE INTEGRANTES.
  • XOGOS CORPORAIS: PENSAREMOS NAS PARTES DO CORPO QUE UTILIZAMOS PARA DESPRAZAR AS COLCHONETAS.
  • XOGOS TEMPORAIS: LEVAREMOS XENTE SUBIDA Á COLCHONETA COMO SE FOSE UNHA CARRETA. PENSAREMOS NO RÁPIDO OU LENTO QUE IMOS SEGUNDO O NÚMERO DE NENOS E NENAS QUE TIREN DA COLCHONETA, CATIVOS E CATIVAS QUE VAIAN ENRIBA...
  • RELAX: CON COLCHONETAS COLOCADAS POR TODA A CLASE, TODOS OS NENOS E NENAS SENTARÁN NO BANCO. AQUELES QUE ESTEAN MOI TRANQUILOS PODERÁN DESCANSAR NUNHA DAS COLCHONETAS COMO SE FOSEN UNHA RA NUN NENÚFAR.