28/03/19

UN XOGO PARA NENAS E NENOS: O BRILÉ


ACHÉGASE O 8 DE MARZO E NA AULA DE PSICOMOTRICIDADE IMOS PRACTICAR UN XOGO SEN DISTINCIÓNS DE XÉNERO:
  • QUECEMENTO: IMOS DESPRAZARNOS DE DIFERENTES MANEIRAS E PORTANDO PELOTAS MEDIANAS ARREDOR DA PISTA DE BRILÉ.
  • XOGOS ESPACIAIS: XA NA PISTA DE BRILE E SITUADOS NA LIÑA DE FONDO, CADA UN DOS DOUS EQUIPOS DEBERÁ ATINAR E DARLLE CUNHA PELOTA AOS CONOS DA LIÑA CENTRAL.
  • XOGOS CORPORAIS: CAMBIAREMOS A PARTE DO CORPO COA QUE LANZAMOS OU GOLPEAMOS O BALÓN.
  • XOGOS TEMPORAIS: XOGAREMOS AO BRILÉ. PRIMEIRO, OS DOUS EQUIPOS SITUARANSE NO SEU CAMPO. LOGO, CANDO UN NENO SEXA GOLPEADO CO BALÓN TERÁ QUE OCUPAR O SEU LUGAR DETRÁS DA LIÑA DE FONDO DO EQUIPO CONTRARIO. AO FINAL, GAÑARÁ O EQUIPO QUE QUEDE CON ALGÚN DOS SEUS INTEGRANTES VIVO.
  • RELAX: COS CONOS COLOCADOS NO CAMPO DE XOGO. TODOS OS NENOS E NENAS SENTARÁN NA PAREDE. AQUELES QUE ESTEAN MOI TRANQUILOS PODERÁN DESCANSAR AO CARÓN DUN DOS CONOS.

20/03/19

COLCHONETAS COOPERATIVAS


MIRADE QUE BEN OIMOS PASAR:

  • QUECEMENTO: IMOS DESPRAZARNOS DE DIFERENTES MANEIRAS POLAS COLCHONETAS (ROLANDO, ARRASTRÁNDONOS, GATEANDO...).
  • XOGOS ESPACIAIS: DESPRAZARÉMONOS POR DIFERENTES LUGARES ARRASTRANDO OU ERGUENDO AS COLCHONETAS EN GRUPOS CON DIFERENTE NÚMERO DE INTEGRANTES.
  • XOGOS CORPORAIS: PENSAREMOS NAS PARTES DO CORPO QUE UTILIZAMOS PARA DESPRAZAR AS COLCHONETAS.
  • XOGOS TEMPORAIS: LEVAREMOS XENTE SUBIDA Á COLCHONETA COMO SE FOSE UNHA CARRETA. PENSAREMOS NO RÁPIDO OU LENTO QUE IMOS SEGUNDO O NÚMERO DE NENOS E NENAS QUE TIREN DA COLCHONETA, CATIVOS E CATIVAS QUE VAIAN ENRIBA...
  • RELAX: CON COLCHONETAS COLOCADAS POR TODA A CLASE, TODOS OS NENOS E NENAS SENTARÁN NO BANCO. AQUELES QUE ESTEAN MOI TRANQUILOS PODERÁN DESCANSAR NUNHA DAS COLCHONETAS COMO SE FOSEN UNHA RA NUN NENÚFAR.

07/03/19

PARA QUE SERVEN OS AROS?


POIS ÍMOLO SABER ESTA SEMANA NA SALA DE PSICOMOTRICIDADE. AQUÍ TENDES ALGÚNS EXEMPLOS DO QUE SE PODE FACER:
  • QUECEMENTO: IMOS DESPRAZARNOS DE DIFERENTES MANEIRAS BORDEANDO OS AROS QUE ESTÁN SEMENTADOS AO LONGO DA SALA .
  • XOGOS ESPACIAIS: CANDO SOEN DOUS ASUBÍOS E O MESTRE DIGA UN NÚMERO, TODOS TERÁN QUE METERSE NUN ARO FACENDO EQUIPOS DUN NÚMERO IGUAL AO QUE SE BERRE.
  • XOGOS CORPORAIS: CADA CATIVO CUN ARO TRATARÁ DE SOSTER O ARO CON DIFERENTES PARTES DO SEU CORPO.
  • XOGOS TEMPORAIS: FORMAREMOS UN GRAN CÍRCULO E SENTAREMOS. UN NENO IRÁ DANDO VOLTAS AMODIÑO CUN ARO NA MAN E, CANDO O DESEXE, COLOCARALLO A UN NENO. ESTE TERÁ QUE CORRER LIXEIRO DETRÁS DO CATIVO QUE ESTÁ DE PÉ ANTES DE QUE CHEGUE A SENTAR NO ARO QUE ANTERIORMENTE DEIXOU.
  • RELAX: CON AROS COLOCADOS POR TODA A CLASE, TODOS OS NENOS E NENAS SENTARÁN NA PAREDE. AQUELES QUE ESTEAN MOI TRANQUILOS PODERÁN DESCANSAR NUN DOS AROS COMO SE FOSEN UNHA RA NUN NENÚFAR.

03/03/19

PAULO PRESÉNTAVOS Á SEÑORA LINGUA

IMAXE: ROLLING STONES LOGO.

HOXE PAULO QUÉREVOS PRESENTAR UNHA COLEGA. CHÁMASE SEÑORA LINGUA E, DURANTE ESTE CURSO, VAINOS AXUDAR A FALAR MELLOR. CON ELA, IMOS DESENVOLER UN PELO (PROGRAMA DE ESTIMULACIÓN DA LINGUAXE ORAL), ¡VAIA NOME! APRENDEREMOS A MOVER CORRECTAMENTE A LINGUA, A SABER RESPIRAR, A PODER UTILIZAR BEN OS BEIZOS AO FALALARMOS... EN FIN, UNHA CHEA DE COUSAS QUE IMOS IR COLGANDO AQUÍ N'A TROPA DE PAULO.

14/02/19

RELEVOS CAMBIANTES


A CLASE DE PSICOMOTRICIDADE DESTA SEMANA VAI SER TREPIDANTE:
  • QUECEMENTO: IMOS DESPRAZARNOS ARREDOR DOS CONOS DE DIFERENTES MANEIRAS.
  • XOGOS ESPACIAIS: OS CONOS ESTÁN SITUADOS A UN LADO E A OUTRO DA PISTA. SON DE CATRO CORES DIFERENTES E CADA CONO TEN O SEU IGUAL AO OUTRO ESTREMO DA AULA. COA CANCIÓN OS ANIMAIS DE LUAR NA LUBRE IREMOS FORMADO EQUIPOS DE DIFERENTE NÚMERO ATA CHEGARMOS A XUNTAR 4 EQUIPOS, QUE SE COLOCARÁN DETRÁS DE CADA CONO A UN LADO DA PISTA.
  • XOGOS CORPORAIS: XOGAREMOS ÁS CARREIRAS DE RELEVOS PORTANDO OBXECTOS DIFERENTES COMO TESTEMUÑO E CARREXÁNDOOS CON DISTINTAS PARTES DO CORPO.
  • XOGOS TEMPORAIS: PENSAREMOS NOS TESTEMUÑOS QUE NOS FAN IR MÁIS LIXEIROS E NOS QUE NOS OBRIGAN A IR MÁIS LENTOS.
  • RELAX: COS CONOS COLOCADOS NO CAMPO DE XOGO. TODOS OS NENOS E NENAS SENTARÁN NA PAREDE. AQUELES QUE ESTEAN MOI TRANQUILOS PODERÁN DESCANSAR AO CARÓN DUN DOS CONOS.