GIFS CON PICASION

OS GIFS SON SEMELLANTES AOS VÍDEOS, PERO NON SE GRAVAN CUNHA CÁMARA DE VÍDEO SENÓN CUNHA DE FOTOS. QUEREDES SABER COMO FIXEMOS OS GIFS DE ABAIXO? POIS SEGUE ESTES PASOS:

1. PONTE DIANTE DA CÁMARA E NON TE MOVAS DO SITIO.
2. SACA 3 OU 4 FOTOS CON DIFERENTES ACENOS.
3. VAI A PICASION E SUBE AS FOTOS.
4. DÁLLE AO BOTÓN DE CREATE ANIMATION.
5. GOZA DO TEU GIF, QUE PODES BAIXAR PREMENDO EN SAVE THIS ANIMATION.

CAL É O NOVO LIBRO ESPECIAL?

BOTÁDELLE UN OLLO ÁS IMAXES DO NOVO LIBRO ESPECIAL E LOGO CONTESTADE Á SEGUINTE PREGUNTA EN DOODLE. VEÑA!

SOLUCIÓN Á PEGUNTA DO VÍDEO

VÍDEO 1

PAULO QUERE DARVOS AS GRAZAS POLA GRAN PARTICIPACIÓN NA CONTESTACIÓN DA PREGUNTA EN DOODLE. PREMEDE AQUÍ PARA VERDES O QUE CONTESTÁCHEDES. AGORA XA NON SE PODE VOTAR MÁIS PORQUE, COMO DI ALÍ, POLL IS CLOSED. 

A RESPOSTA CORRECTA ERA... GALEGO! O VÍDEO DE DORAEMON ESTABA EN GALEGO. E COMO PREMIO, AÍ VOS VAI OUTRO VÍDEO DE DORAEMON EN GALEGO.

ESCRIBIMOS EN GOOGLE DOCS

O XOGO QUE NOS PROPUXO ESTA SEMANA A SEÑORA LINGUA TAMÉN O PODEMOS FACER DESDE A CASA. PREMEDE NA IMAXE DE ARRIBA OU NA DA SEÑORA LINGUA COAS CADEAS E IREDES A UN DOCUMENTO DE TEXTO DE GOOGLE. ANOTADE A VOSA PALABRA E O VOSO NOME. NON FAI FALTA GARDALO PORQUE GOOGLE DOCS FAINO POR TI.

PALABRAS ENCADEADAS COA SEÑORA LINGUA

PARA FESTEXAR QUE HOXE É O DÍA DO LIBRO, A SEÑORA LINGUA VAIVOS PROPOÑER UN XOGO COAS PALABRAS. PERO, OLLO!, NON AS COMADES, COMO FACÍA HENRY, O INCRIBLE NENO DEVORADOR DE LIBROS.

O XOGO CHÁMASE PALABRAS ENCADEADAS E CONSISTE NO SEGUINTE. A SEÑORA LINGUA DI UNHA PALABRA, POR EXEMPLO CASA, E UN NENO OU NENA TEN QUE DICIR OUTRA QUE COMECE POLA ÚLTIMA SÍLABA, SA, COMO, POR EXEMPLO, SACO. DESPOIS OUTRO TEN QUE PENSAR NOUTRA PALABRA QUE EMPECE POR CO, COELLO. E ASÍ SEGUIDO. VEÑA, A VER SE SODES QUEN DE ENCADEAR MOITÍSIMAS PALABRAS.

COMO ANOTAR RESPOSTAS?

NO CONCURSO DE ADIVIÑAR O IDIOMA DOS VÍDEOS TEMOS DÚAS FORMAS DE ANOTAR AS NOSAS RESPOSTAS. UNHA, NA TÁBOA QUE FIXEMOS EN NOTEBOOK (E ISO SO PODEMOS FACELO NA CLASE). E DÚAS, NA PÁXINA WEB DE DOODLE (QUE PODEDES FACER DESDE A CASA), ONDE RAMÓN SIMPSON VOS DEIXOU 4 OPCIÓNS. POÑEDE O VOSO NOME E ELIXIDE UNHA. PODEDES CONTESTAR AS VECES QUE QUEIRADES.

CONTESTA A PREGUNTA EN DOODLE

PAULO ESTÁ SEGURO DE QUE XA VÍCHEDES TODOS OS VÍDEOS DE ABAIXO. POIS BEN, AGORA TÓCAVOS PARTICIPAR UTILIZANDO UNHA NOVA FERRAMENTA: DOODLE. PREMEDE NA IMAXE DE ENRIBA E IREDES A UN LUGAR ONDE PODEREDES CONTESTAR UNHA PREGUNTA. MESMO PODEDES POÑER O VOSO NOME. A VER SE A ACERTADES!

EN QUE IDIOMA FALAN?

VÍDEO 1

VÍDEO 2

VÍDEO 3 

VÍDEO 4

HOXE XURDIU UNHA CONVERSA NA CLASE DO EDI: EN QUE IDIOMA FALAMOS? ENTÓN OCORRÉUSENOS UN XOGO. BUSCAR VÍDEOS DE XENTE QUE FALE EN DIFERENTES LINGUAS E TRATAR DE ADIVIÑAR EN QUE IDOMA ESTÁN A FALAR.

ADIANTO DO LIBRO ESPECIAL DE ABRIL

A VER SE ADIVIÑADES CAL É. O DEBUXO É UN CHISCO ESTRAÑO. UN NENO CON... 7 LIBROS NA BOCA! PERO, QUE LLE OCORRE? TOULEOU OU QUE?

CANTA EN INGLÉS

MIRADE O QUE ACABA DE ATOPAR PAULO EN INTERNET. IT'S A PLAYLIST WITH MANY ENGLISH SONGS FOR KIDS. TAKE A LOOK AT AO QUE XOGAMOS TO LISTEN TO THEM. ENJOY!

O AMIGACHO FANTASMÍN

UN NOVO XOGO PARA AO QUE XOGAMOS. NEL, O COLEGA FANTASMÍN PRESÉNTANOS UNHA CHEA DE XOGOS. ALGÚNS SON DE MATES E OUTROS DE LETRAS; POR ISO, COMO NON SABIAMOS ONDE METELO, INCLUÍMOLO EN XOGOS CO VOCABULARIO. GOZADE!

O CIRCO DA SEÑORA LINGUA

A SEÑORA LINGUA MONTOU UN CIRCO: O GRAN CIRCO DA SEÑORA LINGUA! NO PRIMEIRO NÚMERO, OS PALLASOS FAI RIR A TODOS OS ESPECTADORES E ESPECTADORAS. ESCACHAN COA RISA (ABRIMOS MOITO A BOCA PARA RIR). NO SEGUNDO NÚMERO APARECEN OS LEÓNS (AMOSAMOS OS DENTES E RUXIMOS). E NA DERRADEIRA E MÁIS DIFÍCIL ACTUACIÓN, OS FUNABULISTAS CAMIÑAN SOBRE A CORDA FROUXA (ABRIMOS A BOCA E MANTEMOS A LINGUA FÓRA NO CENTRO DA MESMA). OLLO! QUE NON SE ESNAFRE.

O CICLO DA AUGA EN 4 PASOS

QUE QUEREDES SABER COMO SE PRODUCE O CICLO DA AUGA? AQUÍ VOS VAI UN VÍDEO SINXELO QUE CONTA A HISTORIA DA PINGA DE AUGA GOTITA E A SÚA VIAXE POLO MUNDO ATA REGRESAR AO LUGAR DE ONDE PARTIU. FOI UN VÍDEO QUE FIXEMOS NUN TEMPO RÉCORD (2 DÍAS!) E QUE PRETENDE EXPLICAR AOS NENOS E NENAS DE INFANTIL EN QUE CONSISTE O CICLO DA AUGA. GOZÁDEO!

A SRA. LINGUA VAI A UNHA FESTA DE ANIVERSARIO

A SEÑORA LINGUA VAI DE FESTA. HOXE É O ANIVERSARIO DUNHA AMIGA SÚA QUE CUMPRE 1 ANO. E CLARO, TODOS OS CONVIDADOS SON BEBÉS. 

DESPOIS DE SOPRAR A CANDEA (SOPRAMOS AS CANDEAS DOS NÚMEROS QUE TEMOS NA CLASE), TOCA PAPAR O PASTEL (MOVEMOS AS MANDÍBULAS ESAXERAMAMENTE PARA MASTIGAR). QUE ENCHENTE! 

AGORA A NOSA AMIGA TEN MOITA SEDE E VAI Á MESA COLLER UN VASO DE REFERESCO CON PALLIÑA. TAL É A SÚA SORPRESA CANDO SE DÁ DE CONTA DE QUE OS BEBÉS CONVIDADOS NON SABEN CHUPAR POLA PALLIÑA E, NO SEU LUGAR, SOPRAN. A SRA. LINGA PARÉCELLE DIVERTIVO E DECIDE IMITALOS. QUEREDES FACER VÓS O MESMO? COME ON! 

BUSCA A PAULO EN GOOGLE

AMIGOS E AMIGAS D'A TROPA DE PAULO:

ATA AGORA, SE QUERIAMOS ACCEDER Á NOSA PÁXINA, TIÑAMOS QUE COPIAR EXACTAMENTE O ENDEREZO DO NOSO BLOG NA CAIXA DO NOSO EXPLORADOR (XA SABEDES: NÓS USAMOS SEMPRE CHROME OU FIREFOX). POIS AGORA ISTO XA NON É NECESARIO PORQUE, SE IDES A GOOGLE E ESCRIBIDES O NOME DO BLOG (A TROPA DE PAULO), O PRIMEIRO RESULTADO DE BUSCA É... O NOSO BLOG! 

ESTAMOS DE NORABOA. PARABÉNS A TODOS E TODAS!

UN XOGUIÑO DE LETRAS, E LOGO!

ESTAMOS QUE O TIRAMOS POLA VENTÁ. AGORA CUN XOGO DE LETRAS. QUE DIGO UN XOGO? UNHA CHEA! GOZADE EN AO QUE XOGAMOS.

XOGO: IGUAIS/DIFERENTES

UN NOVO XOGO EN AO QUE XOGAMOS. TRÁTASE DE FIXARSE E ACERTAR SE OS PUNTOS QUE SE VEN SON IGUAIS OU DIFERENTES. OLLO, PORQUE O TEMPO CORRE.

TITORIAL 1: COMO PASAR UNHA IMAXE DESDE INTERNET A NOTEBOOK?

XA VÍCHEDES O MAKING-OF. POIS AGORA É O MOMENTO DE VEXADES O VÍDEO E APRENDADES. NESTE TITORIAL EXPLÍCASENOS COMO PASAR IMAXES DESDE INTERNET AO PROGRAMA DO ENCERADO DIXITAL: NOTEBOOK. AGARDAMOS QUE VOS SEXA DE AXUDA.

ADIANTO DO NOVO LIBRO ESPECIAL

ESTÉ SI QUE É UN LIBRO ESPECIAL DE VERDADE. NON NOS CONTA HISTORIA NINGUNHA; PERO É MARABILLOSO. BOTÁDELLE UN OLLO ÁS FOTOS A VER SE IDENTIFICADES O LIBRO. ENJOY!

OUTRO XOGO CON LETRAS

XA DISPOÑEDES DUNHA NOVA ACTIVIDADE EN AO QUE XOGAMOS. CON ELA PODEREDES PRACTICAR A GRAFÍA EN MINÚSCULA DE TODAS AS LETRAS. GOZADE!

COMO SE FIXO O TITORIAL

LEVAMOS UN TEMPO FACENDO UN TITORIAL SOBRE COMO PASAR IMAXES DE INTERNET AO PROGRAMA NOTEBOOK. O TITORIAL AÍNDA ESTA NO FORNO FACÉNDOSE. PERO AÍ VOS VAI UN ADIANTO. SE PREMEDES A FOTOS PODEREDES VER O GLOG DO MAKING-OF DO TITORIAL.

OUTRO XOGO COAS LETRAS

XA DISPOÑEDES DUNHA NOVA ACTIVIDADE EN AO QUE XOGAMOS. MÁIS BEN É UNHA CHEA DE ACTIVIDADES PORQUE NA PÁXINA DE ARRIBA PODEREDES XOGAR A MOITAS APLICACIÓNS. MÁIS CA NUNCA: GOZADE!

AS VOCES EN OFF DO TITORIAL

SEGUIMOS CREANDO O NOSO TITORIAL SOBRE COMO LEVAR UNHA IMAXE AO PROGRAMA NOTEBOOK. XA TEMOS OS VÍDEOS, PERO SEN SON. UNHA DAS PARTES DO PROCESO É GRAVAR AS VOCES EN OFF QUE NOS VAIAN EXPLICANDO O QUE FACER DENTRO DO TITORIAL. XA TEMOS UN GUIÓN E, DECONTADO, NOS PUXEMOS A GRAVALO.

• AUDIO 1.
• AUDIO 2.
• AUDIO 3.
• AUDIO 4.

CREANDO TITORIAIS

UN TITORIAL É UN VÍDEO QUE NOS EXPLICA COMO FACER ALGO. POIS BEN, ESTA SEMANA COMEZAMOS UNHA NOVA SECCIÓN N'A TROPA. CHAMARÉMOLA TITORIAIS. QUE ORIXINAL, NON? NELA IMOS IR COLGANDO TODOS OS QUE FAGAMOS. PERO NON SÓ ISO. TAMÉN IMOS SUBIR PARTES DO PROCESO QUE SEGUIREMOS AO CREAR O TITORIAL. AQUÍ VOS VAI O PRIMEIRO PASO DO NOVO TITORIAL QUE IMOS CHAMAR: COMO PASAR UNHA FOTO DE INTERNET A NOTEBOOK? SON DOUS VÍDEOS SEN EDITAR AÍNDA. QUERO QUE VEXADES COMO ERAN AO COMEZO E COMO SERÁN AO REMATE. AH, POR CERTO, XA QUE ESTAMOS PRETO DO DÍA ESCOLAR DA PAZ E DA NON VIOLENCIA, A TEMÁTICA QUE USAMOS É ESA.

NOVO PROGRAMA INTERESANTE

HABÍA TEMPO QUE NON COLGABAMOS ALGO EN O QUE BAIXAMOS. XA SABEDES QUE PAULO GOSTA DE SELECCIONAR SÓ O MELLOR E, NESTA OCASIÓN, AÍ VOS VAI UN BO PROGRAMA PARA LERDES E EDITARDES CALQUERA DOCUMENTO EN PDF. É DE BALDE E, SE ESTADES FARTOS DO ACROBAT E AS SÚAS ETERNAS ACTUALIZACIÓNS, ESTA É OUTRA OPCIÓN. ESTÁ EN INGLÉS, PERO ISO NON É UN PROBLEMA PARA UN BLOG PLURILINGÜE COMA O NOSO. ;)

CANCIÓN DO DÍA DA PAZ

POR PERTICIÓN POPULAR, AQUÍ VAI O VÍDEO DO DÍA ESCOLAR DA PAZ E A NON VIOLENCIA. SE NON SE COLGABA NA TROPA A ALGÚNS DÁBALLES UN LLULLU. :)

OLLO Á BOIA!

XA SABEDES QUE AGORA, NAS CLASES DE 5 ANOS, TEMOS ENCERADOS DIXITAIS INTERACTIVOS (EDI) NOVOS. POIS BEN, PARA CELEBRALO PAULO CONFECCIONOUNOS UN GLOG PARA EXPLICARNOS UN PAR DE COUSAS E ADVERTIRNOS DUN RISCO QUE DEBEMOS EVITAR. PREMEDE NA FOTO E XA SABEDES: OLLO Á BOIA!

O QUE NOS TROUXERON OS REIS

ALGO QUE SE NOS QUEDOU NO TINTEIRO FOI PUBLICAR AS FOTOS DO XOGO QUE FIXEMOS NO EDI. TRATÁBASE DE QUE UN NENO OU NENA DEBUXASE NO ENCERADO DIXITAL E CON NOTEBOOK UN DOS XOGUETES QUE LLES TROUXERON OS MAGOS. OS DEMAIS TIÑAMOS QUE ADIVIÑAR DE QUE SE TRATABA. LOGO, ESCRIBIAMOS O SEU NOME Á NOSA MANEIRA E BUSCABAMOS UNHA FOTO EN INTERNET. PREMEDE NA FOTO PARA VER O GLOG.

O CONCURSO VISUAL DA SRA. LINGUA

A SEÑORA LINGUA SEGUE A PROPORVOS UN CONCURSO; PERO, DESTA VOLTA, VAI SER VISUAL. PREME NAS LETRAS DE ABAIXO QUE CHE LEVARÁN A UN VÍDEO. DÁLLE AO PLAY E TENTA ADIVIÑAR A LETRA QUE ESTÁ A DICIR RAMÓN. COME ON!

• 1ª LETRA.
• 2ª LETRA.
• 3ª LETRA.
• 4ª LETRA.

OLLO! QUE AGORA SAE NOS VÍDEOS RAMÓN PERO O SEGUINTE ES TI.

PRIMEIRO LIBRO ESPECIAL DE 2013

A IMAXE QUE VEDES ENRIBA FORMA PARTE DO NOVO LIBRO ESPECIAL. COMO ESTAMOS EN INVERNO, ¿QUE MELLOR QUE UN ABRIGO PARA NON PASARMOS FRÍO? PERO, ESTE ABRIGO TEN ALGO DIFERENTE. AGOCHA NO SEU INTERIOR ALGO MISTERIOSO. QUE SERÁ? NOS VINDEIROS DÍAS RESOLVEREMOS O ENIGMA NA CLASE.

RAP DO NADAL

ESTIVEMOS NOS ESTUDOS DE GRAVACIÓN EPB EDITANDO UN PEQUENO HIP-HOP PARA O NADAL. NON, ESTE NON. REFÍROME A ESTE, QUE DURA TODO O ANO. 

TITÚLASE GOSTAS DO NADAL? E TÉNDELO NO APARTADO O QUE GRAVAMOS (O REPRODUTOR DE AUDIO QUE HAI MÁIS ABAIXO, VAIA). PREMEDE NA CANCIÓN E A VER QUE VOS PARECE. FELICES FESTAS!

CANTOS XOGOS CON CONNIE

PAULO PRESÉNTAVOS Á VACA CONNIE. EN AO QUE XOGAMOS PODEDES ACCEDER Á PÁXINA DA VACA, ONDE GOZAREDES DE MOITOS XOGOS E CONTOS. ENJOY!

APRENDE PALABRAS CON FERVELLO

PAULO INCLUIU UN NOVO XOGO EN AO QUE XOGAMOS. NEL PODERÁS APRENDER UNHA CHEA DE PALABRAS CON FERVELLO E OS XOGOS QUE PROPÓN. PREME NA IMAXE E A GOZAR!

XOGO CO LIBRO ESPECIAL

VEÑA! UN XOGO PARA FIXARSE BEN. PREME NA FOTO E ADIVIÑA A QUE PARTES DO CONTO RATO TOM E RATA TOMASA PERTENCEN. COME ON!

A SRA. LINGUA, UNHA CANTANTE SILECIOSA

O INVERNO CHEGOU E TAMÉN AFECTOU Á NOSA AMIGA. COLLEU UN ARREFRIADO DE AUPA E AGORA NON TEN VOZ. A ELA ENCÁNTANLLE AS PANXOLIÑAS. COÑECE MOITAS E CÁNTAAS SEGUIDO. MAIS HOXE, CANDO CANTA, SÓ É QUEN DE MOVER OS BEIZOS SEN ARTICULAR PALABRA. 

AO CABO DUN ANACO, COMO SE ABURRE, PROPON UN XOGO COS SEUS AMIGOS OS BEIZOS: ELES TEÑEN QUE PRONUNCIAR UNHA VOGAL SEN EMITIR SON NINGÚN E ELA TEN QUE ADIVIÑAR DE CAL SE TRATA. QUE VOS PARECE? XOGAMOS?

A NOSA NOVA EMISORA DE AUDIOS

TEMOS UNHA NOVA APLICACIÓN EN A TROPA DE PAULO. É UN REPRODUTOR DE AUDIOS, ONDE IMOS IR COLGANDO AUDIOS DE INTERESE. ESTÁ COLOCADO NA METADE DEREITA DA PÁXINA, ENTRE O QUE FACEMOS E OS AMIGOS QUE TEMOS.

PARA INAUGURALO, TEMOS SUBIDO UN MP3 COA CANCIÓN EN HIP-HOP QUE FIXEMOS COS AUDIOS QUE GRAVAMOS CON PARTES DO CONTO DE CORRE, CORRE CABACIÑA. PAULO DI QUE NON FOI SEN TEMPO. PERO, QUE QUEREDES? MÁIS VALE TARDE CA NUNCA.

GRAVAMOS AS NOSAS ACCIÓNS NO EDI

NOTEBOOK É UN PROGRAMA ESPECÍFICO PARA O ENCERADO DIXITAL INTERACTIVO. CON EL PODEMOS FACER UNHA CHEA DE COUSAS E HOXE ÍMOSVOS PRESENTAR UNHA: A GRAVACIÓN DUN VÍDEO CO QUE FACEMOS NO EDI. OLLO! NON SAÍMOS NÓS. SAEN SÓ OS PASOS QUE SEGUIMOS PARA REALIZAR UNHA ACTIVIDADE. BOTÁDELLE UNHA OLLADA AO VÍDEO!

FACIANAS TOLAS

HABÍA TEMPO QUE PAULO NON NOS TRAÍA UN XOGO PARA COÑECER O CORPO HUMANO. HOXE, DÉIXANOS EN AO QUE XOGAMOS UN FLASH NO QUE PODEMOS CREAR FACIANAS DIVERTIDAS. GOZADE!

PRACTICA PALABRAS EN GALEGO

PAULO QUERE QUE COÑEZAMOS MOITAS PALABRAS. CANTAS MÁIS PALABRAS SAIBAMOS, DESCUBRIREMOS MELLOR O MUNDO NO QUE VIVIMOS. VISITTADE AO QUE XOGAMOS E NO APARTADO XOGOS COAS LETRAS TENDES UN NOVO XOGO DE VOCABULARIO. PAULO PROPONVOS UN XOGO: MIRADE AS FOTOS QUE VOS APARECEN E TRATADE DE DICIR O NOME DA COUSA QUE APARECE. LOGO PREMEDE DÚAS VECES SEGUIDAS NA IMAXE E ESCOITADE O QUE É. ÁNIMO!

UN NOVO LIBRO ESPECIAL ESTÁ CHEGANDO

SI, AMIGOS. ESTASE ACHEGANDO UN NOVO LIBRO ESPECIAL. E PARA QUE LLE VAIADES DANDO VOLTAS Á CACHOLA SOBRE CAL PODE SER, AÍ VOS VAN DÚAS PISTAS:

1. A IMAXE DE ENRIBA FORMA PARTE DO CONTO.
2. OS PERSONAXES PROTAGONISTAS SON UN RATO E UNHA RATA.

AH, QUE PENSADES QUE XA O SABEDES? QUE DICIDES QUE É RATATOUILLE? QUE CREDES QUE É RATO DE CAMPO E RATO DE CIDADE? FRÍO, FRÍO NON. FRIÍSIMO! CONXELADO!

UN XOGO PARA FIXARSE BEN

PAULO PROPONVOS UN NOVO XOGO. BOTÁDELLE UNHA OLLADA A ESTÁS IMAXES E IDENTIFICADE CALES PERTENCEN AO LIBRO CORRE CORRE, CABACIÑA E CALES NON. AS QUE NON SE CORRESPONDEN CO LIBRO DE CORRE CORRE, CABACIÑA, ¿SABEDES DE QUE LIBRO SON?

VISIONS OF PAULO

PAULO NECESITABA INCLUÍR MÁIS IMAXES SÚAS NO SEU PERFIL, EN O QUE É PAULO E NÓS AXUDÁMOSLLE NESA TAREFA. PRIMEIRO, PENSAMOS QUE PARTES DO CORPO QUERIAMOS AMOSAR DO NOSO AMIGO; LOGO, FOMOS FACENDO AS FOTOS POR PARELLAS (UN AGUANTABA O MONICREQUE E OUTRO SOSTIÑA A CÁMARA); E, AO FINAL, FACIAMOS A ESCOLLA DAS IMAXES QUE SAÍRAN BEN. BOTÁDELLE UNHA OLLADA AO RESULTADO.
YOU CAN SEE ALL THE PICTURES WE MAKE TO PAULO HERE. THESE ARE OUR VISIONS OF PAULO.

XOGOS COAS LETRAS E MOITO MÁIS

HOXE PAULO PRESÉNTAVOS UNHA PÁXINA ONDE ATOPAREDES MOITOS XOGOS COAS LETRAS. PERO NON SÓ ISO. TAMÉN VEREDES XOGOS COS NÚMEROS, COAS CORES... PREMEDE NA IMAXE OU IDE A AO QUE XOGAMOS E, XA SABEDES, A GOZAR!

SRA. LINGUA, A PINTORA

A NOSA AMIGA TEN O TEITO DA SÚA CASA SEN PINTAR E NECESITA DA NOSA AXUDA. 

PRIMEIRO PRECISA UNHA BROCHA E ¿ONDE TEN ELA UNHA BROCHA? POIS NA SÚA PUNTIÑA (SINALAMOS CO DEDO A PUNTA DA LINGUA).

LOGO, TEN QUE MOLLALA NA PINTURA. IMOS UTILIZAR A COR CARNE (A DA SALIVA). ASÍ QUE PRODUCIMOS SALIVA E MOLLAMOS BEN A BROCHA.

DESPOIS, COMEZAMOS A PINTAR O TEITO. ASÍ, MOI BEN! ADIANTE E ATRÁS. ATRÁS E ADIANTE.

AO FINAL, QUEREMOS QUE SEQUE DECONTADO PARA NON TERMOS QUE RESPIRAR O CHEIRO DA PINTURA HUMIDA. ENTÓN, ABRIMOS BEN A BOCA E INSPIRAMOS E EXPIRAMOS UN CHISCO. E, AO CABO DUN POUCO, XA ESTÁ: O TEITO DA CASA DA SRA. LINGUA ESTÁ LISTO.