COMO SE ESCRIBE "TIBURÓN"?

O OUTRO DÍA, MENTRES SEGUIAMOS TODOS OS PASOS PARA BUSCAR NOVAS SOBRE QUENLLAS, TIVEMOS UN PROBLEMA. CALES SON AS LETRAS DA PALABRA "TIBURÓN"? ENTÓN, PUXÉMONOS A PRACTICALA NO NOTEBOOK. ALGÚNS NENOS E NENAS DICÍAN: "EU NON SABO ESCRIBIR". PERO ISO NON É CERTO. TODOS SABEMOS ESCRIBIR Á NOSA MANEIRA.
MIRADE O BEN QUE O FIXEMOS (COAS GRAFÍAS DO GRUPO DAS LÚAS DE MARÍA JOSÉ ACTUALIZADAS):

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

PAULOMOVIES: A DE COUSAS QUE HAI EN PSICOMOTRICIDADE!

ESTE MES, NAS SESIÓNS IMOS FACER UNHA CHEA DE COUSAS PARA COÑECER OS MATERIAIS DA AULA DE PSICOMOTRICIDADE.:

• QUECEMENTO: FORMAREMOS UN CADRADO COS CONOS E LOGO CORREREMOS ARREDOR DELES. FAREMOS DOUS EQUIPOS E DESPOIS CORREREMOS PRIMEIRO UNS, LOGO OUTROS E DESPOIS TODOS E TODAS.
• XOGOS ESPACIAIS: AO SON DA MÚSICA POÑÉMONOS DENTRO DOS AROS. CANDO PARE, BAILAMOS.
• XOGOS CORPORAIS: DESPRAZARSE ÁS CATRO PATAS NAS COLCHONETAS, CON DOUS PUNTOS DE APOIO E UN POUQUIÑO CON UN.
• XOGOS TEMPORAIS: MOVERSE AO SON DO PANDEIRO (LENTO, AMODO).
• RELAXACIÓN.

COIDADO ARAÑA, QUE CHEGA O OUTONO!

XA SABEDES QUE ESTAMOS EN OUTONO E, COMO TODOS OS OUTONOS, CHOVE ABONDO. ESTES DÍAS ESTIVO A CHOVER TANTO E TANTO QUE... MIRADE O QUE LLE PASOU A INCY WINCY SPIDER. WATCH OUT, INCY!
TAMÉN O PODEDES VER EN AO QUE XOGAMOS.

COMO BUSCAR NOVAS?

AGORA QUE XA ESTIVEMOS APRENDENDO A PREMER NUNHA LIGAZÓN (NESTE CASO DE XORNAIS) E BUSCANDO AS LUPAS, TOCA FACER ALGO MÁIS. ASÍ QUE, UNHA VEZ QUE ESTEAMOS NA PÁXINA DOS XORNAIS, IMOS BUSCAR UNHA NOVA SOBRE ALGO QUE NOS GUSTE. QUE TAL SE PROBAMOS A ATOPAR NOTICIAS SOBRE QUENLLAS? MIRADE O VÍDEO, QUE VOS DI COMO SE FAI. VEÑA!
XA ESTIVEMOS BUSCANDO E ALGUNHAS CLASES XA ESCOLLERON A NOVA QUE MÁIS LLES GUSTOU:

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

O OUTONO E A SRA. LINGUA

O OUTONO CHEGOU TAMÉN CHEGOU Á CASA DA SRA. LINGUA. O VENTO DEIXOULLE A PORTA CHEA DE FOLLAS SECAS E AGORA NÓS TEMOS QUE AXUDARLLE A VARRELAS. VEÑA! COLLE A VASOIRA (A TÚA LINGUA) E PÁSALLA POLA PORTA (POLO BEIZO INFERIOR). ASÍ MOI BEN!

BUSCAMOS A LUPA NOS XORNAIS

QUEREMOS BUSCAR UNHA NOVA SOBRE QUENLLAS, SOBRE TIBURONES, ABOUT SHARKS, VAIA. E PARA ISO ESTIVEMOS BUSCANDO EN DIFERENTES PÁXINAS DE XORNAIS ONDE SE TEN QUE POÑER ESA PALABRA. NORMALMENTE HAI UN SITIO ONDE APARECE UNHA LUPA COMO A QUE SE VE ENRIBA. VOLVEMOS AOS XORNAIS E BUSCAMOS A LUPA? ADIANTE!

ALGUNHAS CLASES XA A ESTIVERON BUSCANDO E RODEÁDOA. PARA ISO, USAMOS O ROTULADOR DO ENCERADO DIXITAL DA AULA EDI. MIRADE AQUÍ OS PDF DO QUE FIXEMOS:

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

UN XOGO DO OUTONO

EN AO QUE XOGAMOS TENDES UNHA CHEA DE XOGOS. AQUÍ VOS VAI UN SOBRE AS ESTACIÓNS. ESTÁ EN INGLÉS. IMOS PROBAR CO OUTONO. ENJOY!

A SRA. LINGUA QUERE COÑECER AS VOSAS SRAS. LINGUAS

 

POIS ISO. COLLEDE UN ESPELLO E AMOSÁDELLE Á SRA. LINGUA A VOSA LINGUA. CANTAS HAI NESTA CLASE! VEÑA!

BUSCAMOS NOVAS SOBRE QUENLLAS

IMOS INVESTIGAR O QUE É UNHA QUENLLA. PAULO É UNHA E QUERE COÑECER NOVAS, MOITAS NOVAS SOBRE ANIMAIS COMA EL. O PRIMEIRO PASO É VISITANDO PÁXINAS WEB DALGÚN XORNAIS. PREMEDE AÍ E LEVARAVOS A UN SITIO CON MOITAS FOTOS E LETRAS. COME ON!

PAULO PRESÉNTASE A TODOS E TODAS

NON VÍCHEDES A NOVA NO XORNAL? POIS APARECEU O OUTRO DÍA. SABIADES QUE PAULO FIXO A SÚA PRESENTACIÓN EN SOCIEDADE? COMO NON O IADES SABER, SE VÓS ESTABADES ALÍ. 

PREMEDE NA IMAXE PARA VER MÁIS.

PAULO PRESENTA... O EDI!

OLA, AMIGOS E AMIGAS. O OUTRO DÍA PAULO COÑECEUVOS A TODOS E A TODAS E PRESENTOUVOS UN NOVO APARELLO: O ENCERADO DIXITAL INTERACTIVO. SABEDES QUE EN CADA AULA TEMOS UN, PERO CANDO IMOS Á AULA DE PAULO SOMOS MENOS NENOS E NENAS E PODEMOS FACER MÁIS COUSAS.

AQUÍ VOS VAI A PRIMEIRA ACTIVIDADE QUE IMOS FACER NEL. HAI QUE APRENDER A MANEXALO E O MELLOR XEITO É USANDO O NOSO DEDIÑO. DESTA VOLTA PARA TIRAR BOTELLAS VERDES E CANTAR. A GOZAR!

BENVIDOS E BENVIDAS AO NOVO CURSO!

OLA DE NOVO A TODOS E TODAS!

UN ANO MÁIS O NOSO AMIGO PAULO IRANOS INTRODUCINDO NO MUNDO DAS TIC. ESTE ANO, O NOSO AMIGO ESTARÁ COS CATIVOS E CATIVAS DE 3 ANOS. POR ISO, O BLOG NECESITA UN PEQUENOS AXUSTES E, NESTES DÍAS, ESTAMOS EN OBRAS. TEMOS QUE PREPARAR BEN A NOSA PÁXINA PARA OS NOVOS NENOS E NENAS E ISO LEVARANOS UNS DÍAS. 

CAL FOI O TEU LIBRO ESPECIAL PREFERIDO?

PREME NA IMAXE E VOTA AS VECES QUE QUEIRAS O QUE MÁIS CHE GUSTOU. ISTO NON É COMA EN DOODLE, NON É PRECISO POÑER O NOME. ÁNIMO!

XOGOS DE REPASO DO LIBRO ESPECIAL

UN RETO: A VER QUEN SE LEMBRA DE TODOS OS LIBROS ESPECIAIS. PAULO PROPONVOS UN XOGO. SIGUE ESTE PASOS:

1. PREME NAS IMAXES, ALÍ ATOPARÁS UNHAS LETRAS MOI RARAS.
2. PREME EN FICHEIRO E LOGO EN DESCARGAR. 
3. O ARQUIVO CHEGARÁ AO TEU PC.
4. ÁBREO PARA XOGAR. 

ASÍ DE SINXELO. ENJOY!

PAULO AXUDANDO A NAVEGAR POR INTERNET

DI CLAUDIA G. QUE NON LLE FURRULA O MOZILLA E PAULO QUERE AXUDARLLE. O QUE TEN QUE FACER É DESINSTALO E BAIXAR CALQUERA DESTES DOUS NAVEGADORES DE BALDE. UNHA VEZ DESCARGADOS, SÓ HAI QUE INSTALALOS.

SI, O NOVO LIBRO ESPECIAL ERA...

COMO XA MOITOS SABIADES, O NOVO LIBRO ESPECIAL ERA CATARINA, O OSO E PEDRO, UN FERMOSO LIBRO DE VIAXES. BOTÁDELLE UN OLLO AO DOODLE QUE FIXEMOS E QUE MOITOS DE VÓS XA CONTESTASTES. COMO PAULO SABE QUE VOS GUSTA MOITO POÑER O VOSO NOME E MARCAR A RESPOSTA, AÍNDA NON PECHOU A VOTACIÓN E PODEREDES SEGUIR VOTANDO DURANTE UNS DÍAS.

NOVO LIBRO ESPECIAL

ALGÚNS NENOS E NENAS XA SABEN CAL É O NOVO LIBRO ESPECIAL. ESTIVERON SACÁNDOLLE FOTOS E SUBIRONAS Á TROPA DE PAULO. MIRÁDEAS E DESCUBRIDE CAL É O LIBRO PARA LOGO CONTESTAR EN DOODLE. ÁNIMO!

A XOGAR CON POISSONROUGE

XA TENDES EN AO QUE XOGAMOS ALGO QUE SE CHAMA POISSONROUGE. PREGUNTARÉDESVOS O QUE É. PERO MELLOR QUE CONTALO É VIVILO. IDE ALÍ E GOZÁDEO!

DÍA DAS LETRAS GALEGAS

COMO SABEDES, PAULO CASE SEMPRE FALA EN GALEGO (ALGUNHAS VECES TAMÉN FALA EN CASTELÁN, INGLÉS E MESMO EN ÉLFICO). POR ISO, O VENRES 17 DE MAIO É O SEU GRAN DÍA E PARA CELEBRALO QUERE OFRECERVOS UN VÍDEO DE ROBERTO VIDAL BOLAÑO.

GIFS CON PICASION

OS GIFS SON SEMELLANTES AOS VÍDEOS, PERO NON SE GRAVAN CUNHA CÁMARA DE VÍDEO SENÓN CUNHA DE FOTOS. QUEREDES SABER COMO FIXEMOS OS GIFS DE ABAIXO? POIS SEGUE ESTES PASOS:

1. PONTE DIANTE DA CÁMARA E NON TE MOVAS DO SITIO.
2. SACA 3 OU 4 FOTOS CON DIFERENTES ACENOS.
3. VAI A PICASION E SUBE AS FOTOS.
4. DÁLLE AO BOTÓN DE CREATE ANIMATION.
5. GOZA DO TEU GIF, QUE PODES BAIXAR PREMENDO EN SAVE THIS ANIMATION.

CAL É O NOVO LIBRO ESPECIAL?

BOTÁDELLE UN OLLO ÁS IMAXES DO NOVO LIBRO ESPECIAL E LOGO CONTESTADE Á SEGUINTE PREGUNTA EN DOODLE. VEÑA!

SOLUCIÓN Á PEGUNTA DO VÍDEO

VÍDEO 1

PAULO QUERE DARVOS AS GRAZAS POLA GRAN PARTICIPACIÓN NA CONTESTACIÓN DA PREGUNTA EN DOODLE. PREMEDE AQUÍ PARA VERDES O QUE CONTESTÁCHEDES. AGORA XA NON SE PODE VOTAR MÁIS PORQUE, COMO DI ALÍ, POLL IS CLOSED. 

A RESPOSTA CORRECTA ERA... GALEGO! O VÍDEO DE DORAEMON ESTABA EN GALEGO. E COMO PREMIO, AÍ VOS VAI OUTRO VÍDEO DE DORAEMON EN GALEGO.

ESCRIBIMOS EN GOOGLE DOCS

O XOGO QUE NOS PROPUXO ESTA SEMANA A SEÑORA LINGUA TAMÉN O PODEMOS FACER DESDE A CASA. PREMEDE NA IMAXE DE ARRIBA OU NA DA SEÑORA LINGUA COAS CADEAS E IREDES A UN DOCUMENTO DE TEXTO DE GOOGLE. ANOTADE A VOSA PALABRA E O VOSO NOME. NON FAI FALTA GARDALO PORQUE GOOGLE DOCS FAINO POR TI.

PALABRAS ENCADEADAS COA SEÑORA LINGUA

PARA FESTEXAR QUE HOXE É O DÍA DO LIBRO, A SEÑORA LINGUA VAIVOS PROPOÑER UN XOGO COAS PALABRAS. PERO, OLLO!, NON AS COMADES, COMO FACÍA HENRY, O INCRIBLE NENO DEVORADOR DE LIBROS.

O XOGO CHÁMASE PALABRAS ENCADEADAS E CONSISTE NO SEGUINTE. A SEÑORA LINGUA DI UNHA PALABRA, POR EXEMPLO CASA, E UN NENO OU NENA TEN QUE DICIR OUTRA QUE COMECE POLA ÚLTIMA SÍLABA, SA, COMO, POR EXEMPLO, SACO. DESPOIS OUTRO TEN QUE PENSAR NOUTRA PALABRA QUE EMPECE POR CO, COELLO. E ASÍ SEGUIDO. VEÑA, A VER SE SODES QUEN DE ENCADEAR MOITÍSIMAS PALABRAS.

COMO ANOTAR RESPOSTAS?

NO CONCURSO DE ADIVIÑAR O IDIOMA DOS VÍDEOS TEMOS DÚAS FORMAS DE ANOTAR AS NOSAS RESPOSTAS. UNHA, NA TÁBOA QUE FIXEMOS EN NOTEBOOK (E ISO SO PODEMOS FACELO NA CLASE). E DÚAS, NA PÁXINA WEB DE DOODLE (QUE PODEDES FACER DESDE A CASA), ONDE RAMÓN SIMPSON VOS DEIXOU 4 OPCIÓNS. POÑEDE O VOSO NOME E ELIXIDE UNHA. PODEDES CONTESTAR AS VECES QUE QUEIRADES.

CONTESTA A PREGUNTA EN DOODLE

PAULO ESTÁ SEGURO DE QUE XA VÍCHEDES TODOS OS VÍDEOS DE ABAIXO. POIS BEN, AGORA TÓCAVOS PARTICIPAR UTILIZANDO UNHA NOVA FERRAMENTA: DOODLE. PREMEDE NA IMAXE DE ENRIBA E IREDES A UN LUGAR ONDE PODEREDES CONTESTAR UNHA PREGUNTA. MESMO PODEDES POÑER O VOSO NOME. A VER SE A ACERTADES!

EN QUE IDIOMA FALAN?

VÍDEO 1

VÍDEO 2

VÍDEO 3 

VÍDEO 4

HOXE XURDIU UNHA CONVERSA NA CLASE DO EDI: EN QUE IDIOMA FALAMOS? ENTÓN OCORRÉUSENOS UN XOGO. BUSCAR VÍDEOS DE XENTE QUE FALE EN DIFERENTES LINGUAS E TRATAR DE ADIVIÑAR EN QUE IDOMA ESTÁN A FALAR.

ADIANTO DO LIBRO ESPECIAL DE ABRIL

A VER SE ADIVIÑADES CAL É. O DEBUXO É UN CHISCO ESTRAÑO. UN NENO CON... 7 LIBROS NA BOCA! PERO, QUE LLE OCORRE? TOULEOU OU QUE?

CANTA EN INGLÉS

MIRADE O QUE ACABA DE ATOPAR PAULO EN INTERNET. IT'S A PLAYLIST WITH MANY ENGLISH SONGS FOR KIDS. TAKE A LOOK AT AO QUE XOGAMOS TO LISTEN TO THEM. ENJOY!

O AMIGACHO FANTASMÍN

UN NOVO XOGO PARA AO QUE XOGAMOS. NEL, O COLEGA FANTASMÍN PRESÉNTANOS UNHA CHEA DE XOGOS. ALGÚNS SON DE MATES E OUTROS DE LETRAS; POR ISO, COMO NON SABIAMOS ONDE METELO, INCLUÍMOLO EN XOGOS CO VOCABULARIO. GOZADE!

O CIRCO DA SEÑORA LINGUA

A SEÑORA LINGUA MONTOU UN CIRCO: O GRAN CIRCO DA SEÑORA LINGUA! NO PRIMEIRO NÚMERO, OS PALLASOS FAI RIR A TODOS OS ESPECTADORES E ESPECTADORAS. ESCACHAN COA RISA (ABRIMOS MOITO A BOCA PARA RIR). NO SEGUNDO NÚMERO APARECEN OS LEÓNS (AMOSAMOS OS DENTES E RUXIMOS). E NA DERRADEIRA E MÁIS DIFÍCIL ACTUACIÓN, OS FUNABULISTAS CAMIÑAN SOBRE A CORDA FROUXA (ABRIMOS A BOCA E MANTEMOS A LINGUA FÓRA NO CENTRO DA MESMA). OLLO! QUE NON SE ESNAFRE.

O CICLO DA AUGA EN 4 PASOS

QUE QUEREDES SABER COMO SE PRODUCE O CICLO DA AUGA? AQUÍ VOS VAI UN VÍDEO SINXELO QUE CONTA A HISTORIA DA PINGA DE AUGA GOTITA E A SÚA VIAXE POLO MUNDO ATA REGRESAR AO LUGAR DE ONDE PARTIU. FOI UN VÍDEO QUE FIXEMOS NUN TEMPO RÉCORD (2 DÍAS!) E QUE PRETENDE EXPLICAR AOS NENOS E NENAS DE INFANTIL EN QUE CONSISTE O CICLO DA AUGA. GOZÁDEO!