DE NOVO, UN CONTACONTOS NA BIBLIO

IMAXE: RAMÓN PARÍS LAGO.

HOXE, VOLVEU VISITARNOS UN CONTACONTOS. DESTA VOLTA NARROUNOS A HISTORIA DUNHA PRINCESA QUE NON TIÑA CON QUEN IR AO BAILE.

IMAXE: RAMÓN PARÍS LAGO.

ESTAMPADO DO VESTIDO DE DONA ELVIRA (PARTE 2)

IMAXE: RAMÓN PARÍS LAGO.

XA TEMOS EXPOSTO NO CORREDOR O RESULTADO DA ANÁLISE DO VESTIDO DE DONA ELVIRA. AO FINAL, DEBUXÁMOSLLE FLORES. COMO VEDES, ALGÚNS NENOS E NENAS VÍANAS NEGRAS E OUTROS, GRISES.

IMAXES: RAMÓN PARÍS LAGO.

DÍA DAS LETRAS GALEGAS

IMAXE: RAMÓN PARÍS LAGO.

O PASADO VENRES CELEBRAMOS O DÍA DAS LETRAS GALEGAS. TIÑAMOS APRENDIDA A CANCIÓN NON CASES CUN FERREIRO, CON COREOGRAFÍA E TODO. E ALÁ FOMOS, AO PAVILLÓN. 

POLA NOSA PARTICIPACIÓN NA REVISTA DO COLEXIO, O OUTEIRIÑO, AGASALLÁRONNOS CUN LIBRO.

IMAXES: RAMÓN PARÍS LAGO.

UN AMORODO VERMELLO!

IMAXE: RAMÓN PARÍS LAGO.

FIXEMOS UNHA PEQUENA LIMPEZA NA HORATA. SEMELLABA UNHA SELVA. PLANTAMOS MOITAS SEMENTES E, CLARO, AO FINAL MEDRAN. AS PLANTAS MOLESTÁBANSE E TIVEMOS QUE ARRINCAR ALGUNHAS. 

COMO NON HAI MAL QUE POR BEN NON VEÑA, PUIDEMOS VER O CHÍCHAROS E OS FABALLÓNS QUE CORTAMOS. ESTABÁN AÍNDA MOI PEQUENOS E NON CREMOS QUE SE PUIDERAN COMER. 

DE PASO, AO CHEGARMOS Á HORTA, DESCUBRIMOS ALGO INCRIBLE: XA NACEU UN AMORODO VERMELLO!

SAÍDA Á BIBLIOTECA DA SAGRADA

IMAXE: RAMÓN PARÍS LAGO.

DESPOIS DO CUMPRE DE NICO, FIXEMOS UN TREN E MARCHAMOS PARA A BIBLIOTECA. IAMOS BEN PREPARADOS PORQUE LEVAMOS FALANDO DA EXCURSIÓN MOITO TEMPO. OLE, A MASCOTA DA BIBLIO, MANDÓUNOS UNHA CARTA PARA QUE O FÓSEMOS VISITAR E PUXÉMONOS A PENSAR EN COMO CHEGAR ATA ALÍ. ASÍ QUE FOMOS A BING MAPS E A GOOGLE MAPS. ALÍ BUSCAMOS O COLEXIO E LOGO A BIBLIOTECA DA SAGRADA FAMILIA. TRAZAMOS DIFERENTES PERCORRIDOS EN DISTINTAS CORES.

E ESTIVEMOS VALORANDO CAL ERA MÁIS CURTO, EN CAL CANSARIAMOS MÁIS, SE TIÑAMOS QUE CRUZAR A PONTE PEONIL...

AO FINAL DECANTÁMONOS POLO ROTEIRO VERMELLO. E ALÁ FOMOS.

UNHA VEZ ALÍ, AS BIBLIOTECARIAS ESTIVÉRONNOS EXPLICANDO PARA QUE SERVEN AS PEGATINAS DE CORES QUE LEVAN ALGÚNS LIBROS E FÓRONNOS LENDO UN DE CADA CATEGORÍA. 

IMAXES: RAMÓN PARÍS LAGO.

FINALMENTE, CO NOSO SUPERCARNÉ, QUE NOS PERMITE TRAER ATA 30 LIBROS, METEMOS O QUE MÁIS NOS APETECÍA A CADA UN E UNHA NUNHA MALETA E ACAREXÁMOLOS PARA A CLASE.

ANIVERSARIO DE NICO

IMAXE: RAMÓN PARÍS LAGO.

LEVABAMOS UN TEMPIÑO SEN CELEBRAR UN CUMPRE. POIS HOXE, ANTE DE IRMOS DE EXCURSIÓN Á BIBLIOTECA, CANTÁMOSLLE EN TRES LINGUAS E, LOGO, NA HORA DO APERITIVO, COMEMOS CADANSEU ANACO DE BISCOITO. TIÑA LETRAS DE CHOCOLATE E TODO.

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

IMAXE: RAMÓN PARÍS LAGO.

ESTAMPADO DO VESTIDO DE DONA ELVIRA (PARTE 1)

IMAXE: RAMÓN PARÍS LAGO.

UNHA VEZ FEITOS OS BOSQUEXOS DO CADRO DE DONA ELVIRA, HABÍA QUE SEGUIR ESTUDANDO A OBRA DE ÁLVAREZ DE SOTOMAYOR. DESTA VOLTA, FIXÁMONOS NO ESTAMPADO DO SEU FERMOSO VESTIDO. EN EFECTO, NÓS CREMOS QUE É GRIS E, APROVEITANDO QUE NA CLASE TEMOS TÉMPERA PRATEADA, ESTIVEMOS APLICANDO A BASE DA MOSTRA DO VESTIDO NESA COR. CANDO ESTEA SECA A CARTOLINA NEGRA QUE USAMOS, DEBUXAREMOS OS MOTIVOS DO ESTAMPADO. QUE SERÁN? ALGÚNS E ALGUNHAS XA AFIRMARON QUE SON FLORES. DEBATERÉMOLO ESTA SEMANA.

IMAXE: RAMÓN PARÍS LAGO.

PRIMEIROS FROITOS DA HORTA

IMAXE: RAMÓN PARÍS LAGO.

SI, AMIGOS, COMO VEDES E LEDES, XA ESTÁN NACENDO OS PRIMEIROS FROITOS DA HORTA. NON SE PODEN RECOLLER AÍNDA PORQUE SON TEMPERÁNS OU ESTÁN MOI VERDES, PERO VAIA ILUSIÓN QUE NOS FAI.

IMAXE: RAMÓN PARÍS LAGO.

CUENTACUENTOS SOBRE DON QUIJOTE

IMAXE: RAMÓN PARÍS LAGO.

HOY, POR PRIMERA VEZ, VAMOS A PUBLICAR UN ARTÍCULO EN CASTELLANO. UN HOMENAJE A NUESTRO AMIGO DON QUIJOTE. 

EL PASADO MIÉRCOLES FORMAMOS UN TREN PARA ACUDIR A LA BIBLIOTECA. ALLÍ TODO ESTABA PREPARADO. LIBROS, MUCHOS LIBROS (COMO LOS QUE HICIERON ENLOQUECER A DON QUIJOTE). UNA PANTALLA CON ILUSTRACIONES DE NUESTRO PERSONAJE. Y, FINALMENTE, LO MÁS IMPORTANTE: ALGUIEN QUE NOS IBA A NARRAR EL CUENTO. 

LA MAESTRA ISABEL NOS RELATÓ QUIÉN ERA DON QUIJOTE, CÓMO SE LLAMABA SU ESCUDERO, CÓMO LE DECÍAN A SU CABALLO... 

CADERNO DE BOSQUEXOS

FINALMENTE, CON TODOS OS BOSQUEXOS QUE FOMOS DEBUXANDO COMPLETAMOS UN FERMOSO CADERNO. ESTÁ DISPOÑIBLE EN SOPORTE PAPEL, PARA PODÉRMOLOS VER NA AULA, E INFORMÁTICO, NA APLICACIÓN ISUU. PREME NA IMAXE PARA VELO. ENJOY!

ADEUS, ALMA!

ALMA MÁRCHANOS PARA OUTRO COLEXIO. ÍMOLA BOTAR MOITO DE MENOS E, NA MAÑÁ DO VENRES, QUIXÉMOSLLO DEMOSTRAR ENCHÉNDOA DE APERTAS. NO VÍDEO APARECE ALGUNHA MOSTRA. 

ATA SEMPRE, ALMA!

BOSQUEXO DO CADRO DE DNA. ELVIRA

IMAXE: F. M. J. JOVE E RAMÓN PARÍS LAGO.

ESTA SEMANA, NO RECANTO DE PLÁSTICA, TAL COMO ACORDAMOS, ESTAMOS APRENDENDO DE FERNANDO ÁLVAREZ DE SOTOMAYOR. FIXÁMONOS NO SEU CADRO DE DOÑA ELVIRA ESTANY VALART (QUE NÓS SEGUIMOS, TEIMUDOS, CHAMÁNDOLLE FLOR; NOUTRA CLASE DINLLE DE XEITO DIFERENTE).

IMITALO É MOI DIFÍCIL POLO QUE NOS DECANTAMOS POR CREAR UN BOSQUEXO DA SÚA OBRA. COMEZAMOS CALCANDO O SEU VESTIDO NA VENTÁ PERO COMO ISO NON ERA MOI CÓMODO, RAMÓN FOI MERCAR PAPEL CARBÓN PARA CALCALO. 

E PUXÉMONOS MANS Á OBRA.

IMAXES: RAMÓN PARÍS LAGO.

UNHA VEZ QUE TIÑA O VESTIDO, FOMOS COMPLETANDO O CADRO COS ELEMENTOS QUE O CONFORMAN.

VÍDEOS E POESÍA DE D. QUIJOTE

POIS ESTANOS MOLANDO ESTE DON QUIJOTE. ESTIVEMOS VENDO ALGÚNS DEBUXOS ANIMADOS E HOXE ESCOITAMOS UNHA E OUTRA VEZ A POESÍA DE FANTASMÍN. DE PASO, TRANSCRIBÍMOLA PARA APRENDÉRMOLA MELLOR.

FANTASMÍN QUERÍA PARECERSE A DON QUIJOTE.

POR ESO, LLEVA LANZA, ARMADURA, PERILLA Y BIGOTE. 

POR LOS CAMINOS DE LA MANCHA

A LOS MOLINOS DE VIENTO SE ACERCA.

DONDE SÓLO HAY ASPAS, VE BRAZOS.

DONDE TEJADOS, CARAS FEAS.

ES QUE A DON QUIJOTE SU IMAGINACIÓN LO HA PERDIDO

Y A LOS MOLINOS DE VIENTO CON GIGANTES HA CONFUNDIDO.

CONTACONTOS SOBRE DON QUIJOTE

IMAXE: INSTITUTO CERVANTES DE CASABLANCA.

ACHÉGASE O DÍA DO LIBRO E, AÍNDA QUE NÓS O CELEBRAMOS TODOS OS DÍAS, CONVIDÁRONNOS NESTA OCASIÓN ESPECIAL A ASISTIR A UN CONTACONTOS.

IMAXE: RAMÓN PARÍS LAGO.

TEREMOS QUE IR Á BIBLIOTECA DO COLEXIO E ALÍ UNHA MESTRA VAINOS CONTAR ALGO SOBRE DON QUIJOTE DE LA MANCHA. NÓS, MENTES TANTO, IMOS QUENTANDO MOTORES VISITANDO A FANTASMÍN E VENDO O QUE NOS CONTA SOBRE ESE PERSONAXE. PREMEDE EN CALQUERA DAS IMAXES, SEGUIDE O CÍRCULO NEGRO E ATOPARÉDELO.

IMAXE: CAPTURA DE EDUCALAB CON MODIFICACIÓN.

XOGOS PARA MANEXAR O RATO

IMAXE: CAPTURA DE EL BUHO BOO.

CANDO ASISTIMOS AO RECANTO DAS CONSTRUCIÓNS, UN DOS NENOS OU NENAS QUE ESTÁN ALÍ PODEN XOGAR, POR QUENDAS, NO ORDENADOR. DESTE XEITO, MENTRES UNS LEVANTAN TORRES CON BLOQUES, OUTRO OU OUTRA INÍCIASE NO MANEXO DO RATO.

HOXE TRAÉMOSVOS UN XOGO PRIMAVERAL QUE NOS AXUDARÁ A MOVER MELLOR O MOUSE. ESTÁ NA PÁXINA DE EL BUHO BOO, QUE ATOPAMOS GRAZAS AO PORTAL PLAYTIC. POR SUPOSTO, EL BUHO BOO XA FORMA PARTE DE AO QUE XOGAMOS.

IMAXE: CAPTURA DE EL BUHO BOO.

IMAXE: CAPTURA DE PLAYTIC.

UN CONTACONTOS NA BIBLIO

IMAXE: RAMÓN PARÍS LAGO.

O PASADO MÉRCORES VEU AO COLEXIO UN CONTACONTOS. DESPOIS DO RECREO, ACUDIMOS Á BIBLIOTECA E UN HOME CUNHA MALETA ESTÍVONOS A NARRAR VARIAS HISTORIAS. ENSINOUNOS VARIOS LIBROS E COÑECEMOS ALGÚNS MONICREQUES: UN RATO, UN PAXARO...

ELIXIMOS UN CADRO PARA O RECANTO DE PLÁSTICA

IMAXE: FUNDACIÓN M. JOSÉ JOVE.

SEMPRE CONTAMOS CUN AUTOR OU CADRO PARA INSPIRARNOS NO RECANTO DE PLÁSTICA E, APROVEITANDO A VISITA Á FUNDACIÓN JOVE, QUIXEMOS ELIXIR UN DOS QUE ALÍ VIMOS. 

PASAMOS ALGUNHAS IMAXES DOS CADROS AO NOSO ORDENADOR E, DESPOIS, CADA UN DE NÓS FOI ANOTANDO O QUE MÁIS NOS GUSTABA.

IMAXES: RAMÓN PARÍS LAGO.

LOGO, CONTAMOS OS VOTOS DE CADA CADRO E DISCUTIMOS SOBRE CAL TIÑA MÁIS. O MEU GAÑOU, DICÍAN ALGÚNS NENOS E NENAS, XA TIVESE DOUS OU CATRO VOTOS O SEU. PERO, AO FINAL, DESPOIS DE REFLEXIONAR UN CHISCO, DÉMONOS CONTA DE QUE O CADRO CON CATRO RAIAS ERA O GAÑADOR.

FOMOS ENTÓN Á TROPA DE PAULO, ONDE HABÍA UNHA LIGAZÓN Á PÁXINA DA FUNDACIÓN JOVE E DESCUBRIMOS QUE O AUTOR DO CADRO ERA FERNANDO ÁVAREZ DE SOTOMAYOR E QUE A SEÑORA DO CADRO NON SE CHAMABA FLOR (COMO NÓS PENSABAMOS), SENÓN DOÑA ELVIRA ESTANY VALART.