XA PASOU O ENTROIDO E ESTAS IMAXES AMOSAN COMO O VIVIMOS NA CLASE. ALGUNHAS SAEN MOVIDAS PORQUE A CÁMARA NON SE ADAPTA AO MOVEMENTO RÍTMICO DOS CATIVOS E CATIVAS BAILANDO. :)
ENTRE A PAZ E O ENTROIDO, TAMÉN DEIXAMOS SITIO PARA SEGUIR COÑECENDO MÁIS SOBRE URBANO LUGRÍS E O SEU UNIVERSO MARIÑO. PERO, PARA CONTALO, IMOS DAR UN PASEO POLOS RECANTOS DA AULA.
DURANTE TODOS ESTES DÍAS, FOMOS TRAENDO OBXECTOS RELACIONADOS CO CADRO MARIÑA SURREALISTA DE LUGRÍS. ENCHEMOS UNHA MESA CON CUNCHAS, XOGUETES... PERO, CLARO, NON SABIAMOS COMO SE DENOMINABAN ALGUNHAS CUNCHAS. FOMOS, ENTÓN, AO RECANTO DA BIBLIOTECA E BUSCAMOS NUN LIBRO COMO SE CHAMABA PARA IR DESEÑANDO UN MANUAL. MIRADE O DE NADIA.
VISITEMOS O RECANTO DE MATES. ALÍ, PARA NON PERDERMOS AS CUNCHAS, CONTÁMOLAS E ANOTÁMOLAS NUN INVENTARIO. ESTE É O DE LÍA.
NO RECANTO DE PLÁSTICA, TENTAMOS UNHA COMPOSICIÓN EN 3D DO CADRO. USAMOS OS OBXECTOS QUE FOMOS TRAENDO Á CLASE.
O DÍA ESCOLAR DA NON VIOLENCIA E DA PAZ NON SE CELEBRA SÓ UNHA SEMANA AO ANO. DEBE FESTEXARSE TODOS OS DÍAS. PERO NÓS, DURANTE OS DÍAS PREVIOS AO EVENTO FOMOS TRATANDO O TEMA.
SEGUIMOS CREANDO UN AMBIENTE AGRADABLE NA AULA. POR ISO, TEMOS QUE PROPOÑERNOS UNHAS NORMAS DE CONVIVENCIA. XA TIÑAMOS DÚAS E AGORA SUMAMOS OUTRA MOI IMPORTANTE PARA ENTENDERNOS NA ASEMBLEA: LEVANTAR A MAN CANDO QUEREMOS FALAR.
XA ESTAMOS MANS Á OBRA. ACUDIMOS AO RECANTO DA BIBLIOTECA E ALÍ ESTAMOS A VER CALES SON AS LETRAS DO NOME DO AUTOR. DESPOIS, PEGAMOS O SEU APELIDO PARA FACER A PORTADA DA NOSA INICIATIVA DIDÁCTICA, TAL E COMO SE OBSERVA NA IMAXE.
O PRIMEIRO CADRO QUE IMOS ANALIZAR DE LUGRÍS TITÚLASE MARIÑA SURREALISTA. QUEREMOS FACER UNHA COMPOSICIÓN EN 3D DA OBRA RECOMPILANDO OBXECTOS QUE APAREZAN NELA. FARÉMOLO NO RECANTO DE PLÁSTICA E, DE MOMENTO, HOUBO NENOS E NENAS QUE TROUXERON ALGO: UNHA SEREÍÑA, UNHA CARACOLA...
PARA EXPLORAR MÁIS DETIDAMENTE O CADRO ESTÁMONOS A SERVIR DUN LIBRO DE YOLANDA CASTAÑO. TOMÁMONOS A LICENZA DE ADAPTAR O TEXTO PARA OS NENOS E NENAS DE EDUCACIÓN INFANTIL E ESTE É O RESULTADO.
A FINAIS DE FEBREIRO HABEMOS VISITAR O MUSEO DE BELAS ARTES DA CORUÑA E, COMO SABEDES, ALÍ EXPÓÑENSE OBRAS DE MOITOS ARTISTAS E, ENTRE ELES, URBANO LUGRÍS GONZÁLEZ. ASÍ QUE, PARA IR PREPARADOS PARA ESA SAÍDA, IMOS TRATAR A ESTE AUTOR E OS SEUS CADROS NA CLASE.
PARA IR QUENTANDO MOTORES NESTE INVERNO, ESTAMOS A INTERPRETAR UNHA CANCIONCIÑA. ESTÁ CANTADA POR VERO KOU E NÓS XA A SABEMOS DRAMATIZAR. HABÉMOLA DE REPRESENTAR GRAFICAMENTE A TRAVÉS DUN GIF COA APLICACIÓN WEB PICASION. DESTA VOLTA COS NENOS E NENAS DO CEIP DE PRÁCTICAS. MIRADE AQUÍ QUE BEN QUEDOU O ANO PASADO COS CATIVOS E CATIVAS DO CEIP S. FAMILIA.
ESTE MES NON PARAMOS. COMEZÁMOLO PREPARANDO UNHA CASA PARA O POBOADO DE NADAL QUE SE COLOCOU NA ENTRADA DO COLEXIO. IDEAMOS CONSTRUILA MOI PARECIDA Á CASIÑA DE CHOCOLATE DE HANSEL E GRETEL.
DESPOIS ESTIVEMOS DECORANDO A BOLSA NA QUE IAMOS LEVAR Á CASA OS NOSOS TRABALLOS.
UN NENO E UNHA NENA QUE ENTRAN NO CLUB DOS 3 E, POR SUPOSTO, ESTIVÉMOSLLE COMENDO UN ANACO DE DELICIOSO BISCOITO. ANTES, COMA SEMPRE, CANTÁMOSLLES EN TRES IDIOMAS. OMG!
ACHÉGASE O NADAL E NÓS XA IMOS CANTANDO ALGUNHA PANXOLIÑA. CON ESTA ÍMOLO PASAR XENIAL! INTERPRÉTANA OS NENOS E NENAS DA EEI NOSA SEÑORA DO CARME DE MARÍN (PO).
DESDE QUE NON ESCRIBIMOS SOBRE A NOSA INICIATIVA DIDÁCTICA SOBRE A CIENCIA, LEVAMOS TRES QUENDAS MÁIS DE EXPERIMENTOS. LEMBRADE QUE COMEZAMOS CON EXPERIMENTOS NOS QUE USABAMOS LUME, AUGA E AIRE. POIS BEN, A SEMANA SEGUINTE A ESA COMEZAMOS CUNHA XEIRA DE PRÁCTICAS ONDE MESTURABAMOS AUGA CON OUTRAS SUBSTANCIAS E, COMA SEMPRE, TRATABAMOS DE PREDICIR O QUE ÍA PASAR E COMPROBABAMOS O QUE FINALMENTE OCORRÍA.
ACEITE.
SAL.
CACAO SOLUBLE.
AZUCRE.
OUTRO GRUPO DE EXPERIMENTOS REALIZÁMOLOS A SEMANA PASADA. DESTA VOLTA, MESTURAMOS CORES E, SORPRENDENTEMENTE, SAÍAN OUTRAS NOVAS. XA QUE TRATABAMOS ESA TEMÁTICA, ESTIVEMOS A LER PEQUENO AZUL E PEQUENO AMARELODE LEO LIONNI.
AZUL/VERMELLO (SAÍRONNOS 2 CORES DIFERENTES!).
AMARELO/AZUL.
VERMELLO/AMARELO.
BRANCO/NEGRO.
BRANCO/VERMELLO.
E XA ESTA SEMANA, DEDICÁMONOS A SOMERXER (OU TRATAR DE FACELO) ALGÚNS OBXECTOS NA AUGA. QUERIAMOS COMPROBAR SE FLOTABAN OU NON.
COMO NAS PRIMEIRAS EXPERIENCIAS, FOMOS REXISTRANDO O SEGUIMENTO DO MÉTODO CIENTÍFICO MEDIANTE FICHAS ONDE IAMOS ANOTANDO (FICHAS QUE, POR CERTO, XA PODEN SER CONSULTADAS NA PAREDE DE ENTRADA DA AULA E, DENTRO DE POUCO, NUN CADERNO DE EXPERIMENTOS).
