SAÍDA Á BIBLIO DOS ROSALES

IMAXES: RAMÓN PARÍS LAGO.

OUTRA EXCURSIÓN. NON TEMOS PARADA!

A MEDIA MAÑÁ DO XOVES, SUBIMOS AO AUTOBÚS.

DIRIXÍMONOS AO BARRIO DOS ROSALES, EN CONCRETO, Á SÚA BIBLIOTECA. LORENA E VERO, AS BIBLIOTECARIAS AGARDÁBANNOS NA PORTA E NON TARDARON EN PRESENTARNOS AO PAXARO OLE. 

RECIBIRAMOS UNHA CARTA DEL CONVIDÁNDONOS A IR E, CLARO, NON IAMOS DICIR QUE NON. FOINOS EXPLICANDO AS ETIQUETAS QUE HAI NOS LIBROS E, DE CADA UNHA, LEUNOS UN CONTO.

LIBROS SOBRE O MUNDO QUE NOS RODEA

LIBROS CON MÚSICA

LIBROS CON SORPRESA

LIBROS PARA VER

LIBROS PARA CONTAR

GLOG RESUMO SOBRE LUGRÍS

XA LLE ESTAMOS DANDO VOLTAS A NOVOS CENTROS DE INTERESE PARA TRABALLAR NA AULA. PERO, A XEITO DE RESUMO, DEIXÁMOSVOS ESTE GLOGSTER ONDE PODEREDES VER QUE FOI O QUE APRENDEMOS CO NOSO AMIGO LUGRÍS. PREMEDE NO LOGO.

CONTACONTOS NO COLEXIO

IMAXE: RAMÓN PARÍS LAGO.

O OUTRO DÍA VISITÁRONNOS PATRI E ÁLEX, DOUS CONTACONTOS COS QUE GOZAMOS DA MAXIA DOS LIBROS. LÉRONNOS CONTOS COMO:

DESPOIS DA CHUVIA

A QUE SABE A LÚA?

NÚMEROS

IMAXES: KALANDRAKA.

NESTE ÚLTIMO, MESMO APRENDEMOS UNHA CANCIONCIÑA QUE IMOS USAR NA CLASE.

O CONCERTO DE ARCOS IRIS

IMAXES: RAMÓN PARÍS LAGO.

A SEMANA PASADA FOMOS DE CONCERTO AO PALACIO DA ÓPERA. XA TIÑAMOS ESCOITADO MOITO O REPERTORIO QUE ÍAN TOCAR.

E, NA CLASE, SEGUIMOS FACÉNDOO. AGORA, COA AXUDA DUN LIBRO MARABILLOSO: EL MONSTRUO DE LOS COLORES. AS EMOCIÓNS ENTRAN NA CLASE DE 3 ANOS!

IMAXE: http://www.annallenas.com

ANIVERSARIO DE VALENTINA

IMAXE: RAMÓN PARÍS LAGO.

VALENTINA ENTRA NO CLUB DOS 4 E, POR SUPOSTO, ESTIVÉMOSLLE COMENDO UN ANACO DE DELICIOSO BISCOITO QUE TROUXO. ANTES, COMA SEMPRE, CANTÁMOSLLE EN TRES IDIOMAS. LOL!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

LUGRÍS NO MUSEO DE BELAS ARTES

IMAXES: RAMÓN PARÍS LAGO.

E POR FIN CHEGOU O DÍA DA EXCURSIÓN. O MÉRCORES, A MEDIA MAÑÁ, COLLEMOS OS NOSOS MAPAS PARA NON PERDERNOS E SUBIMOS AO AUTOBÚS. O CONDUTOR FOI SEGUINDO A RUTA QUE TRAZAMOS E, POR ISO, PASAMOS POLO CAMPO DE FÚTBOL, POLA BEIRA DA PRAIA E, AO FONDO, DIVISAMOS O MAR.

CHEGAMOS AO MUSEO E COÑECEMOS Á MONITORA QUE NOS ÍA GUIAR POR EL. PRIMEIRO, SENTAMOS PERANTE UN CADRO SOBRE O MAR E AMOSOUNOS UN CONTO SOBRE UNHA NENA E UNHA OLA. NON LEMBRAMOS O NOME DO AUTOR DO CADRO. VÓS SABÉDELO?

LEVOUNOS, DESPOIS, A VER UN CADRO DE LUÍS SEOANE E ALÍ FIXEMOS MAXIA: MIRAMOS A TRAVÉS DE PAPEL DE CELOFÁN E AS CORES DO CADRO MUDABAN!

LOGO, FOMOS GOZAR DO NOSO CADRO FETICHE DE URBANO LUGRÍS: MARIÑA SURREALISTA. E MESMO NOS AMOSOU UNHA SEREA XIGANTE.

O ÚLTIMO CADRO QUE OBSERVAMOS ERA UN DE FRANCISCO LLORÉNS NO QUE SE AMOSABA UNHA FERMOSA PAISAXE COSTEIRA. TAMÉN NOS PREGUNTARON SOBRE OS INSTRUMENTOS QUE UTILIZAN OS PINTORES. NÓS, COMO XA FÓRAMOS DISFRAZADOS DISO, COÑECIÁMOLOS TODOS. COMO NON?

DESPOIS, QUIXEMOS OIR OS RUÍDOS QUE EMITÍA, AO MOVERSE, UNHA ESCULTURA DE PACO PESTANA.

E, FINALMENTE, ESTIVEMOS PEGANDO REPRODUCIÓNS DOS CADROS QUE VÍRAMOS NUN CADERNO QUE LOGO LEVAMOS PARA A CASA.

ENTROIDO

IMAXE: RAMÓN PARÍS LAGO.

XA PASOU O ENTROIDO E ESTAS IMAXES AMOSAN COMO O VIVIMOS NA CLASE. ALGUNHAS SAEN MOVIDAS PORQUE A CÁMARA NON SE ADAPTA AO MOVEMENTO RÍTMICO DOS CATIVOS E CATIVAS BAILANDO. :)

IMAXES: RAMÓN PARÍS LAGO.

LUGRÍS E O SEU MUNDO

IMAXE: RAMÓN PARÍS LAGO.

ENTRE A PAZ E O ENTROIDO, TAMÉN DEIXAMOS SITIO PARA SEGUIR COÑECENDO MÁIS SOBRE URBANO LUGRÍS E O SEU UNIVERSO MARIÑO. PERO, PARA CONTALO, IMOS DAR UN PASEO POLOS RECANTOS DA AULA.

XA SABEDES QUE, NO RECANTO DE BIBLIOTECA, ESTIVEMOS A ELABORAR UNHA BONITA PORTADA. ASÍ QUEDOU A DE NEREA.

DURANTE TODOS ESTES DÍAS, FOMOS TRAENDO OBXECTOS RELACIONADOS CO CADRO MARIÑA SURREALISTA DE LUGRÍS. ENCHEMOS UNHA MESA CON CUNCHAS, XOGUETES... PERO, CLARO, NON SABIAMOS COMO SE DENOMINABAN ALGUNHAS CUNCHAS. FOMOS, ENTÓN,  AO RECANTO DA BIBLIOTECA E BUSCAMOS NUN LIBRO COMO SE CHAMABA PARA IR DESEÑANDO UN MANUAL. MIRADE O DE NADIA.

VISITEMOS O RECANTO DE MATES. ALÍ, PARA NON PERDERMOS AS CUNCHAS, CONTÁMOLAS E ANOTÁMOLAS NUN INVENTARIO. ESTE É O DE LÍA.

NO RECANTO DE PLÁSTICA, TENTAMOS UNHA COMPOSICIÓN EN 3D DO CADRO. USAMOS OS OBXECTOS QUE FOMOS TRAENDO Á CLASE.

IMAXES: RAMÓN PARÍS LAGO.

POR ÚLTIMO, FÓRA XA DOS RECANTOS, NA RUTINA DA ASEMBLEA ESTAMOS ENSAIANDO A CANCIÓN SEREÍÑA DE MAMÁ CABRA. DEIXÁMOSVOS A CANCIÓN DE YOUTUBE E A LETRA CON PICTOGRAMAS DE ISSUU.

E, NESTES DÍAS, UNHA RAPSODIA AO PINTOR DO MAR.

RAPSODIA AO PINTOR DO MAR

URBANO, URBANO,
URBANO LUGRÍS (BIS)
QUEN PINTOU O MAR,
SOÑOS DUN PAÍS!

ULYSES, ULYSES
ULYSES FINGAL (BIS)
PINTANDO A MAROLA
MUDOU TODO O MAR.

ACERICO DAS SEREAS;
COSEN AS RENDAS DO MAR
COSEN AS RENDAS DO MAR
CON FÍOS DE LÚA CHEA.

TEÑO UNHA PEDRA CORAL,
TÉÑOA NA MIÑA POUTADA
TÉÑOA NA MIÑA POUTADA
NENA, QUE ANDAS NO AREAL.

URBANO, URBANO,
URBANO LUGRÍS (BIS)
QUEN PINTOU O MAR,
SOÑOS DUN PAÍS!

ULYSES, ULYSES
ULYSES FINGAL (BIS)
PINTANDO A MAROLA
MUDOU TODO O MAR.

MONCHO DO ORZÁN E RODRIGO OSORIO.

DÍA DA PAZ

IMAXE: RAMÓN PARÍS LAGO.

O DÍA ESCOLAR DA NON VIOLENCIA E DA PAZ NON SE CELEBRA SÓ UNHA SEMANA AO ANO. DEBE FESTEXARSE TODOS OS DÍAS. PERO NÓS, DURANTE OS DÍAS PREVIOS AO EVENTO FOMOS TRATANDO O TEMA.

ESTIVEMOS A LER UN FERMOSO LIBRO:

IMAXE: AIOVAI.

AO FÍO DO CONTO, INVENTAMOS MOITOS TIPOS DE BICOS, DEBUXÁMOLOS DENTRO DUN CORAZÓN E METÉMOLOS NUNHA CAIXIÑA PARA TELOS SEMPRE Á MAN.

IMAXE: RAMÓN PARÍS LAGO.

FINALMENTE, FOMOS AO XIMNASIO PARA CELEBRAR CO RESTO DO COLEXIO. LEVAMOS CONNOSCO A NOSA ACHEGA Á DOAZÓN DE ALIMENTOS.

IMAXES: RAMÓN PARÍS LAGO.

TERCEIRA NORMA DA AULA

IMAXE: RAMÓN PARÍS LAGO.

SEGUIMOS CREANDO UN AMBIENTE AGRADABLE NA AULA. POR ISO, TEMOS QUE PROPOÑERNOS UNHAS NORMAS DE CONVIVENCIA. XA TIÑAMOS DÚAS E AGORA SUMAMOS OUTRA MOI IMPORTANTE PARA ENTENDERNOS NA ASEMBLEA: LEVANTAR A MAN CANDO QUEREMOS FALAR.

MARIÑA SURREALISTA

IMAXE: RAMÓN PARÍS LAGO.

XA ESTAMOS MANS Á OBRA. ACUDIMOS AO RECANTO DA BIBLIOTECA E ALÍ ESTAMOS A VER CALES SON AS LETRAS DO NOME DO AUTOR. DESPOIS, PEGAMOS O SEU APELIDO PARA FACER A PORTADA DA NOSA INICIATIVA DIDÁCTICA, TAL E COMO SE OBSERVA NA IMAXE.

O PRIMEIRO CADRO QUE IMOS ANALIZAR DE LUGRÍS TITÚLASE MARIÑA SURREALISTA. QUEREMOS FACER UNHA COMPOSICIÓN EN 3D DA OBRA RECOMPILANDO OBXECTOS QUE APAREZAN NELA. FARÉMOLO NO RECANTO DE PLÁSTICA E, DE MOMENTO, HOUBO NENOS E NENAS QUE TROUXERON ALGO: UNHA SEREÍÑA, UNHA CARACOLA...

PARA EXPLORAR MÁIS DETIDAMENTE O CADRO ESTÁMONOS A SERVIR DUN LIBRO DE YOLANDA CASTAÑO. TOMÁMONOS A LICENZA DE ADAPTAR O TEXTO PARA OS NENOS E NENAS DE EDUCACIÓN INFANTIL E ESTE É O RESULTADO.

URBANO LUGRÍS GONZÁLEZ

IMAXE: MUSEO DE BELAS ARTES DA CORUÑA.

ASÍ SE CHAMA O AUTOR AO QUE NOS IMOS DEDICAR DURANTE AS VINDEIRAS SEMANAS. QUE POR QUE? CONTÁMOSVOLO.

IMAXE: MUSEO DE BELAS ARTES DA CORUÑA.

A FINAIS DE FEBREIRO HABEMOS VISITAR O MUSEO DE BELAS ARTES DA CORUÑA E, COMO SABEDES, ALÍ EXPÓÑENSE OBRAS DE MOITOS ARTISTAS E, ENTRE ELES, URBANO LUGRÍS GONZÁLEZ. ASÍ QUE, PARA IR PREPARADOS PARA ESA SAÍDA, IMOS TRATAR A ESTE AUTOR E OS SEUS CADROS NA CLASE.

IMAXE: CONSTELACIÓN DECIMOCTAVA.