CANCIÓN SOBRE A GRANXA

IMAXE: CAPTURA DE YOUTUBE.

NESTA TEMPADA IMOS FALAR DOS ANIMAIS DOMÉSTICOS E DA GRANXA. E, POR SUPOSTO, DA NOSA HORTA. POR ISO, AQUÍ VOS DEIXAMOS DOUS RECURSOS QUE IMOS VER NA NOSA AULA: UNHA CANCIÓN EN INGLÉS E UN EPISODIO DE PEPPA PIG NO QUE SEMENTA CO SEU AVÓ.

IMAXE: CAPTURA DE RTVE.

ADEUS, PATRICK! E DÉIXANOS UN SELFIE ANTES DE IRTE

IMAXE: RAMÓN PARÍS LAGO.

SI, VÁISENOS UN NOVO AMIGO PARA OUTRO COLEXIO: PATRICK. AS DESPEDIDAS NON SON NUNCA AGRADABLES E, PARA TERMOS UNHA LEMBRANZA AGRADABLE DEL, O VENRES ASISTIU AO RECANTO DA PLÁSTICA. QUERIAMOS QUE NOS DEIXARA FEITO O SEU AUTORRETRATO SEGUNDO ARCIMBOLDO. E NISO ESTIVO, COMO VEDES NA FOTO.

POR OUTRO LADO, DURANTE TODA A SEMANA ESTIVEMOS COS SELFIES E TAMÉN LLE FOMOS PREPARANDO OS FONDOS. ARCIMBOLDO PINTÁBAOS SEMPRE MOI ESCUROS E, COMO NON TIÑAMOS MÁIS CARTOLINAS QUE AS BRANCAS, DÉMOSLLE UNHA PINTURA NEGRA.

IMAXES: RAMÓN PARÍS LAGO.

OS CARTEIS DA HORTA

IMAXE: RAMÓN PARÍS LAGO.

ESTA SEMANA ESTIVEMOS COLOCANDO OS CARTEIS DAS PLANTAS QUE SEMENTAMOS. QUEREMOS AMOSAR CLARAMENTE ONDE ESTÁN SITUADOS OS NOSOS FUTUROS ALIMENTOS DA HORTA.

IMAXES: RAMÓN PARÍS LAGO.

PLANTANDO AMORODOS

IMAXE: WIKIMEDIA.

O MESTRE MANU TRÓUXONOS UNHAS PLANTIÑAS MOI CHULAS. ESTIVEMOS A FALAR SOBRE QUE PODERÍAN SER E, FINALMENTE, SOUBEMOS QUE ERAN AMORODOS. UNHA PLANTA PARA NÓS, OUTRA PARA A CLASE DE SILVIA E OUTRA PARA A DE RUBÉN. POIS NADA, A PLANTAR.

ANTES DISO, RAMÓN FOI PREPARAR UN POUCO A HORTA. REMEXEU A TERRA, ESCARBOU TRES FURADOS E LOGO TAPOUNOS CUN PLÁSTICO NEGRO CUNHA ABERTURA PARA CADA UN. AO PARECER, AOS AMORODOS NON LLES GUSTA QUE HAXA PLANTAS E BECHOS AO SEU REDOR E, POR ISO, DEBEMOS TAPAR A TERRA QUE O CIRCUNDA.

CON TODO PREPARADO, FOMOS UNHA CUADRILLA DE JORNALEROS ATA A HORTA. IAMOS BEN EQUIPADOS. MIRADE A FOTO.

COLOCAMOS A PLANTA NO SEU FURADO.

BOTÁMOSLLE TERRA.

E RENÉ QUIXO LEVAR UN POUCO DE AUGA PARA REGALAS E ISO FIXEMOS.

IMAXES: RAMÓN PARÍS LAGO.

AUTORRETRATO CON FROITAS (PARTE 1)

IMAXE: RAMÓN PARÍS LAGO.

O PRIMEIRO: GRAZAS A TODOS E A TODAS POLA VOSA COLABORACIÓN. TROUXÉCHEDES UNHA CHEA DE FOTOS DE ALIMENTOS.

ESTIVEMOS A CLASIFICAR TODAS AS IMAXES QUE NOS IADES MANDANDO. NUNHA CAIXIÑA GARDAMOS AS FROITAS; NOUTRA, AS BOTELLAS E BOTES; NOUTRA, A CARNE; E NA ÚLTIMA, O RESTO DE COMIDA.

IMAXE: RAMÓN PARÍS LAGO.

LOGO, NO RECANTO DE PLÁSTICA, DECIDIMOS UTILIZAR AS FROITAS POLA SÚA VISTOSIDADE PARA CREAR O NOSOS AUTORRETRATOS (VER A PRIMEIRA IMAXE). NUN PRIMEIRO MOMENTO, A IDEA ERA ESCOLLER FROITAS PARA CADA UNHA DAS PARTES DA CARA (NARIZ, BOCA...) COMO ARCIMBOLDO, PERO A MESTRA ANA COMENTOU QUE, SE FACIAMOS ISO, CASE NON SE ÍA DISTINGUIR QUEN ERA A PERSOA RETRATADA. POR ISO, DECIDIMOS QUE, PARA COMEZAR, O MELLOR SERÍA CUBRIR O PELO E DESPOIS XA VEREMOS SE PODEMOS INCLUÍR UN NOVO ELEMENTO SEN ESTRAGAR O SELFIE.

AVISO: DE MOMENTO, NON IMOS ENVIAR MÁIS NOTAS, PERO SE LEDES ISTO, AGORA MESMO O QUE NOS FAN FALTA SON FROITAS. NON TEÑADES MEDO EN MANDARNOS MÁIS IMAXES RECORTADAS E PERFILADAS DESE TIPO ALIMENTOS.

NORMA 5: ESCOITAR

IMAXE: RAMÓN PARÍS LAGO.

COMO VEDES TODOS OS DÍAS NA PARTE LATERAL DEREITA DO BLOG, HAI CATRO IMAXES. PARA TER UN CLIMA AGRADABLE NA CLASE, ACORDAMOS UNHAS NORMAS E, PARA FACELAS MÁIS VISIBLES E SIGNIFICATIVAS, REFLECTÍMOLAS MEDIANTE FOTOS NOSAS. SON CATRO, COMO DICIMOS, PERO AGORA IMOS ENGADIR OUTRA: PARA ENTENDERNOS: ESCOITAMOS E FALAMOS. NECESITABÁMOLA. SÓ TENDES QUE ESCOITAR ALGÚNS DOS PAULOAUDIOS PARA DARVOS DE CONTA DE QUE NOS COSTA UN  CHISCO. É A QUINTA E, SE TODO VAI BEN, NON INCLUIREMOS OUTRA. AS NORMAS, SE SON SUFICIENTES PARA MANTER UN BO AMBIENTE, CANTAS MENOS, MELLOR.

ARCIMBOLDO CHEGA A NOSA CLASE

IMAXE: GIUSSEPPE ARCIMBOLDO. THE COMPLETE WORKS.

XA SABEDES POR UNHA ENTRADA ANTERIOR QUE ESTAMOS A FALAR MOITO DE ALIMENTOS NA AULA. E NO RECANTO DE PLÁSTICA QUERIAMOS VER ALGUNHAS OBRAS DE ARTE QUE AMOSEN COMIDA. HAI MOITOS AUTORES E AUTORAS, PERO NÓS IMOS VER O TRABALLO DE ARCIMBOLDO. PARA ISO, COLLEMOS NA BIBLIOTECA DOS ROSAIS UN LIBRO SOBRE EL. ARCIMBOLDO PINTABA RETRATOS DE PERSOAS PERO, NO CANTO DE REPRESENTAR AS PARTES DA CARA DE FORMA NATURAL, SUBSTITUÍAAS POR ELEMENTOS DO CONTORNO: ALIMENTOS, ANIMAIS... COLÓCAAS EN POSICIÓNS CONCRETAS E, MEDIANTE UNHA ILUSIÓN ÓPTICA, PERMÍTENOS VER UNHA FACIANA HUMANA.

IMAXE: WIKIMEDIA.

O PRIMEIRO QUE IMOS FACER NA AULA É UN AUTORRETRATO (UN SELFIE, VAIA) E, PARA ISO, COMO NÓS NON IMOS SER QUEN DE DEBUXAR ALIMENTOS CO DETALLE DE ARCIMBOLDO, UTILIZAREMOS FOTOS. MAÑÁ OS CATIVOS E CATIVAS LEVARÁN UNHA NOTA PARA QUE VAIAN TRAENDO (CANTOS MÁIS MELLOR) FOTOS DE ALIMENTOS RECORTADAS E PERFILADAS. NÓS, NO COLEXIO, ESTÁMOLAS A ESCOLLER DOS FOLLETOS DOS SUPERMERCADOS. VÓS, NA CASA PODEDES FACER O MESMO.

IMAXE: ANA LÓPEZ.

AUDIOS DOS POEMAS DE "MAMÁ"

IMAXE: KALANDRAKA.

COÑECEDES XA QUE NA NOSA CLASE TEMOS UN CAIXÓN CON LIBROS QUE VEÑEN DA BIBLIOTECA DO COLEXIO. POIS HOXE ESCOLLEMOS UN DOS LIBROS (MAMÁ DE MARIANA RUIZ JOHNSON) E GUSTOUNOS TANTO QUE DECIDIMOS GRAVAR UN FRAGMENTO: 

OS PAXAROS CANTAN

CANDO ENTÁ CONTENTA.

MAIS CANDO SE ENFADA

MAMÁ É TORMENTA.

AQUÍ VAN OS AUDIOS. PRIMEIRO, O EDITADO.

EN SEGUNDO LUGAR, CON PAUSAS PARA QUE REPITADES.

E, POR ÚLTIMO, O AUDIO ORIXINAL. PARA QUE VEXADES QUE GRAVAR NON É COUSA DOADA. :)

IMAXES: CAPTURAS DE GOEAR.

POR CERTO, NA EDICIÓN DE AUDIO, USAMOS SEMPRE O PROGRAMA DE SOFTWARE LIBRE AUDACITY. MOI SINXELO DE USAR. RECOMENDABLE.

A BIBLIOTECA DO COLEXIO VIAXA

IMAME. RAMÓN PARÍS LAGO.

CADA CERTO TEMPO, CHEGA Á NOSA CLASE UNHA CAIXA CON RODAS. LEVA DENTRO UNHA CHEA DE LIBROS DA BIBLIOTECA DO COLEXIO. DESTA VOLTA, FIXÉMOSLLE UNHA FOTO A TODOS ELES. IRÉMOLOS LENDO POUCO A POUCO DURANTE O TEMPO QUE ESTEAN CONNOSCO.

CANCIÓN PARA ESTE TEMPO

AGORA MESMO NA CLASE ESTAMOS A FALAR MOITO DOS ALIMENTOS QUE COMEMOS E, POR ISO, AQUÍ DEIXAMOS ESTA CANCIÓN QUE IMOS COMEZAR A BAILAR MAÑÁ. ENJOY!

ANIVERSARIOS VARIOS

IMAXE: RAMÓN PARÍS LAGO.

XA TEMOS OUTRA NENA NO CLUB DOS 4: ANIA. UNHA SEMANA ANTES, EN PLENO ENTROIDO, IAGO TAMÉN CHEGOU AOS 4. E COMO NON TIÑAMOS UNHA FOTO DEL COA COROA E XA CUMPRIU EN XANEIRO, TAMÉN RETRATAMOS A MATEO MARTÍNEZ.

IMAXES: RAMÓN PARÍS LAGO.

DÍA DA FESTA DO ENTROIDO

IMAXE: RAMÓN PARÍS LAGO.

O PASADO VENRES CELEBRAMOS O ENTROIDO NO COLEXIO. SABEDES QUE ESTIVEMOS PREPARANDO ESTE DÍA HAI XA ALGÚN TEMPO.
A MAÑÁ COMEZOU BEN PORQUE CRISTINA E ALMA TROUXÉRONNOS UNS DOCES TÍPICOS DESTA FESTA: ORELLAS E ROSQUIÑAS. ESCOITADE O QUE NOS CONTOU CRISTINA SOBRE AS ORELLAS.

IMAXE: CAPTURA DE GOEAR.

IMAXE: RAMÓN PARÍS LAGO.

NON QUEDOU NIN UNHA FRANGULLA.

IMAXES: RAMÓN PARÍS LAGO.

DESPOIS DE PAPAR, TOCOUNOS VESTIRNOS PARA A FESTA.

IMAXE: RAMÓN PARÍS LAGO.

UNHA VEZ PREPARADOS E PREPARADAS, ACUDIMOS AO PAVILLÓN. DESFILAMOS E DELEITAMOS CUN BRILLANTE BAILE DIANTE DAS FAMILIAS (GRAZAS POR VIRDES COMPARTIR A FESTA CONNOSCO!). LOGO, SENTAMOS A VER O RESTO DE DISFRACES DOS OUTROS CURSOS.

QUE ESTÁ A NACER NA TERRA?

IMAXE: RAMÓN PARÍS LAGO.

CONTÁMOSVOS O OUTRO DÍA QUE XA ESTABAN MEDRANDO ALGUNHAS SEMENTES QUE PLANTAMOS NA HORTA. POIS BEN, NON SON AS ÚNICAS. MIRADE NA FOTO. XA TEMOS MÁIS. CÍRCULO VERMELLO, OS ALLOS; AMARELO, AS CEBOLAS; E MORADO, OS FABALLÓNS.

*POR CERTO, HAI UN ERRO NA FOTO. A VER SE O ATOPADES.

FIXÉMOSLLE CASO AO MECO

IMAXE: RAMÓN PARÍS LAGO.

XA VOS CONTAMOS QUE O MECO NOS MANDOU TRAER ALGO PARA DISFRAZARNOS CADA DÍA E NÓS, CO GUIADIÑOS QUE SOMOS, OBEDECÉMOSLLE. MIRADE QUE GUAPOS E SIMPÁTICOS VIÑEMOS.

O LUNS NON ESQUEZAS TRAER ALGO PARA A TÚA CABEZA.

O MARTES, COLGA ALGO DO TEU PESCOZO.

O MÉRCORES, PENSA OUTRA COUSA PARA VESTIR A TÚA CINTURA.

O XOVES, TODO XUNTO AO COLE TRAERÁS E ASÍ DISFRAZADO VIRÁS.

IMAXES: RAMÓN PARÍS LAGO.