PRIMEIROS FROITOS DA HORTA

IMAXE: RAMÓN PARÍS LAGO.

SI, AMIGOS, COMO VEDES E LEDES, XA ESTÁN NACENDO OS PRIMEIROS FROITOS DA HORTA. NON SE PODEN RECOLLER AÍNDA PORQUE SON TEMPERÁNS OU ESTÁN MOI VERDES, PERO VAIA ILUSIÓN QUE NOS FAI.

IMAXE: RAMÓN PARÍS LAGO.

CUENTACUENTOS SOBRE DON QUIJOTE

IMAXE: RAMÓN PARÍS LAGO.

HOY, POR PRIMERA VEZ, VAMOS A PUBLICAR UN ARTÍCULO EN CASTELLANO. UN HOMENAJE A NUESTRO AMIGO DON QUIJOTE. 

EL PASADO MIÉRCOLES FORMAMOS UN TREN PARA ACUDIR A LA BIBLIOTECA. ALLÍ TODO ESTABA PREPARADO. LIBROS, MUCHOS LIBROS (COMO LOS QUE HICIERON ENLOQUECER A DON QUIJOTE). UNA PANTALLA CON ILUSTRACIONES DE NUESTRO PERSONAJE. Y, FINALMENTE, LO MÁS IMPORTANTE: ALGUIEN QUE NOS IBA A NARRAR EL CUENTO. 

LA MAESTRA ISABEL NOS RELATÓ QUIÉN ERA DON QUIJOTE, CÓMO SE LLAMABA SU ESCUDERO, CÓMO LE DECÍAN A SU CABALLO... 

CADERNO DE BOSQUEXOS

FINALMENTE, CON TODOS OS BOSQUEXOS QUE FOMOS DEBUXANDO COMPLETAMOS UN FERMOSO CADERNO. ESTÁ DISPOÑIBLE EN SOPORTE PAPEL, PARA PODÉRMOLOS VER NA AULA, E INFORMÁTICO, NA APLICACIÓN ISUU. PREME NA IMAXE PARA VELO. ENJOY!

ADEUS, ALMA!

ALMA MÁRCHANOS PARA OUTRO COLEXIO. ÍMOLA BOTAR MOITO DE MENOS E, NA MAÑÁ DO VENRES, QUIXÉMOSLLO DEMOSTRAR ENCHÉNDOA DE APERTAS. NO VÍDEO APARECE ALGUNHA MOSTRA. 

ATA SEMPRE, ALMA!

BOSQUEXO DO CADRO DE DNA. ELVIRA

IMAXE: F. M. J. JOVE E RAMÓN PARÍS LAGO.

ESTA SEMANA, NO RECANTO DE PLÁSTICA, TAL COMO ACORDAMOS, ESTAMOS APRENDENDO DE FERNANDO ÁLVAREZ DE SOTOMAYOR. FIXÁMONOS NO SEU CADRO DE DOÑA ELVIRA ESTANY VALART (QUE NÓS SEGUIMOS, TEIMUDOS, CHAMÁNDOLLE FLOR; NOUTRA CLASE DINLLE DE XEITO DIFERENTE).

IMITALO É MOI DIFÍCIL POLO QUE NOS DECANTAMOS POR CREAR UN BOSQUEXO DA SÚA OBRA. COMEZAMOS CALCANDO O SEU VESTIDO NA VENTÁ PERO COMO ISO NON ERA MOI CÓMODO, RAMÓN FOI MERCAR PAPEL CARBÓN PARA CALCALO. 

E PUXÉMONOS MANS Á OBRA.

IMAXES: RAMÓN PARÍS LAGO.

UNHA VEZ QUE TIÑA O VESTIDO, FOMOS COMPLETANDO O CADRO COS ELEMENTOS QUE O CONFORMAN.

VÍDEOS E POESÍA DE D. QUIJOTE

POIS ESTANOS MOLANDO ESTE DON QUIJOTE. ESTIVEMOS VENDO ALGÚNS DEBUXOS ANIMADOS E HOXE ESCOITAMOS UNHA E OUTRA VEZ A POESÍA DE FANTASMÍN. DE PASO, TRANSCRIBÍMOLA PARA APRENDÉRMOLA MELLOR.

FANTASMÍN QUERÍA PARECERSE A DON QUIJOTE.

POR ESO, LLEVA LANZA, ARMADURA, PERILLA Y BIGOTE. 

POR LOS CAMINOS DE LA MANCHA

A LOS MOLINOS DE VIENTO SE ACERCA.

DONDE SÓLO HAY ASPAS, VE BRAZOS.

DONDE TEJADOS, CARAS FEAS.

ES QUE A DON QUIJOTE SU IMAGINACIÓN LO HA PERDIDO

Y A LOS MOLINOS DE VIENTO CON GIGANTES HA CONFUNDIDO.

CONTACONTOS SOBRE DON QUIJOTE

IMAXE: INSTITUTO CERVANTES DE CASABLANCA.

ACHÉGASE O DÍA DO LIBRO E, AÍNDA QUE NÓS O CELEBRAMOS TODOS OS DÍAS, CONVIDÁRONNOS NESTA OCASIÓN ESPECIAL A ASISTIR A UN CONTACONTOS.

IMAXE: RAMÓN PARÍS LAGO.

TEREMOS QUE IR Á BIBLIOTECA DO COLEXIO E ALÍ UNHA MESTRA VAINOS CONTAR ALGO SOBRE DON QUIJOTE DE LA MANCHA. NÓS, MENTES TANTO, IMOS QUENTANDO MOTORES VISITANDO A FANTASMÍN E VENDO O QUE NOS CONTA SOBRE ESE PERSONAXE. PREMEDE EN CALQUERA DAS IMAXES, SEGUIDE O CÍRCULO NEGRO E ATOPARÉDELO.

IMAXE: CAPTURA DE EDUCALAB CON MODIFICACIÓN.

XOGOS PARA MANEXAR O RATO

IMAXE: CAPTURA DE EL BUHO BOO.

CANDO ASISTIMOS AO RECANTO DAS CONSTRUCIÓNS, UN DOS NENOS OU NENAS QUE ESTÁN ALÍ PODEN XOGAR, POR QUENDAS, NO ORDENADOR. DESTE XEITO, MENTRES UNS LEVANTAN TORRES CON BLOQUES, OUTRO OU OUTRA INÍCIASE NO MANEXO DO RATO.

HOXE TRAÉMOSVOS UN XOGO PRIMAVERAL QUE NOS AXUDARÁ A MOVER MELLOR O MOUSE. ESTÁ NA PÁXINA DE EL BUHO BOO, QUE ATOPAMOS GRAZAS AO PORTAL PLAYTIC. POR SUPOSTO, EL BUHO BOO XA FORMA PARTE DE AO QUE XOGAMOS.

IMAXE: CAPTURA DE EL BUHO BOO.

IMAXE: CAPTURA DE PLAYTIC.

UN CONTACONTOS NA BIBLIO

IMAXE: RAMÓN PARÍS LAGO.

O PASADO MÉRCORES VEU AO COLEXIO UN CONTACONTOS. DESPOIS DO RECREO, ACUDIMOS Á BIBLIOTECA E UN HOME CUNHA MALETA ESTÍVONOS A NARRAR VARIAS HISTORIAS. ENSINOUNOS VARIOS LIBROS E COÑECEMOS ALGÚNS MONICREQUES: UN RATO, UN PAXARO...

ELIXIMOS UN CADRO PARA O RECANTO DE PLÁSTICA

IMAXE: FUNDACIÓN M. JOSÉ JOVE.

SEMPRE CONTAMOS CUN AUTOR OU CADRO PARA INSPIRARNOS NO RECANTO DE PLÁSTICA E, APROVEITANDO A VISITA Á FUNDACIÓN JOVE, QUIXEMOS ELIXIR UN DOS QUE ALÍ VIMOS. 

PASAMOS ALGUNHAS IMAXES DOS CADROS AO NOSO ORDENADOR E, DESPOIS, CADA UN DE NÓS FOI ANOTANDO O QUE MÁIS NOS GUSTABA.

IMAXES: RAMÓN PARÍS LAGO.

LOGO, CONTAMOS OS VOTOS DE CADA CADRO E DISCUTIMOS SOBRE CAL TIÑA MÁIS. O MEU GAÑOU, DICÍAN ALGÚNS NENOS E NENAS, XA TIVESE DOUS OU CATRO VOTOS O SEU. PERO, AO FINAL, DESPOIS DE REFLEXIONAR UN CHISCO, DÉMONOS CONTA DE QUE O CADRO CON CATRO RAIAS ERA O GAÑADOR.

FOMOS ENTÓN Á TROPA DE PAULO, ONDE HABÍA UNHA LIGAZÓN Á PÁXINA DA FUNDACIÓN JOVE E DESCUBRIMOS QUE O AUTOR DO CADRO ERA FERNANDO ÁVAREZ DE SOTOMAYOR E QUE A SEÑORA DO CADRO NON SE CHAMABA FLOR (COMO NÓS PENSABAMOS), SENÓN DOÑA ELVIRA ESTANY VALART.

SAÍDA Á FUNDACIÓN JOVE

IMAXES: RAMÓN PARÍS LAGO.

HOXE ACUDIMOS Á FUNDACIÓN MARÍA JOSÉ JOVE, UN LUGAR CON MOITAS OBRAS DE ARTE. A MEDIA MAÑÁ MONTAMOS AO AUTOBÚS. A VIAXE FOI CURTA PERO DIVERTIDA.

XA DENTRO COÑECEMOS A PATRICIA, QUE, PARA CHEGAR Á SALA DE EXPOSICIÓNS, SUBIUNOS EN ASCENSOR. E VIMOS UNHA ESCULTURA.

UNHA VEZ ALÍ, PRESENTOUNOS UN AMIGO: FORES, CHAMÁMOSLLE NÓS. ERA UNHA ESCULTURA DE MADEIRA Á QUE LLE FOMOS COLOCANDO AS PARTES DA FACIANA.

MADEIRA, CLARO. E A MADEIRA  VÉN DAS ÁRBORES E, POR ISO, QUIXEMOS VER COMO É UNHA POR DENTRO.

LOGO, COÑECEMOS A UNHA AMIGA DE FORES.

E AS LEITUGAS DA SÚA HORTA.

E O XARDÍN POR ONDE PASEA A SÚA AMIGA.

E LOGO, PATRICIA PREGUNTOUNOS SE SABIAMOS ONDE ESTABA A PRAIA NA QUE SE BAÑA FORES E NOA CONTESOTU QUE ELA O SABÍA E LEVOUNOS ATA ALÍ.

E XA NA PRAIA, ESTIVEMOS TOMANDO UN POUCO O SOL (SÓ UN CHISCO; NON TIÑAMOS CREMA).

E VIMOS OUTRA PRAIA.

E UNHA FLOR QUE DESPRENDÍA MOITA LUZ.

E ESCOITAMOS AUGA.

E, COMO XA VÍCHEDES NA VOSA CASA, DEBUXAMOS UN AUTORRETRATO E MAIS O CADRO QUE MÁIS NOS GUSTOU.

CREAMOS CADROS MOI PARECIDOS AOS QUE VIMOS NA SALA. MIRADE COMO CRISTINA IMITA AS LIÑAS HORIZONTAIS DE CORES NESTE.

ESTA VISITA RESULTARANOS MOI ÚTIL, PORQUE DE AQUÍ VAI SAÍR O VINDEIRO AUTOR QUE TRABALLAREMOS NA AULA. ÍMOLO ESCOLLER ENTRE TODOS E TODAS.

CANCIÓNS DE PRIMAVERA

XA HAI TEMPO QUE ESTAMOS NA PRIMAVERA PERO AÍNDA NON O CANTARAMOS COMO É DEBIDO. AÍ VAN UN PAR DE CANCIÓNS PARA FACELO. UNHA DA CANLE DE YOUTUBE DE ELF KIDS VÍDEOS E OUTRA DE MUSICAEDUCA.

VOLVEMOS Á HORTA

IMAXE: RAMÓN PARÍS LAGO.

DESPOIS DAS VACACIÓNS, RETORNAMOS Á NOSA HORTA. XA HAI PLANTAS QUE MEDRARON MOITO: CHÍCHAROS, ALLOS, CEBOLAS E, COMO PODEDES VER, OS AMORODOS.

ADEMAIS, HOXE FOMOS SEMENTAR UNHA VERDURA: A LEITUGA. FIXEMOS UNS FURADOS, BOTAMOS UNHAS CANTAS SEMENTES DENTRO, TAPAMOS CON TERRA E, FINALMENTE, REGÁMOLAS UN POUCO (AÍNDA QUE NON FACÍA MOITA FALTA; XA CHOVERA DE ABONDO).

IMAXE: RAMÓN PARÍS LAGO.

UN SOPORTE PARA OS CHÍCHAROS

IMAXE: RAMÓN PARÍS LAGO.

COMO SABEDES AS PLANTAS QUE SEMENTAMOS NA HORTA VAN POR MOI BO CAMIÑO. TANTO ESTÁN MEDRANDO QUE ALGUNHAS, PARA QUE CHEGUEN MOI ALTO NECESITAN UNHA AXUDA. EN EFECTO, O CHÍCHAROS PRECISAN DUN SOPORTE PARA IR GABEANDO POR EL E SEREN PLANTAS MOI GRANDES.

TIÑAMOS UNHAS VARAS DE PLÁSTICO PEQUENAS (DO TAMAÑO DUN FOLIO) PERO NON ABONDABAN. ASÍ QUE RAMÓN TROUXO UNHAS VARAS DE BAMBÚ E ESTIVEMOS COMPROBANDO SE ERAN O SUFICIENTEMENTE ALTAS. COMPARAMOS A NOSA ALTURA COA DOS PAUS E VIMOS QUE ALGÚNS NENOS E NENAS ERAN MÁIS BAIXOS QUE ELES E OUTROS MÁIS ALTOS.

LOGO, COMA SEMPRE, UNHA RECUA DE LABREGOS FOMOS CHANTAR OS PAUS AO LADO DA PLANTA DOS CHÍCHAROS. UNHA VEZ FEITO ISTO, CONTÁMOLOS (CRAVAMOS 9) E DÉMONOS DE CONTA DE QUE HAI MÁIS PLANTAS CA PAUS. UN PROBLEMA, VAIA. A VER COMO O SOLUCIONAMOS.

POR CERTO, NA NOSA VISITA DESCUBRIMOS ALGO. A QUE NON SABEDES O QUE É? NA CLASE ESTIVEMOS A FALAR DISO E XA TODOS E TODAS COÑECEMOS QUE É ESA BÓLIÑA VERDE.

IMAXE: RAMÓN PARÍS LAGO.

PORTADA PARA O 2º TRIMESTRE

IMAXE: BESTPAINTINGSFORSALE.COM

QUÉDANOS POUCO TEMPO PARA AS VACACIÓN E NECESITAMOS UNHA PORTADA PARA OS TRABALLOS. ENTÓN, ESTIVEMOS A BUSCAR UN CADRO SINXELO E QUE POIDAMOS REMATALO NUN SÓ DÍA. IMOS USAR UN DO NOSO AMIGO MARK ROTHKO QUE NON TEN TÍTULO (UNTITLED), NO QUE USA AMARELO, VERMELLO E AZUL. TRES CORES QUE XA TEMOS NA CLASE E QUE NON NOS OBRIGA A CREAR NINGUNHA MESTURA.

AUTORRETRATO CON FROITAS (PARTE 2)

IMAXE: RAMÓN PARÍS LAGO.

XA ESTAMOS MONTANDO A NOSA GALERÍA DE AUTORRETRATOS. ESTIVEMOS PENSANDO ONDE COLGAR OS CADROS E DECIDIMOS QUE O MELLOR SITIO É O CORREDOR POLO QUE ENTRAMOS TODOS OS DÍAS.

COMO VEDES, PEGAMOS SOBRE UN FONDO NEGRO, COMO FACÍA ARCIMBOLDO, A NOSA FOTO CUN PELO DE FROITAS. 

IMAXE: RAMÓN PARÍS LAGO.

LOGO, PARA QUE QUEDASE MÁIS FIRME, APLICÁMOSLLE UN POUCO DE COLA.

IMAXE: RAMÓN PARÍS LAGO.

DEIXAMOS SECAR E ESCRIBIMOS O NOME NO CARTEL DO NOSO CADRO. 

IMAXE: RAMÓN PARÍS LAGO.

E, FINALMENTE, PENDURÁMOLO FÓRA DA CLASE. FALTAN ALGUNHAS OBRAS, PERO NESTA SEMANA, ÍMOLOS IR REMATANDO. AÍ VOS VAN UNS EXEMPLOS.

IMAXES: RAMÓN PARÍS LAGO.