A AVALIACIÓN FIGUROANALÓXICA

IMAXE: RAMÓN PARÍS LAGO.

A PALABRIÑA FIGUROANALÓXICA, A SIMPLE VISTA, PODE SEMELLAR DIFÍCIL DE ENTENDER. PERO NESTE ARTIGO QUEDA BEN EXPLICADA. EN RESUMO: A AVALIACIÓN FIGUROANALÓXICA UTILIZA IMAXES PARA FACILITAR A REFLEXIÓN.

NAS SESIÓNS DE FILOSOFÍA PARA NENOS E NENAS QUE LEVAMOS A CABO EN ATENCIÓN EDUCATIVA, REMATAMOS SEMPRE CUNHA PEQUENA CHARLA NA QUE NOS VALORAMOS INDIVIDUAL E COLECTIVAMENTE. PARA ISO, SERVÍMONOS DAS IMAXES CUSTOMIZADAS DE ARASAAC, QUE NOS SERVEN PARA INICIAR ESA REFLEXIÓN.

MÁIS MONSTROS

IMAXE:RAMÓN PARÍS LAGO.

IMOS CREAR UN FÍO DE IDEAS. TRES EN CONCRETO.

COMECEMOS!

POIS ESTIVEMOS XOGANDO (E MOITO) AO DOMINÓ DAS EMOCIÓNS. PERO NON SE TRATA SÓ DE XOGAR (QUE TAMÉN); PRETENDIAMOS SENTAR, PAROLAR, RESPECTAR QUENDAS, APRENDER A PERDER E ALGO MÁIS DIFÍCIL: A GAÑAR.

SIGAMOS!

ADEMAIS, ESTA SEMANA ESTIVEMOS TRATANDO O SAMAÍN E, XA QUE A COUSA ÍA DE MONSTROS, ESTIVEMOS A GOZAR DOUTRO LIBRO: ONDE VIVEN OS MONSTROS. AQUÍ VOS DEIXAMOS A LIGAZÓN (PREMEDE NA FOTO) E UN VÍDEO.

E XA PARA REMATAR!

E, XA QUE ESTABAMOS CO TEMA DE SAMAÍN E O MEDO, ESTIVEMOS A COLOREAR COUSAS TERRORÍFICAS.

XOGAMOS, FALAMOS, PENSAMOS, SENTIMOS

IMAXE: WEQUEST LAS EMOCIONES.

AS SEMANAS PASADAS FOMOS REUNINDO POLAS TRES AULAS DE 5 ANOS DEBUXOS QUE REPRESENTAN AS DIFERENTES EMOCIÓNS PRESENTES NO LIBRO. XA AS PUIDESTES VER NA ANTERIOR ENTRADA. TODOS ELES NOS SERVIRON PARA ESTABLECER UN PEQUENO DIÁLOGO. ESCOLLEMOS UN AO CHOU, COMENTAMOS QUE SE VÍA NEL E, LOGO, DISCUTIMOS SOBRE SE NÓS SENTIMOS O MESMO QUE O NENO OU NENA QUE O DEBUXOU. ALGÚNS SON MOI CLAROS.

NOUTROS HAI DIVISIÓN DE OPINIÓNS.

CALMA OU LEDICIA?

RABIA OU TRISTURA?

MEDO?

PERO, ADEMAIS DISTO, QUIXEMOS PASAR UN BO RATO EN GRUPO CREANDO O NOSO PROPIO XOGO DE MESA: UN DOMINÓ. ESTIVEMOS A COLOREAR AS FICHAS DO XOGO. SEGUINDO AS CORES EMOTIVAS DO LIBRO. SE O QUEREDES PINTAR NA CASA, DESCARGÁDEO PREMENDO NA IMAXE.

IMAXE: RAMÓN PARÍS LAGO.

LOGO, RECORTÁMOLAS, PLASTIFICÁMOLAS E VOLVÉMOLAS RECORTAR. E XA ESTÁ. XA TEMOS UN DOMINÓ DE EMOCIÓNS.

O MALO É QUE TEMOS QUE APRENDER BEN AS NORMAS DO XOGO AÍNDA. TRÁTASE DE DESFACERSE DAS FICHAS, NON DE ACUMULALAS! :)
PD: SE QUEREDES ACOMPAÑAR AS ACTIVIDADES CON MÚSICA, NESTE ARTIGO D'A TROPA HAI UNHA LISTA DE REPRODUCIÓN CON PEZAS QUE NOS INSPIRAN DIFERENTES EMOCIÓNS. ENJOY!

O EFECTO ARCOS IRIS: UNHA VIAXE POLAS EMOCIÓNS A TRAVÉS DA MÚSICA

1. INTRO: PALLADIO DE KARL JENKINS (1944). 
2. MEDO: NOITE NO MONTE PELADO DE MODEST MUSSORGSKY (1839-1881).
3. LEDICIA: CONCERTO Nº 2 EN SOL MENOR. OP. 8, RV 315, O VERÁN (PRESTO) DE ANTONIO VIVALDI (1678-1741).
4. TRISTURA: ADAGIO EN SOL MENOR DE TOMASO ALBINIONI (1671-1751).
5. AMOR: VALS DA BELA DURMENTE DE PIOTR ILICH TCHAIKOVSKY (1840-1893).
6. CALMA: WIEGENLIED OP. 49 N° 4 (CANCIÓN DE BERCE) DE JOHANNES BRAHMS (1833-1897).
7. RIGAUDON DE HOLBERG SUITE, OP. 40 DE EDVARD GRIEG (1843-1907).
8. RABIA: CANCÁN DE ORFEO EN LOS INFIERNOS DE JACQUES OFFENBACH (1819-1880).

UN BO LIBRO PARA COMEZAR

IMAXE: LA MAMÁ VACA.

UNHA DAS TAREFAS DE PAULO COMO AXUDANTE DO MESTRE DE APOIO Á EDUCACIÓN INFANTIL CONSISTE EN IMPARTIR A ATENCIÓN EDUCATIVA AO ALUMNADO QUE NON OPTA POLA MATERIA DE RELIXIÓN.

ESTES DÍAS ESTIVEMOS ESTABLECENDO NORMAS PREVIAS PARA PODER APRENDERMOS MELLOR. FALAMOS, ESCOITAMOS E PENSAMOS SOBRE ELAS. E AGORA TOCA COMEZAR COA TALLADA! O PRIMEIRO RECURSO QUE IMOS USAR É UN LIBRO DE ANNA LLENAS: EL MONSTRUO DE COLORES. SEGURO QUE XA O COÑECEDES E QUE ALGUNHA VEZ O LESTES.
ESTIVEMOS REPRESENTANDO UNHA CANCIÓN DEDICADA A EL.

E PENSAMOS EN SITUACIÓNS DA VIDA QUE NOS CAUSAN AS EMOCIÓNS QUE XPLICA A AMIGA DO MONSTRO. AÍ VAI SÓ UNHA MOSTRA.

PONME CONTENTO:

PONME TRISTE:

PONME FURIOSO.

MÉTE MEDO.

INSPÍRAME CALMA.

E SENTIMOS AMOR.

CONTINUARÁ.

AS REGRAS DO XOGO

IMAXE: RAMÓN PARÍS LAGO.

LEMBRADES AS NORMAS QUE ACORDAMOS O CURSO PASADO PARA A NOSA AULA? SINXELAS, NON? ERAN SÓ 3, COMO OS ANOS QUE TIÑAN OS NENOS E NENAS DA AULA.

AGORA TOCA AFINAR UN CHISCO MÁIS: SOMOS RAPACES E RAPAZAS DE 5 ANOS E QUEREMOS CONTARNOS COUSAS PARA DIVERTIRNOS E APRENDER. O XOGO DIALÓXICO (O DEBATE, VAIA) DEBE DESENVOLVERSE NA AULA CUNHAS REGRAS BÁSICAS. QUEREMOS QUE NOS ATENDAN E ENTENDAN E, PARA ISO, NECESITAMOS SER ATENDIDOS E ENTENDIDOS. PARTIMOS, ENTÓN, ESTE CURSO CUNHA PROPOSTA: NORMAS PARA PODERMOS FALAR EN GRUPO. SÁTIRO (2012) PROPÓN 6 E AQUÍ AS REPRODUCIMOS PARA RECORDALAS NA AULA. USAMOS OS PICTOGRAMAS DE ARASAAC.

ESCOITAR CON ATENCIÓN

EXPRESAR AS PROPIAS IDEAS (FALAR)

PEDIR QUENDA (LEVANTAR A MAN)

TER EN CONTA AOS DEMAIS (RESPECTARSE)

PENSAR SOBRE AS IDEAS QUE XORDEN

PASALO BEN

IMAXES: ARASAAC.

BENVIDOS E BENVIDAS A UN NOVO CURSO

IMAXE: CEIP ALBORADA.

QUEREMOS ACOLLER CALOROSAMENTE OS NENOS E NENAS DE 5 ANOS DO CEIP ALBORADA DE A CORUÑA. SE A FUNCIÓN DO MESTRE CAMBIA CADA CURSO, A NATUREZA DO BLOG TAMÉN. POR ISO, COMA SEMPRE, A TROPA DE PAULO CONTERÁ ARTIGOS DE INTERESE PARA O ALUMNADO DESTE ANO. AGARDAMOS QUE VOS SIGA GUSTANDO!

ANIVERSARIOS E DESPEDIDA

IMAXE: RAMÓN PARÍS LAGO.

ALÁ FOI O CURSO! ISTO DA VIDA, CANDO UN SE ENTRETÉN, VAI MOI LIXEIRA.

A SEMANIÑA FOI DE AÚPA. DÍAS MOI ESPECIAIS QUE EN NADA SEMELLAN AS DELICIOSAS RUTINAS DE TODOS OS DÍAS. ONTE ESTIVEMOS A CELEBRAR OS ANIVERSARIOS DOS NENOS E NENAS QUE LLES TOCA FESTEXAR OS ANOS DURANTE O VERÁN (OU QUE AÍNDA NON LLO FIXERAMOS DURANTE O CURSO).

E HOXE TOCABA DESPEDIDA CUNHA CHEA DE ATRACCIÓNS NO PATIO, CHOCOLATE CON CRUASÁNS, PHOTOCALL...

GRAZAS A TODOS E TODAS POLA VOSA AXUDA, COLABORACIÓN E COMPRENSIÓN: FAMILIAS, PILI, MONTSE, MAJO, ELVIRA... E NON SIGO PARA NON DEIXAR A NINGUÉN. SERÍA INXUSTO.

IMAXE: SELFIE DE RAMÓN CO SEU AGASALLO. GRAZAS.

PD: DÉIXOVOS A LIGAZÓN A UNHA FOTO QUE NOS SACARON DURANTE A SAÍDA AO MAC E QUE ALGUNHAS FAMILIAS ME ESTIVERON SOLICITANDO. A CALIDADE NON É A MELLOR PERO, CLARO, O AUTOBÚS NON CABÍA NO ESCÁNER.

CARTA DE OLE E CARTA A OLE

IMAXE: RAMÓN PARÍS LAGO.

LEMBRADES QUE HAI UNHAS SEMANAS FOMOS VISITAR AO AMIGO OLE, QUE VIVÍA NA BIBLIOTECA DOS ROSALES? POIS BEN, ACABAMOS DE RECIBIR UNHA CARTA DEL E, POR SUPOSTO, ABRÍMOLA. O INTERIOR CONTIÑA UNHA ESTUPENDA FOTO NOSA CON OLE E AS BIBLIOTECARIAS. AGORA, TÓCANOS CONTESTARLLA, NON SI?
ESTIVEMOS NO RECANTO DA BIBLIOTECA ESCRIBÍNDOLLA. METÉMOLA NUN SOBRE CO SEU ENDEREZO E, NA ASEMBLEA, DECIDIMOS QUE CON ISO ABONDABA PARA MANDARLLA. OU, SE CADRA, DEBUXARLLE ALGO NO SOBRE E LISTO.

ESTA FIN DE SEMANA, DANIEL VAINA DEPOSITAR NUN BUZÓN. DI QUE HAI UN AO LADO DA SÚA CASA. A VER QUE PASA ENTÓN. AGARDEMOS QUE LLE CHEGUE.

ANIVERSARIO DE ZOE

IMAXE: RAMÓN PARÍS LAGO.

UNHA NOVA NENA ENTRA NO CLUB DOS 4 E, POR SUPOSTO, ESTIVÉMOSLLE COMENDO UN ANACO DE DELICIOSO BISCOITO QUE TROUXO. ANTES, COMA SEMPRE, CANTÁMOSLLE EN TRES IDIOMAS. LOL!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

O RECANTO DA CASIÑA

IMAXES: PILI NOGUEIRA.

O RECANTO DA CASIÑA ULTIMAMENTE NON ESPERTABA MOITO INTERESE. POR ISO, QUIXEMOS DARLLE UN EMPURRÓN E, PARA ISO, DECIDIMOS PEDIR A COLABORACIÓN DAS FAMILIAS. PEDÍMOSLLES QUE, SE TIÑAN NA CASA, TROUXESEN ROUPA, DISFRACES E COMPLEMENTOS VELLOS PARA METERMOLOS NUN BAÚL NO RECANTO. TODO ESE MATERIAL DESPOIS SERVIRÍANOS PARA DISFRAZARNOS E IIMAXINAR MILES DE HISTORIAS. 

AGORA MESMO, O BAÚL ESTÁ CHEO E, PROBABLEMENTE VEXÁMONOS OBRIGADOS A MERCAR OUTRO. POR ISO, GRAZAS A TODOS E TODAS AS QUE FIXESTES A VOSA ACHEGA.

SAÍDA AO MAC

IMAXE: BIENVENIDOS AL MUSEO.

O XOVES PASADO ASISTIMOS AO MUSEO DE ARTE CONTEMPORÁNEA (MAC). QUERIAMOS SABER COMO ERA POR DENTRO. ESTIVÉRAMOS VISIONANDO ALGÚN VÍDEO PARA COÑECER AS PERSOAS QUE NOS IAMOS ATOPAR ALÍ. POR ISO, CANDO CARMEN, A GUÍA, NOS SAUDOU, NÓS XA SABIAMOS O SEU NOME.

DURANTE O PERCORRIDO POLO INTERIOR ATOPAMOS CINCO IRMÁNS MOI PECULIARES.

O PRIMEIRO CHAMÁBASE BERTO.

O SEGUNDO, ALBERTO.

O TERCEIRO, ROBERTO.

O CUARTO, NORBERTO.

E O QUINTO, RIGOBERTO.

ACOMPAÑOUNOS TODA A VISITA, ADEMAIS, UNHA NENA MOI TRAVESA.