LISTA DE REPRODUCIÓN CON TODOS OS CONTOS

IMAXE: RAMÓN PARÍS LAGO DESDE http://www.goear.com/

PARA FACILITAR A NAVEGACIÓN POLOS AUDIOS QUE GRAVAMOS NARRANDO OS CONTOS DE CRONOPIOS, ELABORAMOS UNHA PLAYLIST CON TODOS ELES. PREMEDE NA IMAXE E LEVARAVOS A ELA. O IDEAL TERÍA SIDO PODER ESCOITAR OS AUDIOS DESDE O NOSO BLOG. PERO, ESTA PLANTILLA DE BLOGGER NON DÁ PARA TANTO. :)

UNHA CANCIÓN PARA A GRANXA

O VINDEIRO LUNS, 19 DE MAIO, IMOS DE EXCURSIÓN A UNHA GRANXA QUE SE CHAMA A CASA DO QUEIXO. POIS PARA IRMOS SABENDO O NOME DALGÚNS DOS ANIMAIS QUE VIVEN ALÍ, CANTEMOS EN INGLÉS! PREME O VÍDEO E APRENDE OS ANIMAIS CON OLD McDONALD. DO BRITISH COUNCIL.

ILUSTRANDO O CONTO DE CRONOPIOS

IMAXE: RAMÓN PARÍS LAGO BASEADA EN http://pixabay.com/

ALGÚNS E ALGUNHAS DE VÓS XA SABEDES QUE ESTAMOS A COMPOÑER O CONTO DE CRONOPIOS EN SOPORTE PAPEL. DEBUXAMOS CADANSEU CRONOPIO NA PORTADA E AGORA ESTAMOS A COLOCAR POR ORDE OS CAPÍTULOS DA HISTORIA. TAREFA ESTA MOI DIFÍCIL E QUE IMOS FACENDO CON MOITO COIDADO.

ADEMAIS DISTO, NECESITAMOS, PARA ILUSTRAR OS CAPÍTULOS, UNS DEBUXOS DOS PERSONAXES, OBXECTOS E SITUACIÓNS QUE SE NARRAN NO CONTO. POR ISO, AGORA NA AULA EDI, ESTAMOS A DEBUXALOS TODOS XUNTOS COA FERRAMENTA WEB SCRIBBLERTOO, DA QUE XA TIÑAMOS UNHA LIGAZÓN EN AO QUE XOGAMOS. MIRADE QUE OBRAS DE ARTE PREMENDO AQUÍ.

AUDIOS DOS CONTOS DE CRONOPIOS

PARA FACILITAR O ACCESO DE TODOS E TODAS AO CONTO DOS CRONOPIOS QUE INVENTAMOS, GRAVÁMOLO CON AUDACITY PARA PODÉRMOLO ESCOITAR. AQUÍ TENDES TODOS OS AUDIOS E VERSIÓNS DO CONTO.

NORMAS DA AULA EDI: XA SABEMOS COMO SENTAR

IMAXE: RAMÓN PARÍS LAGO.

OCORRÉRONSENOS UNHA CHEA DE FOTOS DE NENOS E NENAS BEN E MAL SENTADOS NA AULA EDI. PERO, CLARO, ¿COMO DISTINGUIR QUEN SENTA MAL E QUEN O FAI BEN? POIS PUXÉMONOS A PENSAR E A CLASIFICAR. UTILIZAMOS NOTEBOOK PARA CREAR UN CARTEL ONDE SE PUIDESE SABER CLARAMENTE COMO TEMOS QUE ESTAR NA AULA DO EDI. AGORA ESE CARTEL ÍMOLO COLGAR NA PAREDE PARA LEMBRAR ESA NORMA.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

CONTO DE CRONOPIOS: O FINAL DOS DE MARÍA JOSÉ

IMAXE: RAMÓN PARÍS LAGO.

E AGORA TOCA O FINAL QUE IMAXINARON OS NENOS E NENAS DE MARÍA JOSÉ:

• LÚAS M. JOSÉ.
• SOLES M. JOSÉ.

OS CAPÍTULOS DESTE REMATE XA ESTÁN EN TWITTER:

CONTO DE #CRONOPIOS; CAP. 3. VERSIÓN DOS DE M. JOSÉ. ...PORQUE UNHA NAVE ESPACIAL OS COMERA A TODOS.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 3. (M. JOSÉ) ENTÓN, APARECEU UNHA BRUXA, QUE SAÍU POLA PORTA E MONTOU NA NAVE.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 4. (M. JOSÉ). LEVABA CONSIGO TODOS OS LIBROS. OS CRONOPIOS VIRON UNHA PORTA DE EMERXENCIA E ENTRARON NA NAVE.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 4. (M. JOSÉ). DENTRO, A BRUXA TIÑA UN AMIGO DINOSAURO PEQUENO QUE ERA MOI MALVADO.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C4. (MJ). OS CRONOPIOS PEDIRON AXUDA E CHAMARON AOS BOMBEIROS E Á SÚA AVOA E METERON Á BRUXA E AO DINOSAURO NO CÁRCERE.
— A TROPA DE PAULO (@TROPA_DE_PAULO) April 30, 2014

E TAMÉN PODEDES CONSULTAR O CONTO ENTEIRO PREMENDO NA IMAXE OU AQUÍ.

CONTO DE CRONOPIOS: DOUS FINAIS DIFERENTES

IMAXE: RAMÓN PARÍS LAGO.

O QUE LEDES. PARA NON FACER MOI LONGO O CONTO, DECIDIMOS QUE A HISTORIA COMEZADA POLOS DA CLASE DE MAR TIVESE DOUS FINAIS: UN INVENTADO POLOS DE VICKY E OUTRO POLOS DE MARÍA JOSÉ. PERO, IMOS POR PARTES. PRIMEIRO PUBLICAREMOS UN FINAL E DESPOIS COLGAREMOS O OUTRO. SEGUINDO A ORDE NO HORARIO, OS QUE PRIMEIRO PENSARON UN FINAL PARA O CONTO FORON OS ALUMNOS E ALUMNAS DOS DOUS EQUIPOS DA CLASE DE VICKY.

• LÚAS VICKY.
• SOLES VICKY.

DESPOIS DE BOTARLLE UN OLLO AOS BORRADORES, O TEXTO FINAL QUEDOU ASÍ:

CONTO DE #CRONOPIOS; CAP. 3. VERSIÓN DOS DE VICKY. AGARDARON UN POUQUIÑO A QUE ABRISE.
— A TROPA DE PAULO (@TROPA_DE_PAULO) April 28, 2014

CONTO DE #CRONOPIOS; C. 3. (VICKY) PERO A PORTA NON ABRÍA E FORON A OUTRA TENDA, QUE SE CHAMABA MERCADO. E ESTA TENDA SI QUE ESTABA ABERTA.
— A TROPA DE PAULO (@TROPA_DE_PAULO) April 28, 2014

CONTO DE #CRONOPIOS; C. 4. (VICKY) MERCARON LIBROS E CONTOS E VOLVERON Á SÚA CASA. ALÍ, PUXÉRONSE A LER MOITOS CONTOS DE ALIENÍXENAS.
— A TROPA DE PAULO (@TROPA_DE_PAULO) April 28, 2014

PERMANECEDE ATENTOS AO BLOG. O FINAL DOS DE MARÍA JOSÉ EDITARASE DENTRO DUN POUCO.

CONTO DE CRONOPIOS: CAPÍTULO 2

IMAXE: RAMÓN PARÍS LAGO.

XA TEMOS O ESPERADO SEGUNDO CAPÍTULO DO CONTO. MIRADE O BORRADOR DAS IDEAS QUE FORON SAÍNDO:

• GRUPO 2 MAR.

E ESTES SON OS FRAGMENTOS EN TWITTER DO SEGUNDO CAPÍTULO:

CONTO DE #CRONOPIOS; CAP. 2. NON PODÍAN LER. TIÑAN QUE IR MERCAR LIBROS E FORON Á SÚA TENDA, QUE SE CHAMABA “MERCANCÍA”.
— A TROPA DE PAULO (@TROPA_DE_PAULO) abril 25, 2014

CONTO DE #CRONOPIOS; CAP. 2. A TENDA ERA MOI LONXE E, CANDO CHEGARON, ESTABA PECHADA E NON HABÍA CLIENTES...
— A TROPA DE PAULO (@TROPA_DE_PAULO) abril 25, 2014

SE O QUEREDES VER ENTEIRO, LEMBRADE QUE O PODEDES FACER NESTA TÁBOA. OU PREMENDO NA IMAXE DE ENRIBA.

CONTO DE CRONOPIOS: CAPÍTULO 1

IMAXE: RAMÓN PARÍS LAGO.

O MÉRCORES TOCOULLE ASISTIR AO GRUPO 1 DE MAR Á AULA EDI. ELES E ELAS ÍAN SER OS ENCARGADOS DE INVERTAR O PRIMEIRO ANACO DO CONTO: O COMEZO. ENTÓN, ESTIVEMOS FALANDO DO QUE ERA UN CRONOPIO E ELABORAMOS O PRIMEIRO BORRADOR. É ESTE: 

• GRUPO 1 MAR.

LOGO, ORGANIZÁMOLO UN POUCO. POR EXEMPLO, DECIDIMOS QUE O PROBLEMA AO QUE SE ENFRONTABAN ("NON TIÑAN LIBROS NIN CONTOS") FOSE AO FINAL DO TEXTO PARA QUE OS DEMAIS GRUPOS PENSASEN EN COMO RESOLVER ISO. AO FINAL QUEDOU REDACTADO DO SEGUINTE XEITO:

CONTO DE #CRONOPIOS; CAP. 1. OS CRONOPIOS TEÑEN 1 OLLO E VIAXAN NUNHA NAVE ESPECIAL. VEÑEN DO ESPAZO EXTERIOR. SON ALIENÍXENAS.
— A TROPA DE PAULO (@TROPA_DE_PAULO) abril 25, 2014

CONTO DE #CRONOPIOS; CAP. 1. UN DÍA, DECATÁRONSE DE QUE NON TIÑAN NIN LIBROS NIN CONTOS NA SÚA CASA...
— A TROPA DE PAULO (@TROPA_DE_PAULO) abril 25, 2014

ESTE VENRES SERÁN OS CATIVOS E CATIVAS DO GRUPO 2 DE MAR OS QUE DEBEN CONTINUAR ESTA HISTORIA. O VINDEIRO LUNS, TOCARALLES AS LÚAS E SOLES DE VICKY E AS LÚAS E SOLES DE MARÍA JOSÉ. TO BE CONTINUED.

PARA IR VENDO OS CAPÍTULOS DO CONTO, PREME AQUÍ OU NO NOSO NOVO TWITTER.

O XOGO DA SEMANA: ¿CRONOPIOS OU VEDOQUES?

IMAXE: http://www.vedoque.com/

COMO NÓS PENSAMOS QUE OS CRONOPIOS TEÑEN ALGO DE EXTRATERRESTRES, BUSCAMOS UN XOGO ONDE APAREZAN ALGÚNS. E, MIRADE, OS VEDOQUES SON MOI SIMILARES AOS CRONOPIOS.

PREMEDE NA IMAXE PARA XOGAR (OU IDE AO QUE XOGAMOS).

DÍA DO LIBRO: CREAMOS UN CONTO ENTRE TODOS E TODAS

IMAXE: PROYECTO VIVA LEER.

ACHÉGASE O DÍA DO LIBRO E NÓS TAMÉN O QUEREMOS CELEBRAR. PERO DESTA VOLTA NON IMOS LER NINGÚN CONTO, NON. IMOS INVENTALO! SI, CREAREMOS UNHA HISTORIA ENTRE TODOS OS GRUPOS DO EDI. CADA VEZ QUE VEÑA UN EQUIPO, TERÁ QUE INVENTAR UN ANACO E ASÍ, POUCO E POUCO, IREMOS CONSTRUÍNDO O NOSO PROPIO CONTO.

E COMO PARA COMEZAR A HISTORIA NECESITABAMOS UNS PERSONAXES, AÍ VAN ESTES: OS CRONOPIOS. SON UNS PERSONAXES QUE INVENTOU O ESCRITOR JULIO CORTÁZAR E QUE NÓS IMOS PEDIRLLE EMPRESTADO. JULIO CORTÁZAR ERA UN ESCRITOR ARXENTINO QUE NACEU NUN LUGAR CHAMADO BRUXELAS HAI 100 ANOS. 

CORO DE COCORICO

IMAXE: OQO EDITORA.

O OUTRO DÍA, UN COMENTARIO PUBLICADO N'A TROPA PEDÍANOS ESCOITAR AS NOSAS VOCES INTERPRETANDO A CANCIÓN DE COCORICO. DESPOIS DE LELO, COMEZAMOS A DARLLE VOLTAS:
—POIS CANTAMOS E QUE NOS ESCOITE —DICÍA ALGÚN.
—PERO, CLARO, COMO NOS VAI ESCOITAR DESDE A SÚA CASA SE NÓS CANTAMOS AQUÍ? —ACLARABA OUTRA.
—HAI QUE CANTAR MOI FORTE PARA QUE NOS OIA.
—PODEMOS GRAVALO COS CASCOS.
—E SUBILO Á TROPA DE PAULO.
ESTES E MOITOS COMENTARIOS XURDIRON EN TODOS OS EQUIPOS: NAS LÚAS, NOS SOLES... E, AO FINAL, PUXÉMONOS MANS Á OBRA. ENSAIAMOS UN PAR DE VECES E, COMO ESTABA MOI BEN APRENDIDO O CORO, XA GRAVAMOS DIRECTAMENTE.
ISTO FOI O QUE SAIU.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

NORMAS DA AULA EDI: COMO HAI QUE SENTAR?

AUTOR: RAMÓN PARÍS LAGO.

NORMALMENTE, TODOS OS NENOS E NENAS ESTÁN MOI ATENTOS NA CLASE DO EDI. PERO ÁS VECES ESQUÉCENSE DE COMO HAI QUE UTILIZALA.

POR ISO, ESTAMOS A FACER ESTA SEMANA MOITAS FOTOS PARA RECORDAR AS NORMAS DE USO. COMEZAMOS POR AQUELA NORMA QUE FALA SOBRE COMO SENTAR.

AQUÍ IMOS IR COLGANDO AS FOTOS QUE DESPOIS CLASIFICAREMOS EN "BEN SENTADOS" OU "MAL SENTADOS" PARA LOGO CREAR CARTEIS QUE POREMOS NA AULA E N´A TROPA.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

O NOSO GLOGSTER NA REVISTA DO COLE

AUTOR: RAMÓN PARÍS LAGO, TOMADA DE http://ejournal.eduprojects.net/CEIPpardobazan/

BEN. COMO SODES XENTIÑA QUE VISITA MOITO A REVISTA DIXITAL DO NOSO COLEXIO, SEGURO QUE XA VÍCHEDES O ARTIGO DO NOSO GLOGSTER SOBRE COCORICO. POIS SUCEDE QUE, DESDE QUE O PUBLICAMOS, O GLOGSTER FOISE COMPLETANDO: ENGADIMOS OS NOMES DOS PERSONAXES, ALGÚNS VÍDEOS E MESMO UN AUDIO CON GATO PELADO MIAÑANDO. GRR! QUE MEDIÑO! PREMEDE NA IMAXE PARA VER O ARTIGO E, DE PASO, IR AO GLOGSTER PARA VER AS NOVIDADES.

COCORICO: CANCIÓN, CONTO NARRADO E TRÁILER DA PELI

AUTOR: RAMÓN PARÍS LAGO, TOMADA DE http://vimeo.com/

AUTOR: RAMÓN PARÍS LAGO, TOMADA DE https://www.youtube.com/

AUTOR: RAMÓN PARÍS LAGO, TOMADA DE https://www.youtube.com/

VEÑA, MÁIS COUSAS SOBRE COCORICO! ESTAS NON AS FIXEMOS NÓS PERO QUEREMOS VER OS 3 VÍDEOS IGUALMENTE. UN VÍDEO CONTÉN A CANCIÓN DE COCORICO (SI, SI, A QUE ESCOITABAMOS Á ENTRADA HAI UNHAS SEMANAS). OUTRO VÍDEO É O CONTO NARRADO POR UNS NENOS E NENAS. E O ÚLTIMO É UN TRÁILER DUNHA PELI DE ANIMACIÓN SOBRE COCORICO.

XOGO DE COCORICOS

AUTOR: RAMÓN PARÍS LAGO, TOMADA DE http://www.vedoque.com/

AÍ VAI O XOGO DESTA SEMANA. XA QUE ESTAMOS A LER O LIBRO DE COCORICO, O XOGO DEBÍA TER PITIÑOS. E ISO É O QUE TEN: MOITOS PITIÑOS E DE MOITAS CORES. BUSCÁDEO TAMÉN EN AO QUE XOGAMOS.

GLOGSTER DE COCORICO

AUTOR: RAMÓN PARÍS LAGO UTILIZANDO UNHA IMAXE DE OQO Editora.

XA TEMOS SUBIDAS AS NOSAS VOCES AO GLOGSTER DE COCORICO. SE QUEREDES SABER COMO SE CHAMAN TODAS AS LETRAS DO NOME DE COCORICO, SÓ TENDES QUE PREMER NOS CADRADOS CUN TRIÁNGULO DENTRO QUE HAI DEBAIXO DELAS.

O GLOGSTER NON É ALGO REMATADO PORQUE, AO MELLOR, AO LONGO DESTES DÍAS OCÓRRENSENOS COUSAS QUE LLE PODEMOS ENGADIR.

GRAVAMOS AS LETRAS DE COCORICO

AUTOR: RAMÓN PARÍS LAGO.

ESTIVEMOS COMPOÑENDO O TÍTULO DO LIBRO ESPECIAL. FIXÉMOLO TANTO EN PAPEL COMA EN SOPORTE INFORMÁTICO.
NAS NOSAS CLASES, PEGAMOS, UNHA A UNHA, AS LETRAS DO AMIGO COCORICO NO PAPEL.
E NA AULA EDI, EN PRIMEIRO LUGAR, COLOCAMOS CON NOTEBOOK AS LETRAS DO SEU NOME PARA UTILIZALAS COMO GUIÓN NAS GRAVACIÓNS. EN SEGUNDO, FOMOS GRAVANDO EN AUDACITY TODAS AS LETRAS COAS NOSAS VOCES. E EN TERCEIRO, CADA VEZ QUE DICIAMOS UNHA LETRA E QUEDABA BEN REXISTRADA, RODEÁBAMOLA CO ROTULADOR DIXITAL. ASÍ:

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

CON TODO ESTE MATERIAL CREAREMOS UN GLOG ESTUPENDO NO QUE, CADA VEZ QUE SE PREMA A LETRA DO CONTO DE COCORICO, SE ESCOITE A NOSA VOZ DICÍNDOA. O GLOG ESTÁ AÍNDA NO TALLER. 

A SRA. LINGUA IMITA A COCORICO

AUTOR: RAMÓN PARÍS LAGO BASEÁNDOSE NA ROLLING STONES TONGUE LOGO.

A SEÑORA LINGUA ENTROU ONTE NO NOSO BLOG E VIU QUE O LIBRO ESPECIAL ERA COCORICO. A NOSA AMIGA COÑECE MOI BEN A COCORICO ATA O PUNTO DE QUE O IMITA MOI BEN. QUEREDES QUE VOS APRENDA? POIS É MOI SINXELO.

VEÑA, IMOS IMITAR O SEU PETEIRO. PARA ISO TEMOS QUE PECHAR A BOCA E LOGO ENCOLLELA ATRAPANDO OS POTES COS DENTES. ISO, ISO. QUEDAMOS SEN BOCHECHAS PERO GAÑAMOS UN PETEIRO.

NOVO LIBRO ESPECIAL EN MARZO

FONTE: OQO Editora.

ACHÉGASE A PRIMAVERA, TEMPO DE POESÍA, E NÓS IMOS PREPARÁNDONOS PARA ELA CUNHYA FERMOSA HISTORIA CONTADA EN VERSO. COCORICO TRATA SOBRE O QUE LLE OCORREU A UN PITIÑO UN UN DÍA QUE SE ATOPOU CO GATO PELADO. SEGURO QUE VOS VAI GUSTAR.

UN XOGO DE MEMORIA

AUTOR: RAMÓN PARÍS LAGO, TOMADA DE http://www.rif.org.

O XOGO QUE ESTAMOS A PRACTICAR ESTES DÍAS CHÁMASE MEMORY. PARA COMEZAR, FACÉMOLO SÓ CON 6 CARTAS. É MOI SINXELO. ATOPARÉDELO EN AO QUE XOGAMOS NA LIGAZÓN NA QUE APARECEN UN PELÍCANO E UNHA RA. ENJOY.

AUDIOS DOS AUTORES DE "A ESCALEIRA"

ESTIVEMOS TODA ESTA SEMANA CURRANDO NA GRAVACIÓN DAS NOSAS VOCES CON AUDACITY. QUERIAMOS QUE, CANDO FÓSEMOS AO GLOG, E PREMÉSEMOS NAS FOTOS DOS AUTORES DO CONTO, SE NOS ESCOITARA DICÍNDOOS. BOTÁDELLE UN OLLO AO RESULTADO. AS VOCES SOAN DIFERENTES, NON SI?

OS AUTORES DO LIBRO ESPECIAL

SEGUIMOS SABENDO MÁIS COUSAS DO LIBRO ESPECIAL. XA LLE PUXEMOS O TÍTULO NUN CARTEL, XA O APRENDEMOS CASE DE MEMORIA, VIMOS UNHA PELI BASEADA NO CONTO E AGORA QUEREMOS SABER QUEN SON OS SEUS AUTORES. PARA ISO, IMOS CREAR UN GLOG ONDE IMOS PUBLICAR AS SÚAS FOTOS E IMOS GRAVAR UN AUDIO COS SEUS NOMES. COMO É HABITUAL, PARA GRAVARNOS USAREMOS O PROGRAMA AUDACITY DISPOÑIBLE EN O QUE BAIXAMOS. COMO SEMPRE NOS FAI MOITA GRAZA DISTORSIONAR A NOSA VOZ, NESTA OCASIÓN NON VAI SER MENOS. POR ISO, AO MELLOR, CANDO PREMADES EN PLAY PARA ESCOITARDES OS NOMES DOS AUTORES, OS QUE FALAN NON SOMOS NÓS SENÓN UN XIGANTES OU UNS PITUFOS. :) 

COMO SEGUIR A TROPA?

ESTA É UNHA INFORMACIÓN PRÁCTICA PARA OS SEGUIDORES E SEGUIDORAS DO BLOG.

SEGURAMENTE QUEREMOS TER NOVAS FRESCAS DO QUE PASA N'A TROPA DE PAULO. PERO, CLARO, NON IMOS ESTAR TODO O DÍA PREMENDO A TECLA F5. POIS BEN, SE VOS GUSTARÍA RECIBIR AS ACTUALIZACIÓNS DO BLOG NO VOSO CORREO, NON TENDES MÁIS QUE ESCRIBILO NO CAIXÓN QUE HAI NO MENÚ DA DEREITA DO BLOG (O QUE SE VE NA IMAXE) E DARLLE AO BOTÓN SUBMIT.

PELÍCULA BASEADA EN "A ESCALEIRA"

EN INTERNET HAI BASTANTES PELIS BASEADAS EN A ESCALEIRA. NÓS ESCOLLEMOS ESTA FEITA NO CEIP A LAMA. POR DIFERENTE E POLA SÚA CALIDADE. PREME NA IMAXE E GOZA DO VÍDEO! UNHA MARABILLA!

POÑENDO O TÍTULO DO LIBRO ESPECIAL

ESTAMOS A FACER CARTEIS CO TÍTULO DO CONTO. PRIMEIRO, ABRIMOS NOTEBOOK. DESPOIS, ARRASTRAMOS A FOTO DA PORTADA AO DOCUMENTO. LOGO, RAMÓN ESCRIBE A PALABRA MÁIS LONGA (ESCALEIRA) E ENTRE TODOS E TODAS CONTAMOS CANTAS LETRAS A TEN. CANTAS E, CANTAS C... DESPOIS, UN NENO OU NENA ESCRIBE, AO SEU XEITO, A LETRA A DO COMEZO.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

LETRAS DE CORES

ESTES DÍAS, ENTRE CHOIO POR AQUÍ E CHOIO POR ALÁ, ESTAMOS A XOGAR A UNHA APLICACIÓN DE ACHEGAMENTO ÁS LETRAS. HAI MOITAS ACTIVIDADES PERO NÓS, DE MOMENTO, SÓ ESTAMOS A XOGAR Á DE DISCRIMINACIÓN AUDITIVA E VISUAL. ATOPARÉDES A LIGAZÓN TAMÉN EN AO QUE XOGAMOS. ANIMÁDEVOS!

NOVO LIBRO ESPECIAL: A ESCALEIRA

NALGUNHA CLASE ESTASE A TRABALLAR CO NÚMERO DO PISO DE CADA NENO OU NENA. E NÓS AQUÍ, N'A TROPA, IMOS PRESENTAR UN LIBRO SOBRE PISOS, SOBRE ESCALEIRAS. TITÚLASE A ESCALEIRA E É O NOVO LIBRO ESPECIAL. SEGURO QUE VOS MOLA.
SE XA O LESTES, ANOTÁDEO PREMENDO (E ISTO É NOVO) NA IMAXE DE ABAIXO.

ELENCO DE PERSONAXES NA POESÍA

UNHA VEZ QUE XA TEMOS MOITAS VECES LIDA A POESÍA DE GLORIA FUERTES, AGORA ESTAMOS A ANALIZALA UN POUCO. E O PRIMEIRO QUE QUEREMOS É MOSTRARVOS QUEN SON OS PERSONAXES QUE APARECEN NO POEMA DA POETISA MADRILEÑA. PARA ISO, PREPARÁMOSVOS UN CARTEL CO ELENCO DE ACTORES DO CONTO. ESTÁMOLO A FACER EN SOPORTE PAPEL E EN SOPORTE DIXITAL (NOTEBOOK). SE PREMEDES NA IMAXE DE ARRIBA, VEREDES O FOLLETO ENTEIRO. SE O FACEDES NAS LIGAZÓNS DE EMBAIXO, ACCEDEREDES AOS BORRADORES.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

CANCIÓN DA PAZ EN GIFS

ESTIVEMOS A TRABALLAR ARREO PARA TERMOS OS GIFS NESTA SEMANA DA PAZ. SE OS SEGUIDES, PODEDES SABER CALES SON OS MOVEMENTOS DA CANCIÓN IF YOU'RE HAPPY AND YO KNOW IT. ENJOY!

IF YOU'RE HAPPY AND YOU KNOW IT, CLAP YOUR HANDS.

IF YOU'RE HAPPY AND YOU KNOW IT, CLAP YOUR HANDS.

IF YOU'RE HAPPY AND YOU KNOW IT

AND YOU REALLY WANT TO SHOW IT.

IF YOU'RE HAPPY AND YOU KNOW IT, CLAP YOUR HANDS.

IF YOU'RE HAPPY AND YOU KNOW IT, STAMP YOUR FEET.

IF YOU'RE HAPPY AND YOU KNOW IT, STAMP YOUR FEET.

IF YOU'RE HAPPY AND YOU KNOW IT

AND YOU REALLY WANT TO SHOW IT.

IF YOU'RE HAPPY AND YOU KNOW IT, STAMP YOUR FEET.

IF YOU'RE HAPPY AND YOU KNOW IT, SHOUT "HURRAY!".

IF YOU'RE HAPPY AND YOU KNOW IT, SHOUT "HURRAY!".

IF YOU'RE HAPPY AND YOU KNOW IT

AND YOU REALLY WANT TO SHOW IT.

IF YOU'RE HAPPY AND YOU KNOW IT, SHOUT "HURRAY!" .

A SRA. LINGUA CELEBRA A PAZ SOLTANDO GLOBOS

A SRA. LINGUA ESTÁ DE CELEBRACIÓN. ACHÉGASE O DÍA DA PAZ, QUE É UNHA FESTA QUE LLE ENCANTA. ESTE ANO TEN PENSADO FACER UNHA SOLTA DE GLOBOS. QUERE QUE VOEN EN LIBERDADE COA PALABRA "PAZ" ESCRITA NELES. PERO, CLARO, NON TEN GLOBOS. AÍNDA QUE ISO NON É PROBLEMA PARA A NOSA AMIGA E OCÓRRENSELLE DÚAS IDEAS:

1. FACER GLOBOS COAS NOSAS BOCHECHAS: INCHÁMOLAS MOITO, MOITO. FACEMOS COMO SE A NOSA CABEZA FLOTASE E LOGO COAS MANS ESTOUPÁMOLAS.
2. INFLAR GLOBOS DE VERDADE. XA SABE QUE ISO É MOI DIFICIL PERO HAI QUE TENTALO.

ELIMINAR A PUBLICIDADE DAS PÁXINAS WEB

ESTE É UN ARTIGO CON INFORMACIÓN PRÁCTICA. PARA FACER MÁIS CÓMODA A NAVEGACIÓN NA VOSA CASA.

SEGURO QUE VOS OCORREU QUE, AO REPRODUCIR ALGUNHA PAULOMOVIE OU O VÍDEO DA CANCIÓN DA PAZ, APARECÍA UN ANUNCIO PUBLICITARIO. POIS AQUÍ VOS VAI UNHA APLICACIÓN PARA EVITALA CANDO ESTADES A USAR A PELOTA (ASÍ LLE DIN OS NENOS E NENAS AO GOOGLE CHROME). CHÁMASE AdBlock E ABONDA CON SEGUIR ESTA LIGAZÓN E PREMER O BOTÓN + GRATIS PARA INSTALALO. CHROME PREGUNTARACHE SE QUERES FACELO. DILLE QUE SI E LISTO.

MOVEMENTOS DA CANCIÓN DA PAZ

A CANCIÓN QUE ESCOLLEMOS PARA A PAZ FALA DA FELICIDADE, DA ALEGRÍA. PERO TAMÉN NOS MANDA REALIZAR UNS MOVEMENTOS. COMO SON UN POUCO DIFÍCILES, PARA PODER VELOS BEN, FIXEMOS UNS GIFS EN PICASION. BOTÁDELLE UN OLLO E SEGUIDE OS PASOS.

If you're happy and you know it, clap your hands.

If you're happy and you know it, clap your hands.

If you're happy and you know it

And you really want to show it.

If you're happy and you know it, clap your hands.

If you're happy and you know it, stamp your feet.

If you're happy and you know it, stamp your feet.

If you're happy and you know it

And you really want to show it.

If you're happy and you know it, stamp your feet.

If you're happy and you know it, shout "Hurray!".

If you're happy and you know it, shout "Hurray!".

If you're happy and you know it

And you really want to show it.

If you're happy and you know it, shout "Hurray!" .

#IMAGE COMING SOON#

UNHA CANCIÓN PARA A PAZ

VEÑA, IMOS CANTAR UN CHISCO CON PAULO. VAIAMOS DE NOVO Á CANLE DE YOUTUBE DO BRITISH COUNCIL. ALÍ TEMOS UNHA CANCIÓN QUE NOS DI QUE, SE ESTAMOS CONTENTOS, FAGAMOS ALGO. PRIMEIRO, DAR PALMAS; LOGO, BATER PÉS; E, AO FINAL, BERRAR HURRAY.
PARA QUE O VEXADES MÁIS CLARO, IMOS FACER UNS GIFS COAS ACCIÓNS QUE NOS MANDA. PRIMEIRO, SACAREMOS UNHAS FOTOS E LOGO XUNTARÉMOLAS CON PICASION. XA VEREDES OS RESULTADOS.

A CANTAR!

A PAZ DE DOÑA LOBA

ACHÉGASE O DÍA DA PAZ E PAULO QUERE FESTEXALO. PERO, PARA ISO, CÓMPRE SABER QUE É A PAZ E DISO ESTIVEMOS A FALAR NA CLASE.
SE PREMEDES NA ILUSTRACIÓN, PODEREDES VER UN PEQUENO LIBRO CUN POEMA MOI FERMOSO QUE CONTA A HISTORIA DE DOÑA LOBA. VEÑA! IMOS LELO E VEREDES COMO DOÑA LOBA CURA Á SÚA VECIÑA FERIDA.

AH, POR CERTO, O POEMA ESCRIBIUNO UNHA MULLER QUE SE CHAMABA GLORIA FUERTES. AQUÍ TENDES UNHA CARICATURA DELA.

SE XA LÉCHEDES O POEMA, ANOTÁDEO AQUÍ.

PAULOMOVIES: TITORIAL PARA XOGAR CON MATEA CALCULATOR (3)

LEMBRADES QUE DURANTE O TRIMESTRE PASADO ESTIVERAMOS GRAVANDO AS NOSAS VOCES PARA METELAS NO VÍDEO TITORIAL DE MATEA? POIS ESE VÍDEO XA ESTÁ REMATADO. AGORA XA PODEMOS REPRODUCILO E APRENDER COMO HAI QUE XOGAR CON MATEA CALCULATOR. AÍNDA QUE, ISO SI, AS NOSAS VOCES ESTÁN UN POUCO CAMBIADAS PORQUE, CLARO, COMO MATEA É UN ROBOT, NÓS TAMÉN TIÑAMOS QUE PARECER UN ROBOT.
MAIS, NOS ÚLTIMOS DÍAS SEMELLA HABER PROBLEMAS AO CARGAR O XOGO. ESTAREMOS PENDENTES E AVISAREMOS CANDO SAIBAMOS QUE OCORRE.

UN XOGO PARA O NADAL

ESTABÁMOLO DESEXANDO: UN XOGO PARA ESTAS FESTAS. VEDOQUE OFRÉCENOS A POSIBILIDADE DE PASALO BEN E APRENDER CON ESTE XOGO. PREMEDE NA IMAXE OU IDE AO QUE XOGAMOS. ENJOY!

SE XA XOGÁCHEDES, DICÍDELLO A PAULO AQUÍ, COMA SEMPRE.
AH, E DE PASO, PAULO DESÉXAVOS A TODOS E A TODAS UNHAS FELICES FESTAS.

FOLLETO RESUMO DO CONTO DO APALPADOR

NON TODO VAI SER TRABALLAR NO EDI. POR ISO, UNHA VEZ QUE TIÑAMOS MOI APRENDIDO O CONTO DO APALPADOR, NECESITABAMOS UN DOCUMENTO EN PAPEL QUE PUIDESEMOS LEVAR Á CASA E EXPLICARLLES O CONTO ÁS NOSAS FAMILIAS. E PUXÉMONOS MANS Á OBRA. 

PARA QUE O POIDAMOS VER OS CATIVOS E CATIVAS TAMÉN NA CASA, PUBLICAMOS O FOLLETO ON LINE. MELLOR DITO: OS FOLLETOS. PORQUE HAI DOUS COLGADOS. NUN DOS ARTIGOS QUE TEMOS PUBLICADO N'A TROPA XA HAI TEMPO, VIÑA UNHA LIGAZÓN EXPLICANDO AS FASES POLAS QUE PASAMOS OS NENOS E NENAS NO NOSO DESCUBRIMENTO DA LECTO-ESCRITURA. POIS BEN, CON ESTES DOUS FOLLETOS IDES PODER VER AS DÚAS PRIMEIRAS ETAPAS. PREMEDE NAS IMAXES DE ENRIBA PARA VELOS.

SE XA VÍCHEDES OS FOLLETOS, REXISTRARÉMOLO AQUÍ.