DÍA DA FESTA DO ENTROIDO

IMAXE: RAMÓN PARÍS LAGO.

O PASADO VENRES CELEBRAMOS O ENTROIDO NO COLEXIO. SABEDES QUE ESTIVEMOS PREPARANDO ESTE DÍA HAI XA ALGÚN TEMPO.
A MAÑÁ COMEZOU BEN PORQUE CRISTINA E ALMA TROUXÉRONNOS UNS DOCES TÍPICOS DESTA FESTA: ORELLAS E ROSQUIÑAS. ESCOITADE O QUE NOS CONTOU CRISTINA SOBRE AS ORELLAS.

IMAXE: CAPTURA DE GOEAR.

IMAXE: RAMÓN PARÍS LAGO.

NON QUEDOU NIN UNHA FRANGULLA.

IMAXES: RAMÓN PARÍS LAGO.

DESPOIS DE PAPAR, TOCOUNOS VESTIRNOS PARA A FESTA.

IMAXE: RAMÓN PARÍS LAGO.

UNHA VEZ PREPARADOS E PREPARADAS, ACUDIMOS AO PAVILLÓN. DESFILAMOS E DELEITAMOS CUN BRILLANTE BAILE DIANTE DAS FAMILIAS (GRAZAS POR VIRDES COMPARTIR A FESTA CONNOSCO!). LOGO, SENTAMOS A VER O RESTO DE DISFRACES DOS OUTROS CURSOS.

QUE ESTÁ A NACER NA TERRA?

IMAXE: RAMÓN PARÍS LAGO.

CONTÁMOSVOS O OUTRO DÍA QUE XA ESTABAN MEDRANDO ALGUNHAS SEMENTES QUE PLANTAMOS NA HORTA. POIS BEN, NON SON AS ÚNICAS. MIRADE NA FOTO. XA TEMOS MÁIS. CÍRCULO VERMELLO, OS ALLOS; AMARELO, AS CEBOLAS; E MORADO, OS FABALLÓNS.

*POR CERTO, HAI UN ERRO NA FOTO. A VER SE O ATOPADES.

FIXÉMOSLLE CASO AO MECO

IMAXE: RAMÓN PARÍS LAGO.

XA VOS CONTAMOS QUE O MECO NOS MANDOU TRAER ALGO PARA DISFRAZARNOS CADA DÍA E NÓS, CO GUIADIÑOS QUE SOMOS, OBEDECÉMOSLLE. MIRADE QUE GUAPOS E SIMPÁTICOS VIÑEMOS.

O LUNS NON ESQUEZAS TRAER ALGO PARA A TÚA CABEZA.

O MARTES, COLGA ALGO DO TEU PESCOZO.

O MÉRCORES, PENSA OUTRA COUSA PARA VESTIR A TÚA CINTURA.

O XOVES, TODO XUNTO AO COLE TRAERÁS E ASÍ DISFRAZADO VIRÁS.

IMAXES: RAMÓN PARÍS LAGO.

TRAXES DE ENTROIDO LISTOS!

IMAXE: RAMÓN PARÍS LAGO.

ONTE Á TARDE, COMO TIÑAMOS PENSADO, OS PAIS E AS NAIS DOS NENOS E NENAS DE 3 ANOS VIÑERON COLABORAR NA CONFECCIÓN DO DISFRACE DE PINTOR. ENTRE TODOS E TODAS, TARDAMOS POUCO MÁIS DE MEDIA HORA EN TER TODO A PUNTO. 

GRAZAS A TODOS E A TODAS.

OS MANDADOS DO MECO

IMAXE: CEIP S. FAMILIA.

ACHÉGASE O ENTROIDO E DURANTE ESTA SEMANA IMOS COÑECER UN PERSONAXE NOVO: O MECO. CADA DÍA, ESTE AMIGO VAINOS IR MANDANDO TRAER ALGÚN COMPLEMENTO PARA DISFRAZARNOS.

EU SON O REI DO ENTROIDO,

MECO DANME EN CHAMAR.

OBEDECE AS MIÑAS ORDES,

SE BEN O QUERES PASAR.

O LUNS NON ESQUEZAS TRAER ALGO PARA A TÚA CABEZA.

O MARTES, COLGA ALGO DO TEU PESCOZO.

O MÉRCORES, PENSA OUTRA COUSA PARA VESTIR A TÚA CINTURA.

O XOVES, TODO XUNTO AO COLE TRAERÁS E ASÍ DISFRAZADO VIRÁS.

IMAXES: MODIFICADAS DE FLICKR.

CELEBRACIÓN DO DÍA DA PAZ

IMAXE: RAMÓN PARÍS LAGO.

ESTE VENRES, O TEMPO ACOMPAÑOUNOS UN POUCO E PUIDEMOS ACUDIR AO PAVILLÓN A FESTEXAR O DÍA DA PAZ. NO CENTRO DA PISTA, OS CATIVOS E CATIVAS DE EDUCACIÓN INFANTIL FORMAMOS UN GRAN CORAZÓN VERMELLO (POR ISO LEVAVAMOS OS FLECOS E O GORRO DESA COR) E CANTAMOS A CANCIÓN QUE ESTEVIRAMOS ENSAIANDO.

IMAXES: RAMÓN PARÍS LAGO.

SEMENTEIRA (PARTE 3)

IMAXE: RAMÓN PARÍS LAGO.

ANTONTE E HOXE, O TEMPO DEUNOS UN RESPIRO E PUIDEMOS (POR FIN!) PLANTAR AS SEMENTES. DESPOIS DE UNHA E DÚAS VISITAS Á HORTA ANTERIORES, ESTA SEMANA ENTERRAMOS UNHA MANCHEA DE CHÍCHAROS E UNS DENTES DE ALLO (OS QUE PLANTARON AS OUTRAS CLASES ANTES XA XERMOLARON! FIXÁDEVOS NOS CÍRCULOS VERMELLOS; O AMARELO SON AS CEBOLAS). AGORA, COMO DI A CANCIÓN QUE ESCOITAMOS TODOS OS DÍAS NO APERITIVO, ...E ESPERAR. 

IMAXE: RAMÓN PARÍS LAGO.

CANCIÓN PARA O ENTROIDO

HOXE, OS NENOS E NENAS LEVARON UNHA NOTA ONDE SE VOS CONTA QUE NO ENTROIDO ÍMONOS DISFRAZAR DE PINTORES. OS ARTISTAS PLÁSTICOS MANEXAN MOITAS CORES E NÓS IMOS APRENDELAS CANTANDO CON ESTE VÍDEO. A LETRA DI ASÍ:

SALTA CON AMARILLO. 

BRINCA SI AZUL O ROJO VES.

CAMINA AL VER NARANJA, 

NEGRO, VERDE, MARRON O GRIS.

SALTA SI VES PURPURA.

BRINCA SI BLANCO O ROSA VES.

CAMINA CON BEIGE O VERDE 

Y DA UN GRITO MUY FUERTE.

A CANCIÓN PERTENCE A UN DVD TITULADO LA TORTUGA MANUELITA Y EL ELEFANTE TROMPITA. CANCIONES INFANTILES ANIMADAS DE KIDS CONCEPT.

CONVERSAMOS SOBRE A PAZ (FINAL)

IMAXE: CAPTURA DE GOEAR.

O VENRES NON PUIDEMOS CELEBRAR A PAZ. A CHUVIA NON NOLO PERMITIU E ADIOUSE ATA A VINDEIRA SEMANA: ESTE VENRES. PERO NON SOUBEMOS QUE NON IAMOS TER FESTA ATA O ÚLTIMO MOMENTO E, POR ISO, DEUNOS TEMPO A FALAR UN CHISCO MÁIS SOBRE A PAZ.

COMA O OUTRO DÍA, GRAVAMOS O NOSO DIÁLOGO:

RAMÓN: A VER, JORGE, ¿QUÉ ES LA PAZ?
JORGE: ALEGRÍA.
RAMÓN: CRISTINA, PARA TI AHORA, ¿QUÉ ES LA PAZ?
CRISTINA: ...
RAMÓN: PIÉNSATELO, ¿VALE?
SERGIO: ¡YO NO LO DIJE!
RAMÓN: ALMA, ¿QUÉ ES LA PAZ PARA TI?
SERGIO: ¡EH, YO NO LO DIJE, RAMÓN!
ALMA: AMISTAD.
RAMÓN: AMISTAD. Y PARA TI, LUCÍA, ¿QUÉ ES LA PAZ?
DANIELA: ¡YO LO VOY A DECIR!
LUCÍA: ABRAZOS.
RAMÓN: Y PARA... PARA NICO ¿QUÉ ES LA PAZ?
NICO: ALEGRÍA.
RAMÓN: Y PARA RENÉ, LA PAZ, ¿QUÉ ES?
RENÉ: UN CANGREJO.
RAMÓN: UN CANGREJO, BIEN.
ANIA: Y LAURA NO LO DIJO.
RAMÓN: Y PARA NOA, QUE YA LO HA PENSADO, QUE ES LA PAZ.
PATRICK: ¡LE TOCA A PATRICK!
RAMÓN: LO HAS DICHO BIEN. ¡VENGA! ¿HAS DICHO ABRAZOS? SÍ, BIEN.
RAMÓN: Y, PARA TI, PATRICK, ¿QUÉ ES LA PAZ?
(AÍ CÓRTASE PERO, PERO PARA ÉL, A PAZ É O SEU COCHE DE XOGUETE).

NOTADES ALGUNHA DIFERENZA? NÓS HABÉMOLO DE FALAR NA AULA.

Nº6 DE ROTHKO (PARTE 2)

IMAXES: RAMÓN PARÍS LAGO E AULA DE FILOSOFÍA DE EUGENIA SÁNCHEZ BRAVO.

XA COLGA NA PORTA A RECREACIÓN DO CADRO DE ROTHKO QUE ESTIVEMOS PREPARANDO ESTES DÍAS. COSTOU MOITO E DECATÁMONOS DE QUE, CANDO UN SE PON A IMITAR A UN ARTISTA, NON É TAN DOADO. XURDÍRONNOS MOITOS PROBLEMAS QUE XA FÓCHEDES VENDO NOS ARTIGOS ANTERIORES. POR EXEMPLO, HOXE NON ERAMOS QUEN DE CREAR UN GRIS TAN ESCURO COMO O DA OBRA DE ROTHKO. E, NÓS, VEÑA A ENGADIRLLE MÁIS NEGRO, E MÁIS, E MÁIS...

IMAXE: RAMÓN PARÍS LAGO.

OUTRA DIFICULTADE, O AZUL NON NOS SAIU TAN INTENSO COMO O DEL. E ISO QUE MISTURAMOS DÚAS VECES NEGRO E AZUL. PERO, NADA, NON DEMOS COA COR.

IMAXE: RAMÓN PARÍS LAGO.

AGORA, XA O TEMOS NA PORTA E, VÉNDOO TODOS OS DÍAS, PODEREMOS IR COMPROBANDO OUTROS DETALLES QUE NON NOS QUEDARON EXACTAMENTE IGUAIS: OS RECTÁNGULOS NON TEÑEN A MESMA PROPORCIÓN, O BRANCO DEBERÍA TER SIDO MÁIS TRANSPARENTE PARA DEIXAR VER O AMARELO, O AMARELO DE ROTHKO É MÁIS LUMINOSO... PERO, SOBRE TODO ISO HABEMOS DE DEBATER ESTES DÍAS.

IMAXE: RAMÓN PARÍS LAGO.

CANCIÓN DO INVERNO ANIMADA

UTILIZANDO PICASION, QUE SERVE PARA CREAR GIFS A PARTIR DUNHAS FOTOS, DÉMOSLLE UN POUCO DE VIDA Á CANCIÓN DO INVERNO.

CON LA NARIZ COLORADA

Y BUFANDA DE COLORES,

PASEO POR LA CALLE,

DANDO, DANDO TIRITONES.

EL SOL ESTÁ ESCONDIDO,

EL VIENTO SILBANDO.

YO ME FROTO LAS MANITAS

QUE EL INVIERNO ESTÁ LLEGANDO.

Nº6 DE ROTHKO (PARTE 1)

IMAXE: RAMÓN PARÍS LAGO.

PUXÉMONOS MANS Á OBRA, Á OBRA DE MARK ROTHKO. OS CADROS DESTE ARTISTA SON MOI GRANDES (OCUPAN PAREDES ENTEIRAS) E, SE NOS DEDICÁSEMOS A IMITALO E CREAR PEZAS COMA AS DEL, NON NOS ABONDARÍAN OS MUROS DA NOSA CLASE. ASÍ QUE DECIDIMOS PINTAR NUN FORMATO MÁIS PEQUENO, QUE NOS COLLESE, POR EXEMPLO, NA PORTA DA CLASE. COMO A SUPERFICIE A COLOREAR ERA MOI GRANDE E OS PINCEIS DA CLASE MOI PEQUENOS, DECIDIMOS UTILIZAR OUTROS INTRUMENTOS. FOMOS, ENTÓN, Á CLASE DA MESTRA Mª JOSÉ E PEDÍMOSLLE UNS ROLOS.

IMAXES: RAMÓN PARÍS LAGO.

LOGO, ESCOLLEMOS A PINTURA DE FONDO (AMARELA), PERO ESQUECEMOS ALGO: O TÍTULO DO CADRO. EN EFECTO, O CADRO CHÁMASE Nº6 (AMARELO, BRANCO, AZUL SOBRE AMARELO CON FONDO GRIS) E, CLARO, DEBERIAMOS TER COLOREADO PRIMEIRO DE GRIS. PERO, NON PASA NADA, OCORRÉUSENOS QUE, UNHA VEZ REMATADO O CADRO, PINTARIAMOS OS BORDES DESA COR (E ASÍ NON SE NOTARÍA TANTO).

IMAXES: RAMÓN PARÍS LAGO.

SEMENTEIRA (PARTE 2)

IMAXE: RAMÓN PARÍS LAGO.

NADA. NON NOS ESTÁ A ACOMPAÑAR O TEMPO E ESTES DÍAS CASE NON POUIDEMOS ACUDIR Á HORTA A PLANTAR. PERO O PASADO MÉRCORES O TEMPO DEUNOS UNHA PAUSA E PERMITIUNOS IR Á NOSA PLANTACIÓN. DESTA VOLTA SEMENTAMOS FABALLÓNS. NON HAI MÁIS IMAXES PORQUE RAMÓN NON PODE ESTAR A TODO: A AXUDAR A ESCARVAR, A COLOCAR A SEMENTE, A SACAR FOTOS... :)

AGORA SÓ NOS FALTAN OS ALLOS E O CHÍCHAROS.