ISTO VAI MEDRANDO!

IMAXES: RAMÓN PARÍS LAGO.

XA ESTAMOS EN MARCHA EN ÁBRESE UN GROMO. PEDÍMOSVOS ÁS FAMILIAS QUE FÓSEDES TRAENDO, SE TIÑADES, COUSAS RELACIONADAS COA HORTA, AS PLANTAS, AS FLORES... E A VOSA RESPOSTA FOI SENSACIONAL. EN POUCOS DÍAS, TIÑAMOS A NOSA MESIÑA CHEA DE OBXECTOS: SACHOS, PLANTAS, SEMENTES, REGADEIRAS...

E MESMO, AÍNDA QUE NA FOTO NON SE VE, UNHA ADIVIÑA QUE INVENTOU ADELA.

LARANXA POR BAIXO.

VERDE POR RIBA.

ESTÁ MÁIS RICA CRÚA

QUE COCIDA.

COAS FERRAMENTAS FOMOS PREPARAR A HORTA. EN PRIMEIRO LUGAR, REMEXEMOS A TERRA.

DESPOIS, DIVIDIMOS UNHAS PARCELAS PARA CADA CLASE.

COLGÁMOSLLE UN CARTEL.

XA ESTABA LISTA A HORTA. SÓ FALTABA COMEZAR A PLANTAR. NA CLASE, XA CONTABAMOS CON PLANTAS DE AMORODOS, VERZAS, MARGARIDAS...

E MESMO FLORES QUE XA DECORAN O CORREDOR DO COLEXIO.

AS SEMENTES, DE MOMENTO, PLANTÁMOLAS, IGUAL QUE O AVÓ DE MARÍA, NUNHA MACETA.

BOTÁMOSLLE SUBSTRATO Á TERRA, ELABORAMOS UNS CARTEIS PARA AS PLANTAS E ENTERRAMOS AS SÚAS RAÍCES NA NOSA HORTA.

PERO, NON SÓ ISO. ESTA TEMÁTICA ESTANOS A SERVIR PARA DESCUBRIR AS PARTES DUNHA FLOR BUSCANDO NUN LIBRO, NO RECANTO DA BIBLIOTECA; NO DE PLÁSTICA, PARA COÑECER AS FLORES QUE PINTAN OS ARTISTAS:

• MONET.

• VAN GOGH.

• GAUGUIN... E MÁIS PINTORES E PINTORAS QUE VIRÁN, COMO ALBA:

E TAMÉN PARA INTERPRETAR UNHA FERMOSA CANCIÓN POPULAR.

QUE É UN GROMO?

IMAXE: VAN GOGH MUSEUM.

OUTRA IDEA ESTÁ XURDINDO NAS CLASES DE INFANTIL. DEBEMOS DARLLE FORMA AÍNDA PERO, COMO ELEMENTOS MOTIVADORES, XA TEMOS DECORADA UNHA PARTE DO CORREDOR DE ENTRADA CON COUSAS RELACIONADAS COAS FLORES E PLANTAS: MACETAS, LIBROS, CADROS... ÁBRESE UN GROMO, ENTÓN.

O OUTRO DÍA ESTIVEMOS CONVERSANDO NA ASEMBLEA. TROUXEMOS UNHAS FLORES Á CLASE E ESTIVEMOS A FALAR SOBRE ELAS.

ANDREA: EL SOL HACE EL COLOR DE LAS FLORES.
VEGA: LAS RIEGAS Y CRECEN.
NADIA: ...CON LA TIERRA.
MARCOS: PABLO Y YO COGIMOS HIERBA EN EL PATIO PARA COCINAR.

TAMÉN PAROLAMOS SOBRE O CADRO DE VAN GOGH QUE VEDES ARRIBA:

DANIEL: LAS PLANTAS BEBEN AGUA POR UNA COSA QUE ES MUY GRANDE QUE POR FUERA TIENE UNA COSA QUE ES ROJA.
PABLO P.: UN DÍA VI GIRASOLES CUANDO IBA DE PASEO CON MI ABU EN ESPASANTE.
LEIRE: SON AMARILLOS. YO QUIERO UNA FLOR ROSA.

A VER QUE SAE DE AÍ!

SAÍDA Á BIBLIO DOS ROSALES

IMAXES: RAMÓN PARÍS LAGO.

OUTRA EXCURSIÓN. NON TEMOS PARADA!

A MEDIA MAÑÁ DO XOVES, SUBIMOS AO AUTOBÚS.

DIRIXÍMONOS AO BARRIO DOS ROSALES, EN CONCRETO, Á SÚA BIBLIOTECA. LORENA E VERO, AS BIBLIOTECARIAS AGARDÁBANNOS NA PORTA E NON TARDARON EN PRESENTARNOS AO PAXARO OLE. 

RECIBIRAMOS UNHA CARTA DEL CONVIDÁNDONOS A IR E, CLARO, NON IAMOS DICIR QUE NON. FOINOS EXPLICANDO AS ETIQUETAS QUE HAI NOS LIBROS E, DE CADA UNHA, LEUNOS UN CONTO.

LIBROS SOBRE O MUNDO QUE NOS RODEA

LIBROS CON MÚSICA

LIBROS CON SORPRESA

LIBROS PARA VER

LIBROS PARA CONTAR

GLOG RESUMO SOBRE LUGRÍS

XA LLE ESTAMOS DANDO VOLTAS A NOVOS CENTROS DE INTERESE PARA TRABALLAR NA AULA. PERO, A XEITO DE RESUMO, DEIXÁMOSVOS ESTE GLOGSTER ONDE PODEREDES VER QUE FOI O QUE APRENDEMOS CO NOSO AMIGO LUGRÍS. PREMEDE NO LOGO.

CONTACONTOS NO COLEXIO

IMAXE: RAMÓN PARÍS LAGO.

O OUTRO DÍA VISITÁRONNOS PATRI E ÁLEX, DOUS CONTACONTOS COS QUE GOZAMOS DA MAXIA DOS LIBROS. LÉRONNOS CONTOS COMO:

DESPOIS DA CHUVIA

A QUE SABE A LÚA?

NÚMEROS

IMAXES: KALANDRAKA.

NESTE ÚLTIMO, MESMO APRENDEMOS UNHA CANCIONCIÑA QUE IMOS USAR NA CLASE.

O CONCERTO DE ARCOS IRIS

IMAXES: RAMÓN PARÍS LAGO.

A SEMANA PASADA FOMOS DE CONCERTO AO PALACIO DA ÓPERA. XA TIÑAMOS ESCOITADO MOITO O REPERTORIO QUE ÍAN TOCAR.

E, NA CLASE, SEGUIMOS FACÉNDOO. AGORA, COA AXUDA DUN LIBRO MARABILLOSO: EL MONSTRUO DE LOS COLORES. AS EMOCIÓNS ENTRAN NA CLASE DE 3 ANOS!

IMAXE: http://www.annallenas.com

ANIVERSARIO DE VALENTINA

IMAXE: RAMÓN PARÍS LAGO.

VALENTINA ENTRA NO CLUB DOS 4 E, POR SUPOSTO, ESTIVÉMOSLLE COMENDO UN ANACO DE DELICIOSO BISCOITO QUE TROUXO. ANTES, COMA SEMPRE, CANTÁMOSLLE EN TRES IDIOMAS. LOL!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

LUGRÍS NO MUSEO DE BELAS ARTES

IMAXES: RAMÓN PARÍS LAGO.

E POR FIN CHEGOU O DÍA DA EXCURSIÓN. O MÉRCORES, A MEDIA MAÑÁ, COLLEMOS OS NOSOS MAPAS PARA NON PERDERNOS E SUBIMOS AO AUTOBÚS. O CONDUTOR FOI SEGUINDO A RUTA QUE TRAZAMOS E, POR ISO, PASAMOS POLO CAMPO DE FÚTBOL, POLA BEIRA DA PRAIA E, AO FONDO, DIVISAMOS O MAR.

CHEGAMOS AO MUSEO E COÑECEMOS Á MONITORA QUE NOS ÍA GUIAR POR EL. PRIMEIRO, SENTAMOS PERANTE UN CADRO SOBRE O MAR E AMOSOUNOS UN CONTO SOBRE UNHA NENA E UNHA OLA. NON LEMBRAMOS O NOME DO AUTOR DO CADRO. VÓS SABÉDELO?

LEVOUNOS, DESPOIS, A VER UN CADRO DE LUÍS SEOANE E ALÍ FIXEMOS MAXIA: MIRAMOS A TRAVÉS DE PAPEL DE CELOFÁN E AS CORES DO CADRO MUDABAN!

LOGO, FOMOS GOZAR DO NOSO CADRO FETICHE DE URBANO LUGRÍS: MARIÑA SURREALISTA. E MESMO NOS AMOSOU UNHA SEREA XIGANTE.

O ÚLTIMO CADRO QUE OBSERVAMOS ERA UN DE FRANCISCO LLORÉNS NO QUE SE AMOSABA UNHA FERMOSA PAISAXE COSTEIRA. TAMÉN NOS PREGUNTARON SOBRE OS INSTRUMENTOS QUE UTILIZAN OS PINTORES. NÓS, COMO XA FÓRAMOS DISFRAZADOS DISO, COÑECIÁMOLOS TODOS. COMO NON?

DESPOIS, QUIXEMOS OIR OS RUÍDOS QUE EMITÍA, AO MOVERSE, UNHA ESCULTURA DE PACO PESTANA.

E, FINALMENTE, ESTIVEMOS PEGANDO REPRODUCIÓNS DOS CADROS QUE VÍRAMOS NUN CADERNO QUE LOGO LEVAMOS PARA A CASA.