CABAZAS DO SAMAÍN

IMAXES: RAMÓN PARÍS LAGO.

XA ESTÁN DECORANDO O CORREDOR AS FERMOSAS CABAZAS QUE FIXESTES NA CASA. ALGÚNS NENOS E NENAS XA AS FORON TRAENDO E CONTÁRONNOS COMO AS FIXERON, CON QUEN E CON QUE MATERIAIS. MIRADE QUE MARABILLAS! NÓS, POLA NOSA BANDA, SEGUIMOS FACENDO OUTRA CABAZA NO RECANTO DE PLÁSTICA. ESTA ÚLTIMA USARÉMOLA PARA DECORAR O SALÓN ONDE IMOS IR VER A REPRESENTACIÓN DA OBRA CORRE, CORRE CABACIÑA O VINDEIRO 30 DE OUTUBRO.

AS CANCIÓNS DO SAMAÍN

VELAQUÍ OS VÍDEOS DAS CANCIÓNS QUE IMOS INTERPRETAR NESTE SAMAÍN. ÍMOLAS PRACTICAR NO COLE E VÓS TAMÉN O PODEDES FACER NA CASA.

COMPOÑEMOS O NOSO NOME

IMAXE: RAMÓN PARÍS LAGO.

XA ESTÁ EN MARCHA O RECANTO DA BIBLIOTECA. ALÍ TEMOS TODO O RELACIONADO COAS LETRAS, PERO, SOBRE TODO, LIBROS.

ESTA SEMANA TIVEMOS QUE FACER UN PEQUENO TRABALLIÑO (O PRIMEIRO!). COLLEMOS AS ETIQUETAS GRANDES DO NOSO NOME E, LETRA A LETRA, O FOMOS PEGANDO NUNHA LÁMINA. MENTRES O FACIAMOS, COMENTABAMOS CANTAS LETRAS TIÑA, COMO ERAN, CAL ÍA ANTES E CAL DESPOIS, CAL ERA A PRIMEIRA E CAL A ÚLTIMA...

IMAXE: RAMÓN PARÍS LAGO.

UNHA CANCIÓN PARA A MERENDA

NA SECCIÓN O QUE CANTAMOS PODEDES VER TODAS AS CANCIÓNS QUE VAN IR ORGANIZANDO O NOSO DÍA A DÍA. AGORA TÓCALLE AO MOMENTO DA MERENDA CUNHA CANCIÓN DE MIGALLAS: PAN DE MILLO.

OS RECANTOS DA AULA

IMAXE: RAMÓN PARÍS LAGO CON SÍMBOLOS TOMADOS DE ARASAAC.

NA EDUCACIÓN INFANTIL, AS AULAS SON DIFERENTES A CALQUERA OUTRA ETAPA. A NOSA ESTÁ DIVIDIDA EN ZONAS E RECANTOS DE ACTIVIDADE.
O ESPAZO DA CLASE DISTRIBÚESE DE XEITO FLEXIBLE PARA QUE FAVOREZA A AUTONOMÍA, A PARTICIPACIÓN, O TRABALLO EN GRUPO E O TRABALLO INDIVIDUAL. A ESTRUTURACIÓN DA AULA EN ZONAS (COLGADOIROS OU ASEMBLEA) E RECANTOS DE ACTIVIDADE (CASIÑA, MATES, BILIOTECA, PLÁSTICA E CONSTRUCIÓNS) FACILITA A CONSECUCIÓN DE TODOS ESTES ASPECTOS.
CADA DÍA, GRUPOS DUN MÁXIMO DE 5 COMPOÑENTES ACUDIRÁN AOS RECANTOS. UNHAS VECES TERÁN QUE REALIZAR UNHA TAREFA, OUTRAS SIMPLEMENTE XOGARÁN (QUE NON É POUCA COUSA!) CO MATERIAL QUE HAI NEL E, OUTRAS, FARÁN AS DÚAS COUSAS. POR EXEMPLO, A SEMANA PASADA, OS CATIVOS E CATIVAS QUE ÍAN AO RECANTO DE PLÁSTICA, ADEMAIS DE PODEREN XOGAR COA PLASTI E FACER UN DEBUXO, TIVERON QUE PINTAR A HERBA DO MURAL DO CORREDOR.

CALENDARIO DE MERENDAS COAS CORES DOS DÍAS

IMAXE: RAMÓN PARÍS LAGO.

PARA ENTENDER MELLOR O ALIMENTO QUE TEMOS QUE TRAER, PAULO IDEOU UN SISTEMA ONDE CADA DÍA VÉN REPRESENTADO POR UNHA COR. ASÍ O LUNS É AZUL E O VENRES, AMARELO, POR EXEMPLO. ESTE CÓDIGO DE CORES SERVIRANOS PARA FACER OUTRAS MOITAS COUSAS QUE IREMOS VENDO AO LONGO DO CURSO.

HERBA DE VAN GOGH

FONTE: LAROUSSE.

XE ESTAMOS CO PRIMEIRO CHOIO. A CLASE DE ENFRONTE (A DA PROFE Mª JOSÉ) E MAIS NÓS QUIXEMOS DARLLE UN TOQUE DE COR AO NOSO CORREDOR. ESTAMOS A PINTAR UNHA PAISAXE PARA LOGO COLOCAR UNHAS FIGURAS DUN CONTO CLÁSICO. A NOSA CLASE DEDICARASE, DE MOMENTO, A DEBUXAR A HERBA DESA PAISAXE. POR ISO, ESTIVEMOS A MIRAR COMO UN GRAN ARTISTA, VAN GOGH, RECREA ESA PLANTA.

FONTE: ARTES PLÁSTICAS Y OTRAS HIERBAS.

FIXÁDEVOS COMO O ARTISTA UTILIZA VARIAS TONALIDADES DE VERDE EN BROCHAZOS VERTICAIS E DIAGONAIS. POIS NÓS QUIXEMOS IMITALO E PUXÉMONOS MANS Á OBRA.
COMO NON TIÑAMOS PINTURA VERDE, MESTURAMOS E REMEXEMOS AZUL E AMARELO.

IMAXE: RAMÓN PARÍS LAGO. 

IMAXE: RAMÓN PARÍS LAGO.

E PINTAMOS A HERBA.

IMAXE: RAMÓN PARÍS LAGO. 

IMAXE: RAMÓN PARÍS LAGO.

LOGO, COMO AÍNDA NOS SOBROU ALGO DE PINTURA, ENGADÍMOSLLE UN POUCO DE NEGRO PARA CONSEGUIR VERDE ESCURO.

IMAXE: RAMÓN PARÍS LAGO.

E LOGO VOLVEMOS TRAZAR RAIAS DE HERBA.

IMAXE: RAMÓN PARÍS LAGO.

COMO VEDES, O TRABALLO ESTÁ A MEDIO FACER. ASÍ QUE TO BE CONTINUED.

CALENDARIO DE MERENDAS

IMAXE: RAMÓN PARÍS LAGO.

HOXE, OS CATIVOS E CATIVAS LEVARON PARA A CASA O CALENDARIO DE MERENDAS. QUE QUE É ISO? POIS UN PLAN QUE TEMOS NA CLASE PARA QUE CADA DÍA TRAIAMOS UN APERITIVO DIFERENTE. DESTA MANEIRA, ALIMENTARÉMONOS SEMPRE DUN XEITO EQUILIBRADO. CONSULTÁDEO AQUÍ AS VECES QUE QUEIRADES OU, PARA QUE SEXA MÁIS CÓMODO, COLOCÁDEO PEGADO Á NEVEIRA DA CASA.

AS CANCIÓNS DO DÍA A DÍA

FONTE: GOOGLE BOOKS.

NA SECCIÓN DO BLOG O QUE CANTAMOS IMOS IR COLGANDO AS CANCIÓNS DAS RUTINAS. TODAS AQUELAS MELODÍAS QUE NOS VAN IR ACOMPAÑANDO NO DÍA A DÍA DA AULA EN DIFERENTES MOMENTOS. BOTÁDELLES UN OLLO!

BENVIDOS E BENVIDAS A UN NOVO CURSO!

FONTE: FRANCESCO TONUCCI EXTRAÍDO DE REDING ESTUDIO CREATIVO.

SEMELLA QUE FOI ONTE CANDO REMATOU O CURSO E... XA ESTAMOS AQUÍ DE VOLTA! SABEDES QUE PAULO CAMBIOU DE CASA E AGORA VIVE NUN COLEXIO NOVO. DEIXA MOITOS AMIGOS NO EMILIA PERO AGORA NO SAGRADA FAMILIA TAMÉN ESPERAR GOZAR E SEGUIR APRENDENDO CONVOSCO. ANIMAMOS AOS VELLOS COÑECIDOS E RECIBIMOS AOS NOVOS CUNHA APERTA. SEE YOU SOON!

UN PAR DE CURTAS DIVERTIDAS

A PETICIÓN POPULAR, PAULO VEUSE NA OBRIGA DE PUBLICAR ALGO QUE NÓS NON CREAMOS. ESTAMOS A FINAL DE CURSO E QUEREMOS GOZAR DUNHAS BOAS PELIS. NUNHA, TENDES QUE FIXARVOS NO QUE FAI A NENA COA MOEDA QUE VAI TIRAR Á FONTE E, NOUTRA, MIRADE COMO TRATAN OS PAXAROS PEQUENOS AO GRANDE E O QUE LLES OCORRE AO FINAL. ENJOY!

FOLLETOS DIXITAIS DOS CONTOS DE CRONOPIOS

IMAXE: RAMÓN PARÍS LAGO.

IMAXE: RAMÓN PARÍS LAGO.

XA REMATAMOS, POR FIN, UN TRABALLO QUE COMEZOU ALÁ POLO MES DE ABRIL. PREPARABAMOS ALGO PARA O DÍA DO LIBRO E A AVENTURA CONTINUOU ATA O FINAL DE CURSO. RESUMIMOS AS PARTES DO PROCESO A TRAVÉS DUN FOLLETO DIXITAL EN ISUU. FIXÉMOLO PRIMEIRO EN SOPORTE PAPEL E LOGO ESCANEÁMOLO PARA SUBILO Á REDE. PREMEDE NAS IMAXES DE ARRIBA PARA ACCEDER AOS FOLLETOS. OLLO! NON SON SIMPLES PDF, SE NAVEGADES CO CURSOR A TRAVÉS DO DOCUMENTO PODEREDES ACCEDER AOS PASOS MÁIS IMPORTANTES.

O NOME PROPIO CO ROTULADOR CREATIVO

IMAXE: RAMÓN PARÍS LAGO.

ESTIVEMOS A VER ESTES DÍAS O CHULOS QUE QUEDARON OS TÍTULOS DOS CONTOS DE CRONOPIOS QUE ESCRIBIMOS CO ROTU CREATIVO DO NOTEBOOK. COMO NOS GUSTOU MOITO, QUIXEMOS SEGUIR E, POR ISO, PUXÉMONOS A ESCRIBIR O NOSO NOME CON ESTA FERRAMENTA.
BOTÁDELLE UN OLLO ÁS PAULOMOVIES ONDE SE VEN TODOS O NOMES QUE LEVAMOS ESCRITOS. PERO, OLLO, A ESTES VÍDEOS FÁLTALLE ALGO. A VER SE ADIVIÑADES O QUE É.

SOLES DE VICKY

LÚAS DE VICKY

SOLES DE M. JOSÉ

LÚAS DE M. JOSÉ

GRUPO 1 DE MAR

GRUPO 2 DE MAR (VENRES)

TÍTULO DO CONTO

IMAXE: RAMÓN PARÍS LAGO.

XA CASE TEMOS LISTO O FOLLETO DO CONTO DE CRONOPIOS QUE IMOS LEVAR Á CASA. AGORA ESTAMOS A ESCRIBIR O TÍTULO DO CONTO. PERO QUIXEMOS FACELO DUNHA MANEIRA CHULA: COS ROTULADORES CREATIVOS DO NOTEBOOK. PRACTICAMOS A GRAFÍA NO EDI E LOGO IMPRIMÍMOLA PARA VER COMO QUEDA E PEGALA NO FOLLETO. MIRADE QUE BEN ESTÁN A QUEDAR PREMENDO NA IMAXE.

LISTA DE REPRODUCIÓN CON TODOS OS CONTOS

IMAXE: RAMÓN PARÍS LAGO DESDE http://www.goear.com/

PARA FACILITAR A NAVEGACIÓN POLOS AUDIOS QUE GRAVAMOS NARRANDO OS CONTOS DE CRONOPIOS, ELABORAMOS UNHA PLAYLIST CON TODOS ELES. PREMEDE NA IMAXE E LEVARAVOS A ELA. O IDEAL TERÍA SIDO PODER ESCOITAR OS AUDIOS DESDE O NOSO BLOG. PERO, ESTA PLANTILLA DE BLOGGER NON DÁ PARA TANTO. :)

UNHA CANCIÓN PARA A GRANXA

O VINDEIRO LUNS, 19 DE MAIO, IMOS DE EXCURSIÓN A UNHA GRANXA QUE SE CHAMA A CASA DO QUEIXO. POIS PARA IRMOS SABENDO O NOME DALGÚNS DOS ANIMAIS QUE VIVEN ALÍ, CANTEMOS EN INGLÉS! PREME O VÍDEO E APRENDE OS ANIMAIS CON OLD McDONALD. DO BRITISH COUNCIL.

ILUSTRANDO O CONTO DE CRONOPIOS

IMAXE: RAMÓN PARÍS LAGO BASEADA EN http://pixabay.com/

ALGÚNS E ALGUNHAS DE VÓS XA SABEDES QUE ESTAMOS A COMPOÑER O CONTO DE CRONOPIOS EN SOPORTE PAPEL. DEBUXAMOS CADANSEU CRONOPIO NA PORTADA E AGORA ESTAMOS A COLOCAR POR ORDE OS CAPÍTULOS DA HISTORIA. TAREFA ESTA MOI DIFÍCIL E QUE IMOS FACENDO CON MOITO COIDADO.

ADEMAIS DISTO, NECESITAMOS, PARA ILUSTRAR OS CAPÍTULOS, UNS DEBUXOS DOS PERSONAXES, OBXECTOS E SITUACIÓNS QUE SE NARRAN NO CONTO. POR ISO, AGORA NA AULA EDI, ESTAMOS A DEBUXALOS TODOS XUNTOS COA FERRAMENTA WEB SCRIBBLERTOO, DA QUE XA TIÑAMOS UNHA LIGAZÓN EN AO QUE XOGAMOS. MIRADE QUE OBRAS DE ARTE PREMENDO AQUÍ.

AUDIOS DOS CONTOS DE CRONOPIOS

PARA FACILITAR O ACCESO DE TODOS E TODAS AO CONTO DOS CRONOPIOS QUE INVENTAMOS, GRAVÁMOLO CON AUDACITY PARA PODÉRMOLO ESCOITAR. AQUÍ TENDES TODOS OS AUDIOS E VERSIÓNS DO CONTO.

NORMAS DA AULA EDI: XA SABEMOS COMO SENTAR

IMAXE: RAMÓN PARÍS LAGO.

OCORRÉRONSENOS UNHA CHEA DE FOTOS DE NENOS E NENAS BEN E MAL SENTADOS NA AULA EDI. PERO, CLARO, ¿COMO DISTINGUIR QUEN SENTA MAL E QUEN O FAI BEN? POIS PUXÉMONOS A PENSAR E A CLASIFICAR. UTILIZAMOS NOTEBOOK PARA CREAR UN CARTEL ONDE SE PUIDESE SABER CLARAMENTE COMO TEMOS QUE ESTAR NA AULA DO EDI. AGORA ESE CARTEL ÍMOLO COLGAR NA PAREDE PARA LEMBRAR ESA NORMA.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

CONTO DE CRONOPIOS: O FINAL DOS DE MARÍA JOSÉ

IMAXE: RAMÓN PARÍS LAGO.

E AGORA TOCA O FINAL QUE IMAXINARON OS NENOS E NENAS DE MARÍA JOSÉ:

• LÚAS M. JOSÉ.
• SOLES M. JOSÉ.

OS CAPÍTULOS DESTE REMATE XA ESTÁN EN TWITTER:

CONTO DE #CRONOPIOS; CAP. 3. VERSIÓN DOS DE M. JOSÉ. ...PORQUE UNHA NAVE ESPACIAL OS COMERA A TODOS.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 3. (M. JOSÉ) ENTÓN, APARECEU UNHA BRUXA, QUE SAÍU POLA PORTA E MONTOU NA NAVE.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 4. (M. JOSÉ). LEVABA CONSIGO TODOS OS LIBROS. OS CRONOPIOS VIRON UNHA PORTA DE EMERXENCIA E ENTRARON NA NAVE.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C. 4. (M. JOSÉ). DENTRO, A BRUXA TIÑA UN AMIGO DINOSAURO PEQUENO QUE ERA MOI MALVADO.
— A TROPA DE PAULO (@TROPA_DE_PAULO) April 30, 2014

CONTO DE #CRONOPIOS; C4. (MJ). OS CRONOPIOS PEDIRON AXUDA E CHAMARON AOS BOMBEIROS E Á SÚA AVOA E METERON Á BRUXA E AO DINOSAURO NO CÁRCERE.
— A TROPA DE PAULO (@TROPA_DE_PAULO) April 30, 2014

E TAMÉN PODEDES CONSULTAR O CONTO ENTEIRO PREMENDO NA IMAXE OU AQUÍ.

CONTO DE CRONOPIOS: DOUS FINAIS DIFERENTES

IMAXE: RAMÓN PARÍS LAGO.

O QUE LEDES. PARA NON FACER MOI LONGO O CONTO, DECIDIMOS QUE A HISTORIA COMEZADA POLOS DA CLASE DE MAR TIVESE DOUS FINAIS: UN INVENTADO POLOS DE VICKY E OUTRO POLOS DE MARÍA JOSÉ. PERO, IMOS POR PARTES. PRIMEIRO PUBLICAREMOS UN FINAL E DESPOIS COLGAREMOS O OUTRO. SEGUINDO A ORDE NO HORARIO, OS QUE PRIMEIRO PENSARON UN FINAL PARA O CONTO FORON OS ALUMNOS E ALUMNAS DOS DOUS EQUIPOS DA CLASE DE VICKY.

• LÚAS VICKY.
• SOLES VICKY.

DESPOIS DE BOTARLLE UN OLLO AOS BORRADORES, O TEXTO FINAL QUEDOU ASÍ:

CONTO DE #CRONOPIOS; CAP. 3. VERSIÓN DOS DE VICKY. AGARDARON UN POUQUIÑO A QUE ABRISE.
— A TROPA DE PAULO (@TROPA_DE_PAULO) April 28, 2014

CONTO DE #CRONOPIOS; C. 3. (VICKY) PERO A PORTA NON ABRÍA E FORON A OUTRA TENDA, QUE SE CHAMABA MERCADO. E ESTA TENDA SI QUE ESTABA ABERTA.
— A TROPA DE PAULO (@TROPA_DE_PAULO) April 28, 2014

CONTO DE #CRONOPIOS; C. 4. (VICKY) MERCARON LIBROS E CONTOS E VOLVERON Á SÚA CASA. ALÍ, PUXÉRONSE A LER MOITOS CONTOS DE ALIENÍXENAS.
— A TROPA DE PAULO (@TROPA_DE_PAULO) April 28, 2014

PERMANECEDE ATENTOS AO BLOG. O FINAL DOS DE MARÍA JOSÉ EDITARASE DENTRO DUN POUCO.

CONTO DE CRONOPIOS: CAPÍTULO 2

IMAXE: RAMÓN PARÍS LAGO.

XA TEMOS O ESPERADO SEGUNDO CAPÍTULO DO CONTO. MIRADE O BORRADOR DAS IDEAS QUE FORON SAÍNDO:

• GRUPO 2 MAR.

E ESTES SON OS FRAGMENTOS EN TWITTER DO SEGUNDO CAPÍTULO:

CONTO DE #CRONOPIOS; CAP. 2. NON PODÍAN LER. TIÑAN QUE IR MERCAR LIBROS E FORON Á SÚA TENDA, QUE SE CHAMABA “MERCANCÍA”.
— A TROPA DE PAULO (@TROPA_DE_PAULO) abril 25, 2014

CONTO DE #CRONOPIOS; CAP. 2. A TENDA ERA MOI LONXE E, CANDO CHEGARON, ESTABA PECHADA E NON HABÍA CLIENTES...
— A TROPA DE PAULO (@TROPA_DE_PAULO) abril 25, 2014

SE O QUEREDES VER ENTEIRO, LEMBRADE QUE O PODEDES FACER NESTA TÁBOA. OU PREMENDO NA IMAXE DE ENRIBA.

CONTO DE CRONOPIOS: CAPÍTULO 1

IMAXE: RAMÓN PARÍS LAGO.

O MÉRCORES TOCOULLE ASISTIR AO GRUPO 1 DE MAR Á AULA EDI. ELES E ELAS ÍAN SER OS ENCARGADOS DE INVERTAR O PRIMEIRO ANACO DO CONTO: O COMEZO. ENTÓN, ESTIVEMOS FALANDO DO QUE ERA UN CRONOPIO E ELABORAMOS O PRIMEIRO BORRADOR. É ESTE: 

• GRUPO 1 MAR.

LOGO, ORGANIZÁMOLO UN POUCO. POR EXEMPLO, DECIDIMOS QUE O PROBLEMA AO QUE SE ENFRONTABAN ("NON TIÑAN LIBROS NIN CONTOS") FOSE AO FINAL DO TEXTO PARA QUE OS DEMAIS GRUPOS PENSASEN EN COMO RESOLVER ISO. AO FINAL QUEDOU REDACTADO DO SEGUINTE XEITO:

CONTO DE #CRONOPIOS; CAP. 1. OS CRONOPIOS TEÑEN 1 OLLO E VIAXAN NUNHA NAVE ESPECIAL. VEÑEN DO ESPAZO EXTERIOR. SON ALIENÍXENAS.
— A TROPA DE PAULO (@TROPA_DE_PAULO) abril 25, 2014

CONTO DE #CRONOPIOS; CAP. 1. UN DÍA, DECATÁRONSE DE QUE NON TIÑAN NIN LIBROS NIN CONTOS NA SÚA CASA...
— A TROPA DE PAULO (@TROPA_DE_PAULO) abril 25, 2014

ESTE VENRES SERÁN OS CATIVOS E CATIVAS DO GRUPO 2 DE MAR OS QUE DEBEN CONTINUAR ESTA HISTORIA. O VINDEIRO LUNS, TOCARALLES AS LÚAS E SOLES DE VICKY E AS LÚAS E SOLES DE MARÍA JOSÉ. TO BE CONTINUED.

PARA IR VENDO OS CAPÍTULOS DO CONTO, PREME AQUÍ OU NO NOSO NOVO TWITTER.

O XOGO DA SEMANA: ¿CRONOPIOS OU VEDOQUES?

IMAXE: http://www.vedoque.com/

COMO NÓS PENSAMOS QUE OS CRONOPIOS TEÑEN ALGO DE EXTRATERRESTRES, BUSCAMOS UN XOGO ONDE APAREZAN ALGÚNS. E, MIRADE, OS VEDOQUES SON MOI SIMILARES AOS CRONOPIOS.

PREMEDE NA IMAXE PARA XOGAR (OU IDE AO QUE XOGAMOS).

DÍA DO LIBRO: CREAMOS UN CONTO ENTRE TODOS E TODAS

IMAXE: PROYECTO VIVA LEER.

ACHÉGASE O DÍA DO LIBRO E NÓS TAMÉN O QUEREMOS CELEBRAR. PERO DESTA VOLTA NON IMOS LER NINGÚN CONTO, NON. IMOS INVENTALO! SI, CREAREMOS UNHA HISTORIA ENTRE TODOS OS GRUPOS DO EDI. CADA VEZ QUE VEÑA UN EQUIPO, TERÁ QUE INVENTAR UN ANACO E ASÍ, POUCO E POUCO, IREMOS CONSTRUÍNDO O NOSO PROPIO CONTO.

E COMO PARA COMEZAR A HISTORIA NECESITABAMOS UNS PERSONAXES, AÍ VAN ESTES: OS CRONOPIOS. SON UNS PERSONAXES QUE INVENTOU O ESCRITOR JULIO CORTÁZAR E QUE NÓS IMOS PEDIRLLE EMPRESTADO. JULIO CORTÁZAR ERA UN ESCRITOR ARXENTINO QUE NACEU NUN LUGAR CHAMADO BRUXELAS HAI 100 ANOS. 

CORO DE COCORICO

IMAXE: OQO EDITORA.

O OUTRO DÍA, UN COMENTARIO PUBLICADO N'A TROPA PEDÍANOS ESCOITAR AS NOSAS VOCES INTERPRETANDO A CANCIÓN DE COCORICO. DESPOIS DE LELO, COMEZAMOS A DARLLE VOLTAS:
—POIS CANTAMOS E QUE NOS ESCOITE —DICÍA ALGÚN.
—PERO, CLARO, COMO NOS VAI ESCOITAR DESDE A SÚA CASA SE NÓS CANTAMOS AQUÍ? —ACLARABA OUTRA.
—HAI QUE CANTAR MOI FORTE PARA QUE NOS OIA.
—PODEMOS GRAVALO COS CASCOS.
—E SUBILO Á TROPA DE PAULO.
ESTES E MOITOS COMENTARIOS XURDIRON EN TODOS OS EQUIPOS: NAS LÚAS, NOS SOLES... E, AO FINAL, PUXÉMONOS MANS Á OBRA. ENSAIAMOS UN PAR DE VECES E, COMO ESTABA MOI BEN APRENDIDO O CORO, XA GRAVAMOS DIRECTAMENTE.
ISTO FOI O QUE SAIU.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

NORMAS DA AULA EDI: COMO HAI QUE SENTAR?

AUTOR: RAMÓN PARÍS LAGO.

NORMALMENTE, TODOS OS NENOS E NENAS ESTÁN MOI ATENTOS NA CLASE DO EDI. PERO ÁS VECES ESQUÉCENSE DE COMO HAI QUE UTILIZALA.

POR ISO, ESTAMOS A FACER ESTA SEMANA MOITAS FOTOS PARA RECORDAR AS NORMAS DE USO. COMEZAMOS POR AQUELA NORMA QUE FALA SOBRE COMO SENTAR.

AQUÍ IMOS IR COLGANDO AS FOTOS QUE DESPOIS CLASIFICAREMOS EN "BEN SENTADOS" OU "MAL SENTADOS" PARA LOGO CREAR CARTEIS QUE POREMOS NA AULA E N´A TROPA.

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

O NOSO GLOGSTER NA REVISTA DO COLE

AUTOR: RAMÓN PARÍS LAGO, TOMADA DE http://ejournal.eduprojects.net/CEIPpardobazan/

BEN. COMO SODES XENTIÑA QUE VISITA MOITO A REVISTA DIXITAL DO NOSO COLEXIO, SEGURO QUE XA VÍCHEDES O ARTIGO DO NOSO GLOGSTER SOBRE COCORICO. POIS SUCEDE QUE, DESDE QUE O PUBLICAMOS, O GLOGSTER FOISE COMPLETANDO: ENGADIMOS OS NOMES DOS PERSONAXES, ALGÚNS VÍDEOS E MESMO UN AUDIO CON GATO PELADO MIAÑANDO. GRR! QUE MEDIÑO! PREMEDE NA IMAXE PARA VER O ARTIGO E, DE PASO, IR AO GLOGSTER PARA VER AS NOVIDADES.

COCORICO: CANCIÓN, CONTO NARRADO E TRÁILER DA PELI

AUTOR: RAMÓN PARÍS LAGO, TOMADA DE http://vimeo.com/

AUTOR: RAMÓN PARÍS LAGO, TOMADA DE https://www.youtube.com/

AUTOR: RAMÓN PARÍS LAGO, TOMADA DE https://www.youtube.com/

VEÑA, MÁIS COUSAS SOBRE COCORICO! ESTAS NON AS FIXEMOS NÓS PERO QUEREMOS VER OS 3 VÍDEOS IGUALMENTE. UN VÍDEO CONTÉN A CANCIÓN DE COCORICO (SI, SI, A QUE ESCOITABAMOS Á ENTRADA HAI UNHAS SEMANAS). OUTRO VÍDEO É O CONTO NARRADO POR UNS NENOS E NENAS. E O ÚLTIMO É UN TRÁILER DUNHA PELI DE ANIMACIÓN SOBRE COCORICO.

XOGO DE COCORICOS

AUTOR: RAMÓN PARÍS LAGO, TOMADA DE http://www.vedoque.com/

AÍ VAI O XOGO DESTA SEMANA. XA QUE ESTAMOS A LER O LIBRO DE COCORICO, O XOGO DEBÍA TER PITIÑOS. E ISO É O QUE TEN: MOITOS PITIÑOS E DE MOITAS CORES. BUSCÁDEO TAMÉN EN AO QUE XOGAMOS.

GLOGSTER DE COCORICO

AUTOR: RAMÓN PARÍS LAGO UTILIZANDO UNHA IMAXE DE OQO Editora.

XA TEMOS SUBIDAS AS NOSAS VOCES AO GLOGSTER DE COCORICO. SE QUEREDES SABER COMO SE CHAMAN TODAS AS LETRAS DO NOME DE COCORICO, SÓ TENDES QUE PREMER NOS CADRADOS CUN TRIÁNGULO DENTRO QUE HAI DEBAIXO DELAS.

O GLOGSTER NON É ALGO REMATADO PORQUE, AO MELLOR, AO LONGO DESTES DÍAS OCÓRRENSENOS COUSAS QUE LLE PODEMOS ENGADIR.

GRAVAMOS AS LETRAS DE COCORICO

AUTOR: RAMÓN PARÍS LAGO.

ESTIVEMOS COMPOÑENDO O TÍTULO DO LIBRO ESPECIAL. FIXÉMOLO TANTO EN PAPEL COMA EN SOPORTE INFORMÁTICO.
NAS NOSAS CLASES, PEGAMOS, UNHA A UNHA, AS LETRAS DO AMIGO COCORICO NO PAPEL.
E NA AULA EDI, EN PRIMEIRO LUGAR, COLOCAMOS CON NOTEBOOK AS LETRAS DO SEU NOME PARA UTILIZALAS COMO GUIÓN NAS GRAVACIÓNS. EN SEGUNDO, FOMOS GRAVANDO EN AUDACITY TODAS AS LETRAS COAS NOSAS VOCES. E EN TERCEIRO, CADA VEZ QUE DICIAMOS UNHA LETRA E QUEDABA BEN REXISTRADA, RODEÁBAMOLA CO ROTULADOR DIXITAL. ASÍ:

• SOLES VICKY.
• LÚAS VICKY.
• GRUPO 1 MAR.
• GRUPO 2 MAR.
• SOLES M. JOSÉ.
• LÚAS M. JOSÉ.

CON TODO ESTE MATERIAL CREAREMOS UN GLOG ESTUPENDO NO QUE, CADA VEZ QUE SE PREMA A LETRA DO CONTO DE COCORICO, SE ESCOITE A NOSA VOZ DICÍNDOA. O GLOG ESTÁ AÍNDA NO TALLER. 

A SRA. LINGUA IMITA A COCORICO

AUTOR: RAMÓN PARÍS LAGO BASEÁNDOSE NA ROLLING STONES TONGUE LOGO.

A SEÑORA LINGUA ENTROU ONTE NO NOSO BLOG E VIU QUE O LIBRO ESPECIAL ERA COCORICO. A NOSA AMIGA COÑECE MOI BEN A COCORICO ATA O PUNTO DE QUE O IMITA MOI BEN. QUEREDES QUE VOS APRENDA? POIS É MOI SINXELO.

VEÑA, IMOS IMITAR O SEU PETEIRO. PARA ISO TEMOS QUE PECHAR A BOCA E LOGO ENCOLLELA ATRAPANDO OS POTES COS DENTES. ISO, ISO. QUEDAMOS SEN BOCHECHAS PERO GAÑAMOS UN PETEIRO.

NOVO LIBRO ESPECIAL EN MARZO

FONTE: OQO Editora.

ACHÉGASE A PRIMAVERA, TEMPO DE POESÍA, E NÓS IMOS PREPARÁNDONOS PARA ELA CUNHYA FERMOSA HISTORIA CONTADA EN VERSO. COCORICO TRATA SOBRE O QUE LLE OCORREU A UN PITIÑO UN UN DÍA QUE SE ATOPOU CO GATO PELADO. SEGURO QUE VOS VAI GUSTAR.

UN XOGO DE MEMORIA

AUTOR: RAMÓN PARÍS LAGO, TOMADA DE http://www.rif.org.

O XOGO QUE ESTAMOS A PRACTICAR ESTES DÍAS CHÁMASE MEMORY. PARA COMEZAR, FACÉMOLO SÓ CON 6 CARTAS. É MOI SINXELO. ATOPARÉDELO EN AO QUE XOGAMOS NA LIGAZÓN NA QUE APARECEN UN PELÍCANO E UNHA RA. ENJOY.

AUDIOS DOS AUTORES DE "A ESCALEIRA"

ESTIVEMOS TODA ESTA SEMANA CURRANDO NA GRAVACIÓN DAS NOSAS VOCES CON AUDACITY. QUERIAMOS QUE, CANDO FÓSEMOS AO GLOG, E PREMÉSEMOS NAS FOTOS DOS AUTORES DO CONTO, SE NOS ESCOITARA DICÍNDOOS. BOTÁDELLE UN OLLO AO RESULTADO. AS VOCES SOAN DIFERENTES, NON SI?

OS AUTORES DO LIBRO ESPECIAL

SEGUIMOS SABENDO MÁIS COUSAS DO LIBRO ESPECIAL. XA LLE PUXEMOS O TÍTULO NUN CARTEL, XA O APRENDEMOS CASE DE MEMORIA, VIMOS UNHA PELI BASEADA NO CONTO E AGORA QUEREMOS SABER QUEN SON OS SEUS AUTORES. PARA ISO, IMOS CREAR UN GLOG ONDE IMOS PUBLICAR AS SÚAS FOTOS E IMOS GRAVAR UN AUDIO COS SEUS NOMES. COMO É HABITUAL, PARA GRAVARNOS USAREMOS O PROGRAMA AUDACITY DISPOÑIBLE EN O QUE BAIXAMOS. COMO SEMPRE NOS FAI MOITA GRAZA DISTORSIONAR A NOSA VOZ, NESTA OCASIÓN NON VAI SER MENOS. POR ISO, AO MELLOR, CANDO PREMADES EN PLAY PARA ESCOITARDES OS NOMES DOS AUTORES, OS QUE FALAN NON SOMOS NÓS SENÓN UN XIGANTES OU UNS PITUFOS. :)