MAGOSTO/SAMAÍN

ESTIVEMOS ESTA SEMANA FALANDO MOITO DO SAMAÍN. LEMOS ALGÚN LIBROS SOBRE O TEMA.

IMAXE: ED. OCÉANO.

IMAXE: KALANDRAKA.

A TRAVÉS DO PRIMEIRO LIBRO ESTIVEMOS A COMPOÑER A CARA DO HORRIBLE MONSTRO VERDE NO RECANTO DE PLÁSTICA. CON TODAS AS CARAS DECORAMOS TERRORIFICAMENTE A ENTRADA DO COLEXIO.

ESTE XOVES DEDICÁMOLO A CELEBRAR O MAGOSTO. PRIMEIRO, FOMOS BOTARLLES UN OLLO ÁS CABAZAS EXPOSTAS NOS CORREDORES. A MÚSICA SOABA A MISTERIO E A LUZ BRILLABA TENUE.

IMAXE: RAMÓN PARÍS LAGO.

DESPOIS ACUDIMOS AO PATIO CUBERTO (FÓRA CHOVIA A CHUZOS) E VISITAMOS COS NOSOS CESTOS COLGADOS NO COLO AO CASTAÑEIRO.

IMAXE: RAMÓN PARÍS LAGO.

FINALMENTE, SENTAMOS NOS BANCOS DO XIMNASIO E (ALGÚNS SOBRE TODO) INCHARON A CASTAÑAS.

IMAXE: RAMÓN PARÍS LAGO.

O HORRIBLE MONSTRO VERDE E A SÚA CARA

IMAXE: ED. OCÉANO.

A SEMANA QUE VÉN, NO RECANTO DE PLÁSTICA IMOS IMITAR A UN ARTISTA. SERÁ UN ESCRITOR E ILUSTRADOR DE CONTOS: ED EMBERLY, E O SEU LIBRO ¡FUERA DE AQUÍ, HORRIBLE MONSTRUO VERDE! ESCOLLÉMOLO PORQUE, COMO SE ACHEGA O SAMAÍN (E A SÚA VERSIÓN ESTADOUNIDENSE DO HALLOWEEN), QUIXEMOS BUSCAR ALGO RELACIONADO COS MEDOS E COMO VENCELOS. NESTE CASO CONSEGUÍMOLO MEDIANTE A EXPRESIÓN: ¡FUERA DE AQUÍ!

IMOS TRATAR, POIS, DE COMPOÑER A CARA DESE HORRIBLE MONSTRO VERDE TAL E COMO ED EMBERLY VAI FACENDO A MEDIDA QUE TRANSCORRE O LIBRO. LEMBRADE, PRIMEIRO VANSE MOSTRANDO TODAS ELAS E, LOGO, AS NOSAS PALABRAS FANAS DESAPARECER POUCO E POUCO.

PARA MONTAR A NOSA CARA USAREMOS OS MATERIAIS MÁIS PARECIDOS AOS QUE USA ED NO SEU LIBRO: CARTOLINA OU PAPEL CHARÓN.

PRIMEIRA NORMA DE CONVIVENCIA DA AULA

IMAXE: RAMÓN PARÍS LAGO.

NUN ARTIGO DO CURSO PASADO, AFIRMABAMOS QUE AS NORMAS, SE SON SUFICIENTES PARA MANTER UN BO AMBIENTE, CANTAS MENOS, MELLOR. E ESTE ANO IMOS SEGUIR IGUAL: CONSENSUANDO NORMAS DE CONVIVENCIA PARA CONSEGUIR ENTRE TODOS E TODAS UN CLIMA DE RESPECTO E APRENDIZAXE FAVORABLE.

A PRIMEIRA NORMA FACIASE NECESARIA. CANDO FORMAMOS UNHA ASEMBLEA, NON PARABAMOS DE FALAR UNS ENRIBA DE OUTROS E NUN TON MOI ALTO. POR ISO, DESPOIS DE CONVERSAR UN POUQUIÑO, DECIDIMOS INSISTIR DÍA A DÍA NA MELLOR FORMA DE COMUNICARSE: QUE UN FALE TRANQUILAMENTE E OUTRO LLE ESCOITE CON ATENCIÓN. SACAMOS UNHA FOTO PARA REPRESENTALA E XA TEMOS UN CARTELIÑO NA AULA PARA LEMBRALO. E AGORA PUBLICÁMOLO TAMÉN AQUÍ. FIXÁDEVOS NO MENÚ DA DEREITA. ALÍ TAMÉN SE PODE VER.

CELEBRAMOS ALGÚNS ANIVERSARIOS

IMAXE: RAMÓN PARÍS LAGO.

TODOS OS DÍAS, UNHA DAS RUTINAS DA ASEMBLEA CONSISTE EN RISCAR NO CALENDARIO OS DÍAS QUE VAN PASANDO. ÁS VECES, ATOPÁMONOS QUE, ENRIBA DO NÚMERO DO DÍA, HAI ALGO ESCRITO POR RAMÓN. QUE SERÁ? SE PENSADES QUE ESTÁ ANOTADO O NOME DO NENO OU NENA QUE CUMPRE ANOS ESE DÍA, ACERTÁCHEDES. NESTAS SEMANAS, COINCIDIU QUE TIÑAMOS QUE CELEBRAR OS ANIVERSARIOS DE AINARA E LEIRE E, POR ISO, NOS TROUXERON CADANSEU BISCOITO. YUMMY, YUMMY!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

PD: ALGUÉN PREGUNTOU QUE ERA ISO DAS CORES DOS DÍAS. POIS BEN, AQUÍ VOS VAI UNHA LIGAZÓN CO CÓDIGO DE CORES QUE USAMOS NA AULA PARA DIFERENCIAR OS DÍAS DA SEMANA (E A CANCIÓN COA QUE OS MEMORIZAMOS, QUE TAMÉN A PODEDES VER O QUE CANTAMOS).
*NOTA DO 05/11/2015: ESTE CÓDIGO DE CORES FOI MODIFICADO. CONTÁMOVOLO NESTE ARTIGO.

COUSAS QUE NOS GUSTAN

IMAXE: CANAL LECTOR.

A ORGANIZACIÓN DA CLASE AÍNDA É MOI FLEXIBLE. CALQUERA PODE IR AO RECANTO QUE QUEIRA E CANDO QUEIRA. NON OBSTANTE, ESTAMOS COMEZANDO A UTILIZAR OS RECANTOS DUNHA FORMA SIMILAR A COMO O FAREMOS AO LONGO DO CURSO. 

EN EFECTO, CADA DÍA UN GRUPO DE CINCO NENOS E NENAS ESTÁN A ACUDIR AO RECANTO DA BIBLIOTECA PARA REALIZAREN UNHA TAREFA ESPECÍFICA. NA EDUCACIÓN INFANTIL, UNHA TAREFA NON SIGNIFICA NECESARIAMENTE UNHA FICHA, COMO MOITA XENTE CRE. ÁS VECES, UN PEQUENO DIÁLOGO SOBRE UN TEMA CONCRETO PODE SER DUNHA GRAN UTILIDADE.

E NISO ESTAMOS AGORA. CONTAMOS CUN LIBRO ESPECIAL (LEMBRADE QUE NESTE COMEZO DE CURSO TODAS AS CLASES DE INFANTIL DO COLEXIO ESTÁN A COÑECER MÁIS SOBRE O AUTOR ANTHONY BROWNE): COSAS QUE ME GUSTAN. ESTE LIBRO PERMÍTENOS CONTAR AS COUSAS QUE MÁIS NOS GUSTA FACER.

O PERÍODO DE ADAPTACIÓN

IMAXE: RAMÓN PARÍS LAGO.

COMO BEN SABEDES, O MES DE SETEMBRO NO 4º NIVEL DE INFANTIL DEDÍCASE AO PERÍODO DE ADAPTACIÓN. ESTAS DÚAS SEMANAS OS RAPACES E RAPAZAS ESTÁNSE A ESFORZAR POR ASIMILAR UN NOVO ESPAZO: O COLEXIO DE MAIORES. 

IMAXE: ISUU.

NESTES DÍAS, APRENDEN A ACUDIREN SÓS AO BAÑO, A XOGAREN NOS RECANTOS DE ACTIVIDADE DA AULA, A RELACIONÁRENSE CUNS NOVOS AMIGOS E AMIGAS, A ESCOITAREN CONTOS, A INTERPRETAREN CANCIÓNS... 

IMAXES: RAMÓN PARÍS LAGO.

TODO LLES RESULTA NOVIDOSO E AFACERSE A TODAS ESAS SITUACIÓNS NON É DOADO. POR ISO, DEBEMOS FELICITALOS POLO BEN QUE SE ESTÁN TOMANDO ESTA NOVA AVENTURA.

BENVIDOS E BENVIDAS A UN NOVO CURSO!

IMAXE: WIKIPEDIA.

NOVO ANO, CLASE NOVA. ESTE CURSO, O BLOG VAISE CENTRAR NA AULA DE 4º DE INFANTIL DO CEIP DE PRÁCTICAS DE A CORUÑA. COMO TODOS OS ANOS, COMEZAMOS COS MELLORES DESEXOS PARA TODOS E TODAS. ADIANTE!

PD: COMENTAMOS NA REUNIÓN COAS FAMILIAS QUE NON NOS QUEDARA NADA NO TINTEIRO. EN REALIDADE SI: DÚAS.

• LEMBRADE MANDARLLE CALZADO CON VELCRO (EVITADE OS CORDÓNS).
• SE AÍNDA ESTADES A TEMPO PORQUE NON MERCASTES O MATERIAL, SE NON TENDES INCONVENIENTE, NO CANTO DE MERCAR A PLASTILINA QUE VOS INDICAMOS NA CIRCULAR, ADQUIRIDE UN BOTE DE Soft Dough BLANDIVER. NON IMPORTA A COR.

RECOLLEITA (PARTE 2)

IMAXE: RAMÓN PARÍS LAGO.

CONTABÁMOSVOS O OUTRO DÍA QUE ACUDIMOS Á HORTA A COLLETAR O SEMENTADO. TROUXEMOS CEBOLIÑOS, ALLOS, CHÍCHAROS E FABAS.

AO DÍA SEGUINTE, ESTIVEMOS TOCÁNDOOS.

ARRECENDÉNDOOS.

E MESMO PROBÁNDOOS (OS ALLOS PICAN; É O QUE TEÑEN!).

LOGO, DEIXÁMOLOS NUNHA CAIXA PARA VER QUE OCORRÍA CO PASO DO TEMPO E DECATÁMONOS DE QUE PODRECEN, COMO O CEBOLIÑOS, E ENDURÉCENSE, COMA OS CHÍCHAROS.

POR ÚLTIMO, O VENRES O MESTRE MANU COMENTOUNOS QUE TIÑAMOS NA NOSA HORTA UNHA CHEA DE AMORODOS VERMELLOS QUE, SE NON COLLEITABAMOS XA, PODERÍA VIR ALGÚN PAXARIÑO E COMELOS. POR ISO, CORREMOS LIXEIROS ATA A HORTA E ARRINCÁMOLOS. LOGO, NA CLASE, QUE PENSADES QUE FIXEMOS: MIRAR PARA ELES? HA, HA! POIS SI, PERO Á PARTE DISO TAMÉN OS ULIMOS E, POR SUPOSTO, SABOREAMOS. COMPROBAMOS QUE DESPRENDEN UN SABOR MOI ACEDO.

IMAXES: RAMÓN PARÍS LAGO.

ANIVERSARIOS NOVOS

IMAXE: RAMÓN PARÍS LAGO.

MAÑÁ CUMPRE ANOS A NOSA AMIGA DANIELA. ENTRA NO CLUB DOS 4, IGUAL FIXO QUE JORGE HAI UNS DÍAS E QUE NON NOS DEU TEMPO DE REFLECTILO AQUÍ. POIS AÍ VAI A NOSA HUMILDE HOMENAXE.

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

RECOLLEITA (PARTE 1)

IMAXE: RAMÓN PARÍS LAGO.

ONTE FOMOS Á HORTA RECOLLER UNS CANTOS PRODUTOS. IMOS POR PARTES. PRIMEIRO, FOMOS Á HORTA.

LOGO, NA ASEMBLEA, ESTIVEMOS A MANIPULAR E ARRECENDER TODO O RECOLLIDO. CEBOLIÑOS (CANDO OS RECOLLEMOS NA HORTA, PENSABAMOS QUE ÍAN SAÍR CEBOLAS; VAIA SORPRESA!)

ALLOS (AÍNDA SON PEQUENOS, ACORDAMOS).

RAVO (EN CASTELÁN, RÁBANO). PARECE UN AMORODO PERO NACE DEBAIXO DA TERRA.

E ABRIMOS OS CHÍCHAROS E AS FABAS.

IMAXES: RAMÓN PARÍS LAGO.

HORTA A PUNTO

IMAXE: RAMÓN PARÍS LAGO.

OS FROITOS DA HORTA ESTÁN CASE PARA RECOLLÉRENSE. ESTA SEMANA ACUDIMOS VARIAS VECES AO NOSO MINIFUNDIO PARA ARRINCAR MALAS HERBAS, REGAR AS BOAS E COMPROBAR COMO ESTAS ÍAN MEDRANDO. É SORPRENDENTE A CANTIDADE DE, POR EXEMPLO, AMORODOS QUE PRENDERON (A VER SE NON DESAPARECEN COMO HAI DÚAS SEMANAS).

IMAXE: RAMÓN PARÍS LAGO.

DE NOVO, UN CONTACONTOS NA BIBLIO

IMAXE: RAMÓN PARÍS LAGO.

HOXE, VOLVEU VISITARNOS UN CONTACONTOS. DESTA VOLTA NARROUNOS A HISTORIA DUNHA PRINCESA QUE NON TIÑA CON QUEN IR AO BAILE.

IMAXE: RAMÓN PARÍS LAGO.

ESTAMPADO DO VESTIDO DE DONA ELVIRA (PARTE 2)

IMAXE: RAMÓN PARÍS LAGO.

XA TEMOS EXPOSTO NO CORREDOR O RESULTADO DA ANÁLISE DO VESTIDO DE DONA ELVIRA. AO FINAL, DEBUXÁMOSLLE FLORES. COMO VEDES, ALGÚNS NENOS E NENAS VÍANAS NEGRAS E OUTROS, GRISES.

IMAXES: RAMÓN PARÍS LAGO.

DÍA DAS LETRAS GALEGAS

IMAXE: RAMÓN PARÍS LAGO.

O PASADO VENRES CELEBRAMOS O DÍA DAS LETRAS GALEGAS. TIÑAMOS APRENDIDA A CANCIÓN NON CASES CUN FERREIRO, CON COREOGRAFÍA E TODO. E ALÁ FOMOS, AO PAVILLÓN. 

POLA NOSA PARTICIPACIÓN NA REVISTA DO COLEXIO, O OUTEIRIÑO, AGASALLÁRONNOS CUN LIBRO.

IMAXES: RAMÓN PARÍS LAGO.

UN AMORODO VERMELLO!

IMAXE: RAMÓN PARÍS LAGO.

FIXEMOS UNHA PEQUENA LIMPEZA NA HORATA. SEMELLABA UNHA SELVA. PLANTAMOS MOITAS SEMENTES E, CLARO, AO FINAL MEDRAN. AS PLANTAS MOLESTÁBANSE E TIVEMOS QUE ARRINCAR ALGUNHAS. 

COMO NON HAI MAL QUE POR BEN NON VEÑA, PUIDEMOS VER O CHÍCHAROS E OS FABALLÓNS QUE CORTAMOS. ESTABÁN AÍNDA MOI PEQUENOS E NON CREMOS QUE SE PUIDERAN COMER. 

DE PASO, AO CHEGARMOS Á HORTA, DESCUBRIMOS ALGO INCRIBLE: XA NACEU UN AMORODO VERMELLO!