OS NOSOS CONTOS DE CRONOPIOS

O CRONOPIO NÚMERO 4 OBTIVO 22 VOTOS

ALGUNHAS AULAS, PARTINDO DO CRONOPIO GAÑADOR NA VOTACIÓN, XA IMAXINARON A SÚA MINI-HISTORIA. AQUÍ ESTÁN:

CLASE DE ÁNGELES

O CRONOPIO ESTABA CONTENTO PORQUE VIVÍA NUNHA CASA NORMAL: TIÑA LIBROS, UN BALÓN, XOGUETES, UN BEBÉ, MOITOS LAPIS E UNHA PISTOLA. UN DÍA PÚXOSE A CHORAR. NON PODÍA XOGAR PORQUE ERA DE NOITE E TIÑA QUE IR PARA A CAMA.

CLASE DE PATRICIA

O CRONOPIO ESTABA ENFADADO PORQUE NON O EMPUXABAN NO BAMBÁN. DE SÚPETO, CAEU DE CABEZA E, CO GOLPE, DOBROU AS ANTENAS. FÍXOSE UNHA PUPA NUNHA DAS SÚAS CATRO PERNAS.
QUE PODERÍA FACER?
GAIA, QUE ERA DOUTORA E SABÍA CURAR, MIROULLE O CORAZÓN E TAPOULLE A FERIDA CUNHA TIRITA. E AÍ A TIVO ATA QUE LLE CUROU.

CLASE DE BEA

O CRONOPIO NÚMERO 4 VIVÍA NA LÚA. ENCANTÁBALLE XOGAR COS SEUS AMIGOS AO ESCONDITE. PERO, UN DÍA, NINGUÉN O ATOPABA. BUSCARON NA CASA, NO PARQUE, NA HERBA, POLA RÚA... PERO NON APARECÍA. ENTÓN, UN CRONOPIO BUSCOU POR EL NO XARDÍN E ALÍ ESTABA.

CLASE DE IRENE

O CRONOPIO NÚMERO 4 VIVÍA NO ESPAZO. UN DÍA, CHEGOU UNHA BRUXA. TRAIA NAS SÚAS MANS MOOOITO DIÑEIRO. ROUBÁRAO NUN CAIXEIRO E QUERÍALLE MERCAR UN LIBRO MOOOI IMPORTANTE AO CRONOPIO. ESE DIÑEIRO ROUBÁCHELO, BERROU O CRONOPIO. NON CHE VENDEREI O LIBRO! A BRUXA, SORPRENDIDA E ENFADADA, MARCHOU VOANDO AO SEU CASTELO.

CLASE DE PILI

O CRONOPIO NÚMERO 4 VIVÍA NA CORUÑA. GUSTÁBALLE DESORDENAR OS XOGOS. UN DÍA, DEUSE DE CONTA DE QUE DESTROZAR ERA MOI FEO PORQUE ESVAROU CUN COCHE DE XOGUETE CANDO ESTABA XOGANDO CON OUTRO CRONOPIO AO BALÓN. A PELOTA SAIU DISPARADA E ROMPEU O CRISTAL ONDE UN SEÑOR ESTABA TRABALLANDO. O CRONOPIO FÍXOSE UNHA PUPA NA CABEZA. TIVERON QUE CHAMAR A AMBULANCIA QUE LEVOU O CRONOPIO NÚMERO 4 AO MÉDICO. CANDO SE RECUPEROU, VOLVEU AO PARQUE,  ARRANXOULLE O CRISTAL AO SEÑOR E PEDIUILLE PERDÓN.

CLASE DE MARÍA

O NOSO CRONOPIO VIVÍA NA CASA DA ÁRBORE. UN DÍA, FOISE DE ALÍ PORQUE SE ABURRÍA. ATOUPOU OUTRO CRONOPIO, QUE ESTABA EN PERIGO. UN LOBO ESTÁBAO A PERSEGUIR. OS DOUS CORRERON DE NOVO PARA A CASA DA ÁRBORE, ENTRARON E PECHARON A PORTA. O LOBO SOPROU MOI FORTE PARA DERRUBAR A CASA PERO NON PUIDO. ENTÓN, DISFRAZOUSE DE CRONOPIO E CHAMOU Á PORTA, PERO ELES DESCUBRÍRONO. O TRAXE LLE QUEDABA PEQUENO E VÍANSELLE OS PELOS. FINALMENTE, DISFRAZOUSE DE CASTOR, FOI ROENDO A CASA ATA QUE A TIROU TODA ABAIXO. TODA? NON, TODA NON. DEIXOU O TELLADO EN PÉ ONDE OS CRONOPIOS QUEDARON PARA SEMPRE.

VOTANDO CRONOPIOS

POIS BEN, XA FALAMOS NAS SEIS AULAS DE JULIO CORTÁZAR E OS SEUS CRONOPIOS. ESTIVEMOS IMAXINANDO COMO PODERÍAN SER SEGUNDO A DESCRICIÓN QUE EL REALIZOU. AGORA, TOCA VOTAR. DEBEMOS ELIXIR PREMENDO NA IMAXE DE ARRIBA CAL OU CALES NOS GUSTAN MÁIS PARA LOGO TER UN CRONOPIO CO QUE INVENTAR OS NOSOS CONTOS. VEÑA, ÁNIMO, A VOTAR!

LIBROS QUE CORREN

ESTA SEMANA EN PSICOMOTRICIDADE, O DÍA DO LIBRO ESTARÁ PRESENTE:

• QUECEMENTO: NO CHAN FAREMOS A FORMA DUN LIBRO COS CONOS. CORREREMOS ARREDOR DEL QUENTANDO PERNAS E BRAZOS (ABRÍNDOOS E PECHÁNDOOS COMO SE FOSEN AS PÁXINAS DUN LIBRO).
• XOGOS ESPACIAIS: FAREMOS VARIOS EQUIPOS, IDENTIFICADOS POLO DEBUXO DUN LIBRO, E COLOCADOS EN DIFERENTES LUGARES DO GRAN LIBRO, FAREMOS CARREIRA DE RELEVOS. O TESTEMUÑO SERÁ, A VER SE O ADIVIÑADES... UN LIBRO.
• XOGOS CORPORAIS: LEVAREMOS O LIBRO EN DIFERENTES PARTES DO CORPO.
• XOGOS TEMPORAIS: PENSAREMOS ONDE LEVAMOS PRIMEIRO O LIBRO TESTEMUÑO, ONDE DESPOIS...
• RELAX: FORMAREMOS UN LIBRO DE XENTE TRANQUILIÑA NO CHAN.

DÍA DO LIBRO: NOVO CONTO DE CRONOPIOS

IMAXE: FOROS DZ.

HAI TRES ANOS, COS NENOS E NENAS DO CEIP EMILIA PARDO BAZÁN, ELABORAMOS UN CONTO CONXUNTO SOBRE UNS PERSONAXES CHAMADOS CRONOPIOS. ESTE É O PRIMEIRO E ESTE O SEGUNDO. O ALUMNADO DO CEIP ALBORADA FIXO O MESMO O CURSO 2016-2017. QUERIAMOS CELEBRAR O DÍA DO LIBRO E, AGORA, ESTASE ACHEGANDO.
QUE SON OS CRONOPIOS? O SEU CREADOR, JULIO CORTÁZAR, EXPLÍCANOLO AQUÍ. PERO, COMO AO MELLOR NOS RESULTA UN CHISCO DIFÍCIL DE ENTENDER, VELAQUÍ A DESCRICIÓN QUE FIXO DELES O PROPIO JULIO:

LOS CRONOPIOS SON UNOS OBJETOS VERDES Y HÚMEDOS, SON UNOS SERES DESORDENADOS Y TÍMIDOS.

CON ESTA DEFINICIÓN, ENTRE TODOS E TODAS IMOS IMAXINAR O ASPECTO QUE TERÍAN E TRATARÉMOLO DE DEBUXAR NA CLASE. PUBLICAREMOS ESES BOSQUEXOS DE CRONOPIO NO BLOG, VOTAREMOS O QUE MÁIS NOS GUSTE E, LOGO, INVENTAREMOS UN CONTO CONXUNTO. CONTINUARÁ.

O TREN DA PRIMAVERA

NAS CLASES DE PSICOMOTRICIDADE DESTA SEMANA IMOS DAR A BENVIDA Á PRIMAVERA:

• QUECEMENTO: IMOS MOVERNOS LIBREMENTE POLA CLASE E, Á ORDE DO MESTRE, FORMAREMOS TRENS CON DIFERENTE NÚMERO DE VAGÓNS.
• XOGOS ESPACIAIS: CINCO TRENS SAIRÁN DA SÚA ESTACIÓN E TERÁN QUE CHEGAR AO SEU DESTINO SEN DESCARRILAR. OLLO, PORQUE TERÁN DIFERENTES OBSTÁCULOS QUE SUPERAR.
• XOGOS CORPORAIS: FALAREMOS DAS PARTES DO CORPO UTILIZAMOS NESE XOGO.
• XOGOS TEMPORAIS: OS TRENS DEBERÁN IR UNHAS VECES MÁIS RÁPIDO E OUTRAS MÁIS AMODO.
• RELAX: FORMAREMOS UN MANTO DE FLORES PRIMAVERAL. CADA CATIVO SERÁ UNHA FERMOSA FLOR DO CAMPO.

FILOSOFÍA DE COR ROSA CARAMELO

ESTAS SEMANAS PREVIAS AO DÍA INTERNACIONAL DA MULLER ESTIVEMOS A LER E PENSAR ARREDOR DUN FERMOSO LIBRO: ROSA CARAMELO. O CONTO ENRIBA ESTÁ NARRADO POR BEATRIZ MONTERO. EMBAIXO PODEDES CONSULTAR O PROGRAMA DAS SESIÓNS DE FILOSOFÍA PARA NENOS E NENAS.

"RONDOS" EN PSICOMOTRICIDADE

ESTA SEMANA EN PSICOMOTRICIDADE, IMOS FACER UNS RONDOS:

• QUECEMENTO: BOTAREMOS UNHAS CAREIRIÑAS QUENTADO AS PARTES DO CORPO QUE IMOS USAR.
• XOGOS ESPACIAIS: FORAMREMOS VARIOS EQUIPOS DE 5 OU SEIS PERSOAS QUE SE COLOCARÁN EN CÍRCULO. 
• XOGOS CORPORAIS: O RONDOS CONSISTEN EN QUE AS PERSOAS QUE FORMAN OS CÍCULOS TERANSE QUE IR PASANDO A PELOTA SEN QUE OUTRA PERSOA, QUE ESTÁ NO MEDIO, DEBERÁ TRATAR DE COLLELA. SE O CONSEGUE, PODERÁ OCUPAR UN LUGAR NO CÍRCULO. PASARÉMONOS O BALÓN CON DISTINTAS PARTES DO CORPO.
• XOGOS TEMPORAIS. PENSAREMOS NO TEMP QUE ESTIVO UNHA PERSOA NO MEDIO, QUE FIXEMOS ANTES, DESPOIS...
• RELAX: FORMAREMOS UN RONDO DE TRANQUILIDADE.

O CICLO DA AUGA EN EDUCACIÓN PSICOMOTRIZ

LEVAMOS UN INVERNO BEN MOLLADO, NON SI. CHOVE A ESGALLA! POIS NAS CLASES DE PSICOMOTRICIDADE DESTA SEMANA IMOS FACER O CICLO DA AUGA:

• QUECEMENTO: IMOS MOVERNOS LIBREMENTE COMO SE FÓSEMOS PINGAS DE AUGA. CANDO SOE O ASUBÍO, QUEDAMOS PARADOS.
• XOGOS ESPACIAIS: O CIRCUÍTO DO CICLO DA AUGA. NADAMOS NO MAR ATA QUE NOS QUETA O SOL (SOBRE AS COLCHONETAS), SUBIMOS Á NUBE (OS BANCOS SUECOS), TOCAMOS A MONTAÑA (ESQUIVAMOS AS PICAS VERTICAIS) E FLUÍMOS POLO RÍO (TÚNEL).
• XOGOS CORPORAIS: PENSAREMOS QUE PARTES DO CORPO UTILIZAMOS NOS CIRCUÍTO.
• XOGOS TEMPORAIS: PENSAREMOS QUE FENÓMENO PASA ANTES E CAL DESPOIS. E CAL AO FINAL. PERO, HAI REALMENTE FINAL?
• RELAX: FORMAREMOS A NUBE DE CALMA. CADA CATIVO SERÁ, COMA SEMPRE, UN RABO DE NUBE.

ABRINDO FIESTRAS COA SEÑORA LINGUA

CHEGA O DÍA DE ROSALÍA E ESTE ANO, O LEMA É #ABRIDEAFIESTRA. E, CLARO, A SEÑORA LINGUA VAI AIREAR A SÚA CASA. PIMEIRO, ABRE A PORTA PARA QUE CORRA O AR (ABRIMOS A BOCA E RESPIRAMOS). LOGO, ABRE UNHA VENTÁ (RESPIRAMOS POR UNHA FOSA NASAL E TAPAMOS A OUTRA) E LOGO OUTRA (RESPIRAMOS POLA OUTRA FUNGAINA E PECHAMOS A ANTERIOR) DURANTE 20 SEGUNDOS (INSPIRAMOS E EXPIRAMOS 20 VECES). A VER QUEN É QUEN DE FACELO ABRINDO SÓ UNHA FIESTRA! POR ÚLTIMO, ABRIMOS AS DÚAS XANELAS Á VEZ (AS DÚAS FOSAS NASAIS). 

O ENTROIDO DOS ANIMAIS

O ENTROIDO TAMÉN TERÁ O SEU LUGAR NAS CLASES DE PSICOMOTRICIDADE:

• QUECEMENTO: IMOS MOVERNOS POLA CLASE ALTERNANDO OS DESPRAZAMENTOS IMITANDO A DIFERENTES ANIMAIS.
• XOGOS ESPACIAIS: OS ANIMAIS TERÁN QUE PERCORRER UN CIRCUÍTO DE OBSTÁCULOS SEN DEIXAR DE SER ELES MESMOS. PASARÁN POLO RÍO SALTANDO POLAS PEDRAS (AROS), ARRASTRÁNDOSE POLAS XESTAS (PASANDO DEBAIXO DAS PICAS)...
• XOGOS CORPORAIS: PENSAREMOS QUE PARTES DO CORPO UTILIZAMOS MÁIS EN CADA IMITACIÓN. 
• XOGOS TEMPORAIS: PENSAREMOS EN QUE ANIMAIS VAN MÁIS RÁPIDO E CALES MÁIS LENTO.
• RELAX: FORMAREMOS A NUBE DE CALMA. CADA CATIVO SERÁ, COMA SEMPRE, UN RABO DE NUBE.

O ENTROIDO DA SRA. LINGUA

O INVERNO ESTÁ A SER MOI LONGO E TAMÉN ESTÁ AFECTANDO Á NOSA AMIGA. COLLEU UN ARREFRIADO DE AUPA E AGORA NON TEN VOZ. A ELA ENCÁNTANLLE AS ENTROIDO, PERO TEN MEDO DE NON SANDAR PARA CELEBRALO. GÚSTALLE MOITO DISFRAZARSE E CANTAR PERO, TAL E COMO ESTÁ, CADA VEZ QUE QUERE CANTAR ALGO, NON ARTICULA PALABRA. 

AO CABO DUN ANACO, COMO SE ABURRE, PROPON UN XOGO COS SEUS AMIGOS OS BEIZOS: ELES TEÑEN QUE PRONUNCIAR UNHA VOGAL SEN EMITIR SON NINGÚN E ELA TEN QUE ADIVIÑAR DE CAL SE TRATA. QUE VOS PARECE? XOGAMOS?

O BEN E O MAL

IMAXE: ARASAAC.

HOXE IMOS PENSAR EN SE AS SOLUCIÓNS QUE ACHEGAMOS AO PROBLEMA DO RATIÑO SON OU NON VIOLENTAS. REFLEXIONAREMOS SOBRE O QUE É BO E O QUE NON. FILOSOFEMOS!

A SRA. LINGUA E O AIRE

IMAXE: antonio-mkds.

HOXE IMOS FALAR DO BEN QUE SE LEVAN A SRA. LINGUA E O AIRE. A ELA ENCÁNTALLE QUE O AIRE CIRCULE POLA SÚA CASA. UNHAS VECES, PASA MOI AMODIÑO (INSPIRAMOS E EXPIRAMOS MOI LENTAMENTE) E, OUTRAS, MOI RÁPIDO (SOPRAMOS FORTE). UNHA VECES, TEN A PORTA MOI ABERTA E OUTRAS MOI PECHADA; E, CANDO PASA ISTO ÚLTIMO, O AIRE PRODUCE UN ASUBÍO. PROBADE VÓS!

PERO, HOXE A NOSA AMIGA NECESITA DESCANSAR E PECHOU A PORTA PARA QUE NON ENTRASE CORRENTE (PECHAMOS A BOCA). ENTÓN, O AIRE, QUE É MOI TRAVESO, QUERE SAÍR. E POR ONDE O FAI? POIS POLO NARIZ (EXPULSAMOS AIRE SÓ POLO NARIZ).

UN PAR DE PANXOLIÑAS CON PICTOGRAMAS

IMAXE: STATIC PEXELS.

COMO SE ACHEGA O NADAL, NO RAKONTO PEQUENO VAN PUBLICARSE BREVEMENTE DÚAS PANXOLIÑAS. PERO, PARA IR ENSAIÁNDOAS, XA VOLAS ADIANTAMOS AQUÍ. ESTES DÍAS QUE QUEDAN ATA VACACIÓNS IMOS ESTAR CANTÁNDOAS NAS CLASES DE APOIO DE INFANTIL.

A PRIMEIRA PANXOLIÑA CÁNTAA TINO BAZ.

IMAXE: RAMÓN PARÍS.

A SEGUNDA É UN LID UP DA EEI NOSA SEÑORA DO CARME DE MARÍN.

A SRA. LINGUA TEN FRÍO

IMAXES: ROLLING STONE LOGO® E WIKIA.

CHEGA O INVERNO E, CON EL, O FRÍO. A SEÑORA LINGUA ESTÁ A TREMER (FACEMOS PAPARRUCHAS COS BEIZOS) CANDO SAE FÓRA DA SÚA CASA (SACAMOS A LINGUA). POR ISO, PARA ESTAR AO QUENTIÑO, A NOSA AMIGA MÉTESE DENTRO, ACENDE A LAREIRA E PONSE UNHA MANTIÑA (TOCAMOS OS POTES POR DENTRO COA LINGUA).

CHUMBALAGARTO!

ESTA SEMANA EN EDUCACIÓN FÍSICA DE BASE, FAREMOS:

• QUECEMENTO: IMOS DESPRAZARNOS DE DIFERENTES MANEIRAS E PORTANDO DISTINTOS MATERIAIS (AROS, ZANCOS, PELOTAS...).
• XOGOS ESPACIAIS: CO MESMO XOGO DE ANTES, Á ORDE DO MESTRE, CAMBIAREMOS A NOSA POSICIÓN. METERÉMONOS DENTRO DO ARO, BAIXAREMOS DOS ZANCOS, SENTAREMOS ENRIBA DA PELOTA...
• XOGOS CORPORAIS: PRACTICAREMOS A REVIRAVOLTA NAS COLCHONETAS.
• XOGOS TEMPORAIS: REALIZAREMOS UN PEQUENO CIRCUÍTO SEGUINDO UNHA ORDE NOS EXERCICIOS. PRIMEIRO, DAREMOS UNHA REVIRAVOLTA, LOGO DESPRAZAREMOS A PELOTA DUN LUGAR A OUTRO COAS MANS E, AO FINAL, PORTAREMOS O TRES AROS EN DIFERENTES PARTES DO CORPO.
• RELAX: CON AROS COLOCADOS POR TODA A CLASE, TODOS OS NENOS E NENAS SENTARÁN NA PAREDE. AQUELES QUE ESTEAN MOI TRANQUILOS PODERÁN DESCANSAR NUN DOS AROS COMO SE FOSEN UNHA RA NUN NENÚFAR.

AMOR E AMIZADE

IMAXE: PATASDEPEIXE.

LEVAMOS DESDE COMEZO DE CURSO LENDO LIBROS SOBRE EMOCIÓNS. DESDE HAI UNHAS SEMANAS ESTIVEMOS LENDO UN QUE FALA SOBRE O AMOR, O AGARIMO: O CAMALEÓN AZUL. O CAMALEÓN SÉNTESE SÓ E VAI POLA VIDA BUSCANDO UN AMIGO QUE O QUEIRA DISFRAZÁNDOSE DE TODO O QUE VAI ATOPANDO POLO CAMIÑO, PERO NADA. NON CONSEGUE ATOPAR ALGUÉN QUE O QUEIRA. E SOBRE ISO, SOBRE A AMIZADE, ESTIVEMOS A FALAR:

RAMÓN: QUE FACEMOS COS AMIGOS?
GAB: JUGAMOS.
PAU: RESPETAMOS.
RAM: QUE É RESPECTAR?
PÀU: RESPETAR ES... ATENDER A LAS COSAS.
RAM: QUE MÁIS FACEMOS COS AMIGOS?
MIG: DIVERTIRNOS.
ALE: PASEAMOS.
AIH: COMPARTIMOS LOS JUGUETES.
COS: IR DE PASEO CON UNA CHICA.
RAM: E NON PODES IR DE PASEO CON UN CHICO?
COS: NO.
ARI: AH, ¿Y POR QUÉ TÚ DISTE UN PASEO CONMIGO?
COS: PORQUE NO PUEDE.
VARIOS: SÍ QUE PUEDE.
MIG: UN DÍA ESTABA PASEANDO CON AIH. TAMBIÉN. JUGANDO.
ARI: SI, PORQUE TÚ Y YO, COS., EN EL PATIO PASEAMOS Y JUGAMOS.

ESTE É UN FRAGMENTO DOS INTERESANTES DEBATES QUE SE PRODUCEN NA CLASES CON RESPECTO AO TEMA.
E XA QUE O TEMA VAI SOBRE O AMOR, AÍ VAI UNHA CANCIÓN: EU TEÑO ALGUÉN DE MARÍA FUMAÇA.

GRANDES BALÓNS POLA CARBALLEIRA

QUE IMOS FACER O AMIGO PAULO EN PSICOMOTRICIDADE? AQUÍ O TENDES:

• QUECEMENTO: IMOS CORRER DE DIFERENTES MANEIRAS BORDEANDO A CARBALLEIRA QUE HOXE TEMOS NA AULA DE USOS MÚLTIPLES (AS FOLLAS DOS CARBALLOS SERÁN CONOS PEQUENOS SITUADOS POR TODO O ESPAZO DA CLASE). 
• XOGOS ESPACIAIS: ADENTRÁMONOS NA CARBALLEIRA E, COA PELOTA DE PILATES. IMOS PASEANDO ENTRE AS FOLLAS SEN TOCALAS.
• XOGOS CORPORAIS: EN EQUIPOS DE 4 CATIVOS OU CATIVAS, ÍMONOS IR PASANDO A GRAN PELOTA CON DIFERENTES PARTES DO CORPO SEGUNDO DE INDIQUE.
• XOGOS TEMPORAIS: PASARÉMOLA PRIMEIRO NO SENTIDO DAS AGULLAS DO RELOXO, LOGO AO CONTRARIO E AO FINAL COMO QUEIRAMOS.
• RELAX: DEITARÉMONOS A DESCANSAR COAS PELOTAS NO PEITO E MÚSICA QUEDA.

FILOSOFÍA DAS EMOCIÓNS I

IMAXE: MAMINATURA.COM.

NAS CLASES DE APOIO DESTAS ÚLTIMAS SEMANAS, IMOS SINULTANEANDO AS CANCIÓNS PREPARATORIAS DO PASADO XA SAMAÍN E DO MAGOSTO CON OUTRAS ONDE LEMOS CONTOS QUE TEÑEN QUE VER COAS EMOCIÓNS. POR EXEMPLO, ESTE:

IMAXE: SM.

EN TODA ESA VORÁXINE, TAMÉN NOS QUEDA TEMPO PARA FILOSOFAR UN POUCO. DE FEITO, ANTES DE LERMOS ESTE E OUTROS CONTOS, UN DÍA LOGO DE TER VISTO O CONTO DO MONTRUO DE COLORES, PUXÉMONOS A CONVERSAR:

RAMÓN: POR QUE CRES QUE SE NAMOROU O MONSTRO DE CORES (PÁSALLE AO FINAL DO LIBRO)?
ELV.: PORQUE SE LIARON.
R: COMO? QUE É LIARSE?
ELV.: SE LIÓ CON EL COLOR ROSA DE LAS EMOCIONES.

CON REFLEXIÓNS TAN INTERESANTES COMO ESTA:

RAMON: ALE., TI CANDO TE ENFADACHES?
ALE.: CUANDO MI AMIGA NO PERDIÓ SUS PINYPON Y YO SÍ.
R: E TI, COS.?
COS.: CUANDO MI MAMÁ NO ME DA EL JUGUETE.
MIG.: CUANDO MI PAPÁ Y MI MAMÁ NO ME PROMETEN UNA COSA.
ERI: CUANDO MI HERMANO NO JUEGA CONMIGO, ME PONGO TRISTE.

XOGOS DO MAGOSTO

IMAXE: RAMÓN PARÍS LAGO.

ACHÉGASE O MAGOSTO E, CON EL, OS TRADICIONAIS XOGOS COAS CASTAÑAS. SE PREMEDES NA IMAXE, PODEREDES VER O BORRADOR EXPLICATIVO DE TRES DOS CATRO XOGOS QUE TEMOS PARA ESE DÍA. O CUARTO PODÉDELO LER EMBAIXO. COMO SEMPRE AS SESIÓNS ORGANIZARANSE ASÍ:

• QUECEMENTO CON CANCIÓNS DO OUTONO
• DESENVOLVEMENTO:
• COMECASTAÑAS: ENCESTAR CASTAÑAS.
• PLANTA E APAÑA: CASTAÑAS NUNHA CESTA. CADA XOGADOR OU XOGADORA COLLERÁ UNHA CASTAÑA PARA PLANTAR NO LUGAR INDICADO E LOGO VOLVE POR OUTRA E ASÍ SUCESIVAMENTE.
• PASEA A CASTAÑA: EQUIPOS EN FILA TERÁN QUE IR PASÁNDOSE A CASTAÑA DE DIFERENTES MANEIRAS.
• XOGO DAS CADEIRAS CON MÚSICA DE TODA A VIDA :)
• RELAX CUNHA CANCIÓN FERMOSÍSIMA SOBRE O OUTONO.

IMAXE: RAMÓN PARÍS LAGO.