SAÍDA AO CGAI

IMAXE: RAMÓN PARÍS LAGO.

ESTIVEMOS TODA A SEMANA PASADA FALANDO DA SAÍDA AO CGAI (O CINE, COMO LLE CHAMAMOS NÓS). LEMBRABAMOS AS PELÍCULAS QUE IAMOS VER...

SHANGOUL E MANGOUL

O PEIXE ARCO DA VELLA

LILI HOSAK (PE PE PEQUENO ESTANQUE)

...FALABAMOS DE QUE PODERÍAN TRATAR E, NO RECANTO DA BILBIOTECA, ESTIVEMOS A DISCUTIR SOBRE A RUTA QUE DEBERÍA SEGUIR O BUS QUE NOS ÍA LEVAR. EFECTIVEMENTE, PARTIMOS DUN TEXTO REAL (UN MAPA DE A CORUÑA DESCARGADO DE GOOGLE MAPS), PARA SITUAR O NOSO PUNTO DE PARTIDA E O DE CHEGADA. MIRADE A PABLO E A MARCOS CONSULTANDO O MAPA.

IMAXE: RAMÓN PARÍS LAGO.

VIMOS QUE SÓ SE PODÍA IR POLOS CAMIÑOS BRANCOS (AS RÚAS) E EVITAMOS MARCAR O PERCORRIDO POLAS PARTES GRISES (OS EDIFICIOS). TAMÉN NOS QUEDOU CLARO QUE NON RESULTABA RECOMEDABLE DICIRLLE AO CONDUTOR QUE NOS LEVASE POLA PRAIA OU O MAR.

IMAXES: RAMÓN PARÍS LAGO.

ANIVERSARIOS DE MARTINA E MICHAEL

IMAXE: RAMÓN PARÍS LAGO.

NON FOI SEN TEMPO! NON PUBLICAMOS AS IMAXES POR PROBLEMAS VARIOS :).
UN NENO E UNHA NENA ENTRARON HAI UNHAS SEMANAS NO CLUB DOS 3. MARTINA E MICHAEL CONVIDÁRONNOS A UN ANACO DE DELICIOSO BISCOITO E NÓS, A CAMBIO, CANTÁMOSLLE EN TRES IDIOMAS. OMG!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

CAMBIO DE IMAXE

IMAXE: CAPTURA D'A TROPA DE PAULO.

COMO VEDES, A TROPA CAMBIOU DE ASPECTO. QUERIAMOS FACER MÁIS CLARA A SÚA VISUALIZACIÓN E DECIDIMOS MUDAR AS CORES DO BLOG. PARA TER SEMPRE NA LEMBRANZA A ANTIGA IMAXE, DEIXAMOS UNHA CAPTURA. AGARDAMOS QUE VOS GUSTE.

ANIVERSARIO DE ADELA

IMAXE: RAMÓN PARÍS LAGO.

OUTRA NENA QUE ENTRA NO CLUB DOS 3. ONTE, ADELA CONVIDOUNOS A UN ANACO DE DELICIOSO BISCOITO E NÓS, A CAMBIO, CANTÁMOSLLE EN TRES IDIOMAS. OMG!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

EXEPERIMENTOS CON LUME E AUGA

IMAXE: ISSUU.

COMO TODOS SABEDES, DURANTE ESTA SEMANA ESTAMOS A DESENVOLVER EN EDUCACIÓN INFANTIL A INICIATIVA DIDÁCTICA "EXPERICIENCIA". NAS SEMANAS ANTERIORES DEDICÁMONOS A REALIZAR PRÁCTICAS CON AUGA, LUME E (AÍNDA QUE NON SE VEXA) AIRE. ESTA SEMANA CENTRÁMONOS NA AUGA E A MESTURA CON DIFERENTES SUBSTANCIAS. ESTA IMAXE É UN ADIANTO DESAS EXPERIENCIAS.

IMAXE: RAMÓN PARÍS LAGO.

XA TEMOS PREPARADOS OS DOCUMENTOS DE REXISTRO DA PRIMEIRA XEIRA DE EXPERIMENTOS, COMO PODEDES VER NO DOC ISSUU DE ARRIBA. O PROCESO SEGUIDO COMEZA COA PREPARACIÓN DOS MATERIAIS.

IMAXE: RAMÓN PARÍS LAGO.

CONTINÚA CO ESTABLECEMENTO DE HIPÓTESES.

IMAXE: RAMÓN PARÍS LAGO.

COA REALIZACIÓN DO EXPERIMENTO EN SI.

E, FINALMENTE, COA OBSERVACIÓN DOS EFECTOS.

IMAXE: RAMÓN PARÍS LAGO.

NO MEDIO DE TODO ISTO, ESTIVEMOS A FACER UN EXPERIMENTO MULTITUDINARIO COA AUGA, O XABÓN E, SOBRE TODO, AS BURBULLAS.

IMAXE: RAMÓN PARÍS LAGO.

IMAXE: BLOG COUSAS DE NEN@S.

ANIVERSARIO DE ALBA

IMAXE: RAMÓN PARÍS LAGO.

OUTRA NENA QUE ENTRA NO CLUB DOS 3. O OUTRO DÍA ALBA CONVIDOUNOS A UN ANACO DE DELICIOSO BISCOITO E NÓS, A CAMBIO, CANTÁMOSLLE EN TRES IDIOMAS. QUE NIVEL!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

PD: NOUTRO ARTIGO COMENTABAMOS QUE NA CLASE USABAMOS UN CÓDIGO DE CORES PARA DIFERENCIAR OS DÍAS. POIS BEN, AGORA NON SÓ É DE CORES. TAMÉN USAMOS FORMAS. MIRADE QUE BONITOS.

PARA CIENTÍFICOS, NÓS

IMAXE: RAMÓN PARÍS LAGO.

A SEMANA, ENTRE TANTA LEA DE SAMAÍN/MAGOSTO, VISITÁRONNOS O PAI E A NAI DUNHA NENA DOUTRA CLASE. PREGUNTARÉDESVOS QUE TIÑAN DE PARTICULAR? POIS QUE SON CIENTÍFICOS. ENTÓN ESTIVÉRONNOS APRENDENDO ALGÚN EXEPIMENTOS QUE NOS SORPRENDERON A TODOS E TODAS.

CON ELES SOUBEMOS QUE, PARA APLICAR O MÉTODO CIENTÍFICO, ADEMAIS DE EXEPRIMENTAR, DEBEMOS ANTES FORMULAR HIPÓTESES E, FINALMENTE, EXTRAER CONCLUSIÓNS.

ESTA VISITA INICIARÁ UN CAMIÑO QUE IREMOS PERCORRENDO NAS AULAS E QUE NOS LEVARÁ A PRACTICAR DIVERSOS EXPERIMENTOS.

SEGUIREMOS INFORMANDO.

ANIVERSARIO DE PABLO

IMAXE: RAMÓN PARÍS LAGO.

SEGUIMOS DE FESTEXOS. DESTA VOLTA, RISCAMOS NO CALENDARIO O ANIVERSARIO DE PABLO. POR SUPOSTO, CANTAMOS E PAPAMOS UN BO BISCOITO. PARABÉNS!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

MAGOSTO/SAMAÍN

ESTIVEMOS ESTA SEMANA FALANDO MOITO DO SAMAÍN. LEMOS ALGÚN LIBROS SOBRE O TEMA.

IMAXE: ED. OCÉANO.

IMAXE: KALANDRAKA.

A TRAVÉS DO PRIMEIRO LIBRO ESTIVEMOS A COMPOÑER A CARA DO HORRIBLE MONSTRO VERDE NO RECANTO DE PLÁSTICA. CON TODAS AS CARAS DECORAMOS TERRORIFICAMENTE A ENTRADA DO COLEXIO.

ESTE XOVES DEDICÁMOLO A CELEBRAR O MAGOSTO. PRIMEIRO, FOMOS BOTARLLES UN OLLO ÁS CABAZAS EXPOSTAS NOS CORREDORES. A MÚSICA SOABA A MISTERIO E A LUZ BRILLABA TENUE.

IMAXE: RAMÓN PARÍS LAGO.

DESPOIS ACUDIMOS AO PATIO CUBERTO (FÓRA CHOVIA A CHUZOS) E VISITAMOS COS NOSOS CESTOS COLGADOS NO COLO AO CASTAÑEIRO.

IMAXE: RAMÓN PARÍS LAGO.

FINALMENTE, SENTAMOS NOS BANCOS DO XIMNASIO E (ALGÚNS SOBRE TODO) INCHARON A CASTAÑAS.

IMAXE: RAMÓN PARÍS LAGO.

O HORRIBLE MONSTRO VERDE E A SÚA CARA

IMAXE: ED. OCÉANO.

A SEMANA QUE VÉN, NO RECANTO DE PLÁSTICA IMOS IMITAR A UN ARTISTA. SERÁ UN ESCRITOR E ILUSTRADOR DE CONTOS: ED EMBERLY, E O SEU LIBRO ¡FUERA DE AQUÍ, HORRIBLE MONSTRUO VERDE! ESCOLLÉMOLO PORQUE, COMO SE ACHEGA O SAMAÍN (E A SÚA VERSIÓN ESTADOUNIDENSE DO HALLOWEEN), QUIXEMOS BUSCAR ALGO RELACIONADO COS MEDOS E COMO VENCELOS. NESTE CASO CONSEGUÍMOLO MEDIANTE A EXPRESIÓN: ¡FUERA DE AQUÍ!

IMOS TRATAR, POIS, DE COMPOÑER A CARA DESE HORRIBLE MONSTRO VERDE TAL E COMO ED EMBERLY VAI FACENDO A MEDIDA QUE TRANSCORRE O LIBRO. LEMBRADE, PRIMEIRO VANSE MOSTRANDO TODAS ELAS E, LOGO, AS NOSAS PALABRAS FANAS DESAPARECER POUCO E POUCO.

PARA MONTAR A NOSA CARA USAREMOS OS MATERIAIS MÁIS PARECIDOS AOS QUE USA ED NO SEU LIBRO: CARTOLINA OU PAPEL CHARÓN.

PRIMEIRA NORMA DE CONVIVENCIA DA AULA

IMAXE: RAMÓN PARÍS LAGO.

NUN ARTIGO DO CURSO PASADO, AFIRMABAMOS QUE AS NORMAS, SE SON SUFICIENTES PARA MANTER UN BO AMBIENTE, CANTAS MENOS, MELLOR. E ESTE ANO IMOS SEGUIR IGUAL: CONSENSUANDO NORMAS DE CONVIVENCIA PARA CONSEGUIR ENTRE TODOS E TODAS UN CLIMA DE RESPECTO E APRENDIZAXE FAVORABLE.

A PRIMEIRA NORMA FACIASE NECESARIA. CANDO FORMAMOS UNHA ASEMBLEA, NON PARABAMOS DE FALAR UNS ENRIBA DE OUTROS E NUN TON MOI ALTO. POR ISO, DESPOIS DE CONVERSAR UN POUQUIÑO, DECIDIMOS INSISTIR DÍA A DÍA NA MELLOR FORMA DE COMUNICARSE: QUE UN FALE TRANQUILAMENTE E OUTRO LLE ESCOITE CON ATENCIÓN. SACAMOS UNHA FOTO PARA REPRESENTALA E XA TEMOS UN CARTELIÑO NA AULA PARA LEMBRALO. E AGORA PUBLICÁMOLO TAMÉN AQUÍ. FIXÁDEVOS NO MENÚ DA DEREITA. ALÍ TAMÉN SE PODE VER.

CELEBRAMOS ALGÚNS ANIVERSARIOS

IMAXE: RAMÓN PARÍS LAGO.

TODOS OS DÍAS, UNHA DAS RUTINAS DA ASEMBLEA CONSISTE EN RISCAR NO CALENDARIO OS DÍAS QUE VAN PASANDO. ÁS VECES, ATOPÁMONOS QUE, ENRIBA DO NÚMERO DO DÍA, HAI ALGO ESCRITO POR RAMÓN. QUE SERÁ? SE PENSADES QUE ESTÁ ANOTADO O NOME DO NENO OU NENA QUE CUMPRE ANOS ESE DÍA, ACERTÁCHEDES. NESTAS SEMANAS, COINCIDIU QUE TIÑAMOS QUE CELEBRAR OS ANIVERSARIOS DE AINARA E LEIRE E, POR ISO, NOS TROUXERON CADANSEU BISCOITO. YUMMY, YUMMY!

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

PD: ALGUÉN PREGUNTOU QUE ERA ISO DAS CORES DOS DÍAS. POIS BEN, AQUÍ VOS VAI UNHA LIGAZÓN CO CÓDIGO DE CORES QUE USAMOS NA AULA PARA DIFERENCIAR OS DÍAS DA SEMANA (E A CANCIÓN COA QUE OS MEMORIZAMOS, QUE TAMÉN A PODEDES VER O QUE CANTAMOS).
*NOTA DO 05/11/2015: ESTE CÓDIGO DE CORES FOI MODIFICADO. CONTÁMOVOLO NESTE ARTIGO.

COUSAS QUE NOS GUSTAN

IMAXE: CANAL LECTOR.

A ORGANIZACIÓN DA CLASE AÍNDA É MOI FLEXIBLE. CALQUERA PODE IR AO RECANTO QUE QUEIRA E CANDO QUEIRA. NON OBSTANTE, ESTAMOS COMEZANDO A UTILIZAR OS RECANTOS DUNHA FORMA SIMILAR A COMO O FAREMOS AO LONGO DO CURSO. 

EN EFECTO, CADA DÍA UN GRUPO DE CINCO NENOS E NENAS ESTÁN A ACUDIR AO RECANTO DA BIBLIOTECA PARA REALIZAREN UNHA TAREFA ESPECÍFICA. NA EDUCACIÓN INFANTIL, UNHA TAREFA NON SIGNIFICA NECESARIAMENTE UNHA FICHA, COMO MOITA XENTE CRE. ÁS VECES, UN PEQUENO DIÁLOGO SOBRE UN TEMA CONCRETO PODE SER DUNHA GRAN UTILIDADE.

E NISO ESTAMOS AGORA. CONTAMOS CUN LIBRO ESPECIAL (LEMBRADE QUE NESTE COMEZO DE CURSO TODAS AS CLASES DE INFANTIL DO COLEXIO ESTÁN A COÑECER MÁIS SOBRE O AUTOR ANTHONY BROWNE): COSAS QUE ME GUSTAN. ESTE LIBRO PERMÍTENOS CONTAR AS COUSAS QUE MÁIS NOS GUSTA FACER.

O PERÍODO DE ADAPTACIÓN

IMAXE: RAMÓN PARÍS LAGO.

COMO BEN SABEDES, O MES DE SETEMBRO NO 4º NIVEL DE INFANTIL DEDÍCASE AO PERÍODO DE ADAPTACIÓN. ESTAS DÚAS SEMANAS OS RAPACES E RAPAZAS ESTÁNSE A ESFORZAR POR ASIMILAR UN NOVO ESPAZO: O COLEXIO DE MAIORES. 

IMAXE: ISUU.

NESTES DÍAS, APRENDEN A ACUDIREN SÓS AO BAÑO, A XOGAREN NOS RECANTOS DE ACTIVIDADE DA AULA, A RELACIONÁRENSE CUNS NOVOS AMIGOS E AMIGAS, A ESCOITAREN CONTOS, A INTERPRETAREN CANCIÓNS... 

IMAXES: RAMÓN PARÍS LAGO.

TODO LLES RESULTA NOVIDOSO E AFACERSE A TODAS ESAS SITUACIÓNS NON É DOADO. POR ISO, DEBEMOS FELICITALOS POLO BEN QUE SE ESTÁN TOMANDO ESTA NOVA AVENTURA.

BENVIDOS E BENVIDAS A UN NOVO CURSO!

IMAXE: WIKIPEDIA.

NOVO ANO, CLASE NOVA. ESTE CURSO, O BLOG VAISE CENTRAR NA AULA DE 4º DE INFANTIL DO CEIP DE PRÁCTICAS DE A CORUÑA. COMO TODOS OS ANOS, COMEZAMOS COS MELLORES DESEXOS PARA TODOS E TODAS. ADIANTE!

PD: COMENTAMOS NA REUNIÓN COAS FAMILIAS QUE NON NOS QUEDARA NADA NO TINTEIRO. EN REALIDADE SI: DÚAS.

• LEMBRADE MANDARLLE CALZADO CON VELCRO (EVITADE OS CORDÓNS).
• SE AÍNDA ESTADES A TEMPO PORQUE NON MERCASTES O MATERIAL, SE NON TENDES INCONVENIENTE, NO CANTO DE MERCAR A PLASTILINA QUE VOS INDICAMOS NA CIRCULAR, ADQUIRIDE UN BOTE DE Soft Dough BLANDIVER. NON IMPORTA A COR.

RECOLLEITA (PARTE 2)

IMAXE: RAMÓN PARÍS LAGO.

CONTABÁMOSVOS O OUTRO DÍA QUE ACUDIMOS Á HORTA A COLLETAR O SEMENTADO. TROUXEMOS CEBOLIÑOS, ALLOS, CHÍCHAROS E FABAS.

AO DÍA SEGUINTE, ESTIVEMOS TOCÁNDOOS.

ARRECENDÉNDOOS.

E MESMO PROBÁNDOOS (OS ALLOS PICAN; É O QUE TEÑEN!).

LOGO, DEIXÁMOLOS NUNHA CAIXA PARA VER QUE OCORRÍA CO PASO DO TEMPO E DECATÁMONOS DE QUE PODRECEN, COMO O CEBOLIÑOS, E ENDURÉCENSE, COMA OS CHÍCHAROS.

POR ÚLTIMO, O VENRES O MESTRE MANU COMENTOUNOS QUE TIÑAMOS NA NOSA HORTA UNHA CHEA DE AMORODOS VERMELLOS QUE, SE NON COLLEITABAMOS XA, PODERÍA VIR ALGÚN PAXARIÑO E COMELOS. POR ISO, CORREMOS LIXEIROS ATA A HORTA E ARRINCÁMOLOS. LOGO, NA CLASE, QUE PENSADES QUE FIXEMOS: MIRAR PARA ELES? HA, HA! POIS SI, PERO Á PARTE DISO TAMÉN OS ULIMOS E, POR SUPOSTO, SABOREAMOS. COMPROBAMOS QUE DESPRENDEN UN SABOR MOI ACEDO.

IMAXES: RAMÓN PARÍS LAGO.

ANIVERSARIOS NOVOS

IMAXE: RAMÓN PARÍS LAGO.

MAÑÁ CUMPRE ANOS A NOSA AMIGA DANIELA. ENTRA NO CLUB DOS 4, IGUAL FIXO QUE JORGE HAI UNS DÍAS E QUE NON NOS DEU TEMPO DE REFLECTILO AQUÍ. POIS AÍ VAI A NOSA HUMILDE HOMENAXE.

ESTE É O TEU DÍA, 

DÍA DO TEU CUMPREANOS.

HOXE É O TEU DÍA, 

DÍA NO QUE TI FAS ANOS.

X. RODÍGUEZ (LETRA) E E. NOVOA (MÚS.)

RECOLLEITA (PARTE 1)

IMAXE: RAMÓN PARÍS LAGO.

ONTE FOMOS Á HORTA RECOLLER UNS CANTOS PRODUTOS. IMOS POR PARTES. PRIMEIRO, FOMOS Á HORTA.

LOGO, NA ASEMBLEA, ESTIVEMOS A MANIPULAR E ARRECENDER TODO O RECOLLIDO. CEBOLIÑOS (CANDO OS RECOLLEMOS NA HORTA, PENSABAMOS QUE ÍAN SAÍR CEBOLAS; VAIA SORPRESA!)

ALLOS (AÍNDA SON PEQUENOS, ACORDAMOS).

RAVO (EN CASTELÁN, RÁBANO). PARECE UN AMORODO PERO NACE DEBAIXO DA TERRA.

E ABRIMOS OS CHÍCHAROS E AS FABAS.

IMAXES: RAMÓN PARÍS LAGO.